1 Samuweli 17:32 - IBAYIBOLO 2024

³² U Devedi akamubuzya u Sabuli akati, “Wee mwene, patakabepo nayumoyumo umuntu uwakumunyila umu Filisiti uyu. Ane ne wambombo wako nkwiza pakulwa nawe.”

1 Samuweli 17:32 Iomraidhean Croise

Masalimo 3:6

Ntakwiza pakubanyila abalwani napapo bangaba binji nkani, napapo banganzyungulila kumbazu zyosi.

Yesaya 35:4

Mubabuzye abantu aba moyo amogha muti, “Mubanje mwe bajivu, mutakanyilaye, u Chala winyu akwiza pakubatanizya, nukubafunda abalwani binyu po akwiza pakubapoka.”

Yesaya 7:4

Umubuzye ukuti abanje maso, abanje myee sona atakanyilaye, pamo ukuvulungana. Pachifukwa chabukali ubwa Lezini nu Siliya numwana uwa Lemaliya, babo bali ngati visinko vivyo vikusuka bulo ilyosi.

Ukubelengiwa 13:30

Loli u Kalebu akabapumizya abantu pamaso pa Mozesi nukuti, “Twende tubukaye losi ulu nukuchifyula ichisu chila, pakuti tungachifyula.”

Ukubelengiwa 14:9

Mutakamusambukilaye u Mwene, sona mutakabanyilaye abantu aba muchisu chilachila, pakuti tukwiza pakubanangannya. Abene bate na maka sona, loli aswe u Mwene ali naswe, po mutakabanyilaye.”

Aba Hebeli 12:12

Polelo muzikazyanje inyobe zyinyu idedebazu, sona nukuvipa amaka ivimpevu vyinyu vivyo vikutetema.

Yoshwa 14:12

Po losi ulu mpanga ichisu icha mumaghamba chicho u Mwene akandayizya pisiku lilalila. Pakuti awe wemwenecho ukivwa ukuti aba Anaki bakaba kulakula, sona nukuti utwaya twabo utukulu tukaba na malinga. Loli lumo u Mwene akwiza pakuba nane, po nkwiza pakubachimbizyamo ukuyana namumo akanenela.”

1 Samuweli 14:6

U Yonatani akamubuzya umulumendo yula akati, “Twende tulobokele kwisila kuko kuli ivisakasa ivya bantu babo batasilimuliwe. Lumo u Mwene akwiza pakutulwila ubwite, pakuti chitalipo nachimochimo chicho chingamukanizya ukuti atupoke manyi twe binji pamo twe banandi.”

1 Samuweli 16:18

Uwambombo wache yumo akati, “Umwana uwa Yese uwamu Betelehemu weyuyo amenye pakulizya ipango, sona muntu mujivu nkani pakulwa ubwite. Achebite nkani pamulomo, sona ali na kabonekele akiza nkani. U Mwene ali nawe.”

1 Samuweli 17:31

Abantu bakaghivwa amazyu agha Devedi, nukumulingannya u mwene u Sabuli, po u mwene yula akamwitizya u Devedi.