1 Samuweli 17:26 - IBAYIBOLO 2024

²⁶ U Devedi akabalalusya abantu babo bakaba papipi nawe akati, “Nkimba akwiza pakumubombela ichoni umuntu yuyo angamughogha umu Filisiti yunuyu nukubefya isoni aba Izilayeli? Nkimba umu Filisiti umusita kusilimuliwa uyu wewenu, ukuti abasamule abasilikali aba Chala umumi?”

1 Samuweli 17:26 Iomraidhean Croise

2 Abamwene 19:4

Lumo zingaba ukuti u Mwene u Chala winyu akwiza pakwivwa amazyu agha songo uwa basilikali yuyo mulongozi wache uwamu Asiliya abatuma pakumusamula u Chala umumi, sona akwiza pakumuchemela pachifukwa icha mazyu ghagho u Mwene u Chala winyu ivuye. Polelo mubiputilaye abakusyalako babo bachili bumi.”

2 Imbili 32:17

U mwene akasimba sona abakalata pakumusamula u Mwene u Chala uwa Izilayeli ukuti, “Ngati mumo abachala aba inko izinji batakabapoka abantu babo munyobe zyane, po wepe uchala uwa Hezekiya atangabapoka abantu bache munyobe zyane.”

Nehemiya 5:9

Po nkababuzya sona nkati, “Ivintu vivyo mukubomba te vyiza, awe. Nkimba mutangamunyila u Chala umwakuti abalwani bitu babo te ba Yuda batakatusamulaye?

Masalimo 44:13

Ukabitikizya abapalamani bitu ukuti batusekaye, abantu babo batuzyunguliye bakutusamula nukutobezya.

Masalimo 74:18

Wee Mwene kumbuka namumo umulwani akobezezya, sona namumo abantu abapunganu balisamulila itabwa lyako.

Masalimo 79:12

Wee Mwene ubatanizyanje akaseveni abantu aba inko izinji, pachifukwa icha ntuko zizyo bakukusamula nazyo.

Yesaya 37:23

Nkimba wewenu yuyo ukumutuka nukumusamula? Nkimba wewenu yuyo ukumukwezezya izyu, nukwinusya amaso ghako umwakwituvya? Ku Muzelu uwa Izilayeli!

Yelemiya 10:10

Loli u Mwene we Chala uwanaloli, we Chala umumi, u Mwene uwa bwila na bwila. Bo akalala, ichisu ichapasi chikutetema, inko zitangajimba nu bukali bwache.

Yelemiya 9:25

“Ghakwiza amasiku ghagho nkwiza pakubafunda babo basilimuliwe ku mubili wene.

Yelemiya 9:26

Aba muchisu icha Ijiputi nu Yuda nu Edomu nu Amoni nu Mowabu sona na babo bakwikala munkolongo babo bakumwa isisi zyabo. Pakuti inko zyosi zinizi zitasilimuliwe sona bope aba Izilayeli batasilimuliwe mumoyo.”

Ezekiyeli 28:10

Ukwiza pakufwa ngati muntu yuyo atasilimuliwe, munyobe izya bayeni. U Mwene Uwamaka Ghosi anena.’ ”

Daniyeli 5:23

Loli ukamusambukila u Mwene uwakumwanya pakubalamula abantu ukuti bize ni mbako ni mbale pamaso papako zizyo zikaba mu Nyumba iya Chala. Po awe na makambala ghako, na bachi bako sona na bachi bako abazya mukang'welelaghamo uvinyo. Mukabapala abachala aba siliva naba golide naba mukuba na bachela naba makwi sona naba mabwe abachala babo batakwennya pamo ukwivwa pamo ukumanya ivintu. Loli utakamuchindika u Chala, yuyo akubusungilila ubumi bwako, sona yuyo ivintu vyosi vili munyobe zyache.

Daniyeli 6:27

Akumwimila umuntu sona akumupoka, akupela iviswigho ni vyika, kumwanya na pachisu ichapasi. Amupoka u Daniyeli kumaka agha nkalamu.”

Daniyeli 9:16

Wee Mwene, ukuyana ni mbombo zyako ingolosu, tonta umoyo sona efyako ubukali bwako pa Yelusalemu akaya kako akakulu nkani, sona ighamba lyako izelu. Imbibi zyitu sona nu bubibi ubwa banyenya bitu vyamupela u Yelusalemu na bantu bako pakuba chakusesya pakasi pabapalamani bitu bosi.

Yoweli 2:19

U Mwene akwiza pakubamula ukuti, “Nkubatumila ingano, nu vinyo umupya, sona na mafuta, vivyo vikwiza pakubakwana, Po ntakwiza pakubasamula sona pakasi pa inko.

Ukukumbusya Amalamulo 5:26

Nkimba alipo umuntu yuyo akendelela pakuba nubumi, bo amwivwa u Chala umumi akunena mumoto?

1 Aba Tesalonika 1:9

Pakuti abene bakunena nizya mumo mukatupokelela akiza, sona namumo mukavileghukila ivifwani nukumubombela u Chala umumi, sona nu wanaloli.

Yoshwa 3:10

Bunubu mukwiza pakuzyaghannya ukuti u Chala umumi ali pakasi papinyu sona nukuti naloli akwiza pakubachimbizya pamaso papinyu abalwani binyu aba Kenani naba Hiti naba Hivi naba Pelezi naba Giligashi naba Amoli sona naba Yebusi.

1 Yohani 5:20

Tuzimenye ukuti u Mwana uwa Chala iza, nukutupa amahala aghakivwisizye, umwakuti tumumanye yuyo wanaloli. Aswe tukwikala mukumamatilana poka nu Chala wanaloli, sona nu Mwana wache u Yesu Kilisitu. U Yesu Kilisitu we Chala wanaloli, we bumi ubwa bwila na bwila.

1 Samuweli 11:2

Loli u Nahashi akamula akati, “Nkwiza pakufingana namwe ulufingo, pene papo nanti namukolompola umuntu wesi ilyiso ilyandilo, umwakuti imbakozye isoni aba Izilayeli bosi.”

1 Samuweli 14:6

U Yonatani akamubuzya umulumendo yula akati, “Twende tulobokele kwisila kuko kuli ivisakasa ivya bantu babo batasilimuliwe. Lumo u Mwene akwiza pakutulwila ubwite, pakuti chitalipo nachimochimo chicho chingamukanizya ukuti atupoke manyi twe binji pamo twe banandi.”

1 Samuweli 17:10

Po umu Filisiti yula akati, “Umusanya ughu nkubasamula abasilikali aba ba Izilayeli! Mpanga umuntu ukuti alwe nane.”

1 Samuweli 17:30

Po u Devedi yula akaghalabuka nukumulalusya umuntu uyunji ilalusyo lilalila, sona umuntu wesi akamwamula ngati mumo bakamwamulila pakwanda pala.

1 Samuweli 17:36

Ane ne wambombo wako naghoghapo inkalamu na balabwe, po umu Filisiti umusita kusilimuliwa uyu nkwiza pakumughogha ngati mumo nkavighoghelagha ivinyamana vila, pachifukwa ichakuti akubasamula abasilikali aba Chala umumi.

1 Samuweli 31:4

U Sabuli akamubuzya umulumendo uwakumunyamulila ivilwilo akati, “Weya wee, wesa upanga wako, undase, lumo abantu abasita kusilimuliwa banganseka nukungogha.” Umulumendo yula akanyila nkani, umwakuti akakana pakumulasa. Loli u Sabuli akasenda impalala yache nukwisumbapo.