1 Samuweli 17:24 - IBAYIBOLO 2024

²⁴ Nanti aba Izilayeli bamwennya bulo umuntu yula, bakamuchimbilagha pachifukwa ichakuti bakamunyilagha nkani.

1 Samuweli 17:24 Iomraidhean Croise

Yesaya 30:17

Ukoghofya ukwa muntu weka kukwiza pakuchimbizya abantu 1,000 napapo babe fayivi bulo pope mukwiza pakuchimbila, mupaka babaleke ngati likwi ilyakupayikapo indembela pamwanya pighamba, ngati chimanyilo patughamba.”

Yesaya 7:2

Bo abamunyumba iya Devedi bivwa ukuti ichisu icha Siliya bivwanite ni chisu icha Efulayimu, u mwene poka na bantu bache ubogha bukabalema sona bakatetemagha ngati mumo amakwi agha mumusitu ghakuyinganiziwa ni mpepo.

Aba Levi 26:36

Abantu babo basyalako, nkwiza pakubapelela ubogha muvyisu ivya balwani babo, umwakuti bakwiza pakuchimbila bo bivwa umuswato. Bakwiza pakuchimbilagha ngati muntu yuyo akuchimbila ubwite, sona bakwiza pakuwanga pasi, pakusita nayumo umuntu uwakubachimbizya.

Ukubelengiwa 13:33

Abantu babo tukabennya muchisu chila bakaba batalibatali bene abaluko ulwa Anaki. Aswe tukabonekagha ngati zyo mpazi, sona bope bakatwennyanga ngati zyo mpazi.”

Ukukumbusya Amalamulo 32:30

Nkimba choni chicho umuntu weka akabachimbizya abantu 1,000 pamo abantu babili ukubachimbizya abantu 1,000? Ichi cho chifukwa Ilyalabwe lyabo lyabaleka bene, sona u Mwene wabo uwamaka abaghulizya.

1 Samuweli 17:11

Bo u Sabuli poka naba Izilayeli bosi bivwa amazyu agha mu Filisiti yula, bakanyila nkani nukutetema.

1 Samuweli 17:23

Bo ali pakunenezannya nabo, akamwennya u Goliyati umu Filisiti uwamaka uwamu Gati yula akufuma pakasi pabasilikali aba ba Filisiti nukwanda pakubabechela aba Izilayeli ngati mumo akababechelelagha bwila, po u Devedi akamwivwa.

1 Samuweli 17:25

Aba Izilayeli bala bakati, “Nkimba mukwennya namumo umuntu uyu alindiye bulo pakubabechela aba Izilayeli? Umuntu wesi yuyo angamughogha, u mwene akwiza pakumupa ichuma ichinji nkani. Akwiza pakumupa umwana wache umulindu ukuti abanje muchi wache, sona abamunyumba iya wise batakwiza pakusonkagha nalumo umusonko.”