1 Samuweli 17:20 - IBAYIBOLO 2024

²⁰ Pandabindabi nkani u Devedi akamulekela umudimi ing'ozi. Akasenda ivyakulya nukubuka ngati mumo u Yese akamubuzizya. Akafika kuvisakasa kula, bo abasilikali bakubuka mubuzilo bwabo ubwa bwite, kuno bakukolomoka inkolo iya bwite.

1 Samuweli 17:20 Iomraidhean Croise

Luka 19:43

Akabalilo kakwiza bo abalwani bako bakwiza pakukuzyungulila kosi na kosi. Bakwiza pakubakanizya abantu bako pakufuma kuzi nukwinjila mukasi.

Yoshwa 3:1

Pandabindabi nkani u Yoshwa, poka naba Izilayeli bosi bakavisamya ivisakasa vyabo pa Shitimu nukubuka ku Yolodani, nukuzenga ivisakasa vyabo kulakula.

1 Samuweli 15:12

Pandabindabi nkani, u Samuweli akabuka pakukomana nu Sabuli, loli akabuziwa ukuti, “U Sabuli abukite ku Kalimeli, kuko akiyimikila mwene ichikumbusyo, sona akabuka ku Giligali.”

1 Samuweli 17:19

Abawamwinyu bali mwikombe ilya Ela poka nu Sabuli, sona naba Izilayeli pakulwa ubwite naba Filisiti.”

1 Samuweli 17:21

Aba Izilayeli naba Filisiti bakababambika abasilikali babo umwakwenannya.

1 Samuweli 17:28

Bo u Eliyabu, umukulu uwa Devedi amwivwa akunena na bantu bala, akamukalalila nkani, po akamulalusya akati, “Nkimba wiza pakubomba choni kuno? Nkimba ing'ozi wamulekela uwenu mukunkolongo mula? Inzimenye ukuti awe we muntu uwakwitutumula, sona we muntu umubibi nkani. Awe wiza kuno pakwennya bulo ubwite!”

1 Samuweli 26:5

U Devedi akabuka kuvisakasa ivya Sabuli, po akabumanya ubuzilo bubo u Sabuli nu Abinala, umwana uwa Neli usongo uwa babwite aba Sabuli bakaghonaghapo. U Sabuli akaghonagha muvisakasa mula, bo abasilikali bamuzyunguliye.

1 Samuweli 26:7

Po u Devedi nu Abishayi bakabuka kuvisakasa ivya Sabuli pabusiku nukumwagha u Sabuli aghonite muchisakasa chache, bo asimika impalala yache pasi papipi nu mutu wache. U Abinala na basilikali bache bakaghona umwakumuzyungulila.