1 Samuweli 17:12 - IBAYIBOLO 2024

¹² U Devedi akaba mwana uwa Yese umu Efulayimu uwamu Betelehemu muchisu icha Yuda. U Yese akaba na bana abalumendo eyiti, sona pakabalilo aka Sabuli kalakala, u Yese akaba muntu umughosi nkani.

1 Samuweli 17:12 Iomraidhean Croise

Ubwandilo 35:19

Bo u Lakelo afwa, akasyiliwa mulubazu ulwa zila iyakubukila ku Efulati kokuti Betelehemu.

2 Samuweli 23:1

Amazyu aghabumalilo agha Devedi umwana uwa Yese, umwimba inyimbo uwa Izilayeli, umuntu yuyo u Chala Uwapamwanya Nkani, u Chala uwa Yakobo akamukwezya nukumupakazya gho agha:

Masalimo 132:6

Mu Betelehemu tukivwa nizya Bokosi ilya Lufingo, sona tukalyagha mumughunda uwa Yeyilimu.

Mika 5:2

U Mwene akuti, “Wee Betelehemu Efulati, napapo we munandi pakasi pa luko ulwa Yuda, mumwako mukwiza pakufumamo weka yuyo akwiza pakuba mulaghili uwa Izilayeli, ichifumo chache chakale, ichamasiku aghakale nkani.”

Matayi 2:1

U Yesu akapapiwa mukaya aka Betelehemu muchigaba icha Yudeya, pakabalilo aka Mwene u Helodi. Bo pachilapo akabalilo panandi, kukiza abamanya ntondwa abakubufumilo bwizuba ubwa kaya akakulu nkani aka Yelusalemu.

Matayi 2:6

‘Wee Betelehemu, muchigaba icha Yudeya ute we munandi uwabumalilo pakasi patwaya tosi utwa mu Yudeya. Mumwako mukwiza pakufumamo umulongozi, yuyo akwiza pakubalongozya abantu bane aba Izilayeli.’ ”

Luti 1:2

Umuntu yunuyu akaba we Elimeleki, sona umuchi wache akaba we Nabomi. Po abana bache abalumendo babili banaba akaba we Maloni nu Kiliyoni. Bosi banaba bakaba baluko ulwa Efulayimu aba mu Betelehemu mu Yuda. Po bakabuka mu Mowabu nukwikala mulamula.

Luti 4:17

Abakolo abapalamani bakati, “U Nabomi ali nu mwana umulumendo.” Po bakamwita umwana yula ukuti we Obedi. U Obedi akaba we wise uwa Yese, sona u Yese akaba we wise uwa Devedi.

Luti 4:22

U Obedi akapapa u Yese sona u Yese akapapa u Devedi.

1 Samuweli 1:1

Akabapo umuntu yumo yuyo akaba we Elikana umu Zufi wamu Lamatayimu, muchisu icha mumaghamba icha Efulayimu. U Elikana akaba mwana uwa Yelohamu, umwana uwa Elihu, umwana uwa Tohu, umwana uwa Zufi, yuyo akaba waluko ulwa Efulayimu.

1 Samuweli 16:1

U Mwene akamubuzya u Samuweli akati, “Nkimba ukwiza pakuba ni chitima nu Sabuli mupaka liyi, pakuti ane namukana ukuti atakabanje sona we mwene uwa ba Izilayeli? Losi ulu senda amafuta ubuke kunyumba iya Yese mu Betelehemu. Ane namusala yumo umwana wache umulumendo ukuti abanje we mwene.”

1 Samuweli 16:18

Uwambombo wache yumo akati, “Umwana uwa Yese uwamu Betelehemu weyuyo amenye pakulizya ipango, sona muntu mujivu nkani pakulwa ubwite. Achebite nkani pamulomo, sona ali na kabonekele akiza nkani. U Mwene ali nawe.”

1 Samuweli 17:11

Bo u Sabuli poka naba Izilayeli bosi bivwa amazyu agha mu Filisiti yula, bakanyila nkani nukutetema.

1 Samuweli 17:58

U Sabuli akamulalusya u Devedi akati, “Wee mulumendo, nkimba we mwana wawenu?” U Devedi akamula akati, “Ne mwana uwa mubombi wako u Yese uwamu Betelehemu.”