1 Samuweli 16:7 - IBAYIBOLO 2024

⁷ Loli u Mwene akamubuzya u Samuweli akati, “Utakennyanje akabonekele kache, pamo ubutali bwache, pakuti ane namukana. U Mwene atakwennya ukuyana namumo abantu bakwenezezya. Abantu bakwennya akabonekele, loli u Mwene akwennya mumoyo.”

1 Samuweli 16:7 Iomraidhean Croise

Ubwandilo 4:5

Loli u Mwene atakahoboka nu Kayini, po atakapokela ichakwiyipa chache. Pachifukwa chinichi u Kayini akakalala nkani nukusiluka icheni chache.

2 Samuweli 14:25

Muchisu chosi icha Izilayeli mutakabamo umwanavuli uyunji uwakuboneka akiza ngati we Abisalomu. Ukwandila ko kumutu mupaka kunyayo, atakaba ni chilema nachimochimo.

2 Samuweli 7:20

“Wee Mwene Uwamaka Ghosi, nkimba u Devedi anganena sona ichoni? Pakuti awe umenye ane ne mubombi wako.

1 Abamwene 8:39

ivwa uko kumwanya kuko ukwikala nukubahobokela abantu bako, sona bombapo zimo ukuyana na zyosi zizyo umuntu wesi abomba, pakuti awe uzimenye inyinong'ono izya bantu bosi.

1 Imbili 17:18

“Nkimba u Devedi anganena sona ichoni, pakuti wanchindika? Awe umenye nkani ane ne mubombi wako.

1 Imbili 28:9

“Wee mwana wane Solomoni, umwivwilaye nukumubombela u Chala uwa ghuso nu moyo wako ghosi pakuti u Mwene azimenye inyinong'ono izya muntu na kabombele kache. Nanti ukumulondelezya, ukwiza pakumwagha, loli nanti ukumusula, wepe akwiza pakukukana bwila na bwila.

2 Imbili 16:9

Pakuti amaso agha Mwene ghakwennya posi na posi pachisu ichapasi umwakuti abakazyanje abantu babo bakumwivwila na moyo ghabo ghosi. Awe wabomba ichintu ichabupunganu nkani, po ukwanda ilelo ukwiza pakulwa ubwite.”

2 Imbili 6:30

ivwa uko kumwanya kuko ukwikala nukubahobokela abantu bako sona bombapo zimo ukuyana na zyosi zizyo umuntu wesi abomba, pakuti awe uzimenye inyinong'ono izya bantu.

Yobu 10:4

Fwandi uli na maso agha buntu, pamo ukwennya ngati mumo bakwenezya abantu bosi?

Yobu 35:5

Inusizya umutu wako kumwanya, po wennye amabingu ghagho ghali kubutali nkani nawe.

Masalimo 139:2

Ukumanya nanti nkwikala pasi sona nanti nkunyamuka, ukuzimanya inyinong'ono zyane bo uchili uli kubutali.

Masalimo 7:9

Wee Chala umugholosu, we uzimenye inyinong'ono nu moyo uwa muntu, zimizya imbombo izya bantu ababibi, sona ubikazyanje abagholosu.

Ivyili 15:11

Nanti ubufwe nukunanganika vili pabuzelu bulo pamaso pa Mwene, po zingaba bulibuli nu moyo uwa muntu?

Ivyili 16:2

Inkalo zyosi izya muntu zikuboneka nyiza kukwache, loli u Mwene weyuyo akuzipima inyinong'ono izya muntu.

Ivyili 24:12

Nanti ukuti, “Intakazimanya,” yuyo akughupima umoyo nkimba atakuzyennya zinizi? Nkimba atakumupa umuvwalo umuntu wesi ukuyana ni mbombo zyache?

Ivyili 31:30

Akabonekele akiza kangamuzimbula umuntu, loli umukolo yuyo akumuchindika u Mwene apaliwanje.

Yelemiya 11:20

Loli wee Mwene Uwamaka Ghosi, wewe ukulongela mubugholosu uzimenye izya mumoyo na munyinong'ono, leka nennye ukutanizya kwako pabantu aba, pakuti nayibika inongwa yane kukwako.

Yelemiya 17:10

“Ane ne Mwene nkwenelezya inyinong'ono, nukughupima umoyo, nkumupa umuntu umuvwalo ukuyana ni nkalo yache, sona ukuyana ni mbombo zyache.”

Yelemiya 20:12

Wee Mwene Uwamaka Ghosi, wewe ukubayela abagholosu, ukuzyennya zizyo zili mumoyo ghabo na munyinong'ono zyabo. Leka nennye ukutanizya kwako papabo, pakuti nayibika inongwa yane munyobe zyako.

Luka 16:15

U Yesu akanena nabo akati, “Mwighanite pakwinena mwebene ukuti mwe bagholosu pamaso pabantu, loli u Chala aghamenye amoyo ghinyu. Pakuti chicho abantu bakuti chapamwanya nkani, pamaso pa Chala chite ni mbombo nayimoyimo.

Yohani 7:24

Mutakalongaye pakwennya icheni icha muntu, loli mulongelaye mubwanaloli.”

Yohani 8:15

Amwe mukulonga ukuyana ni nyinong'ono izya buntu, loli ane intakumulonga nayumo umuntu.

Imbombo 1:24

Po bakiputa ukuti, “Wee Mwene, uzimenye inyinong'ono izya muntu wesi, po tulanjizye weka pa babili aba yuyo umusalite,

2 Aba Kolinti 10:10

Pakuti bamo bakuti, “Abakalata aba Pabuli bang'wamu sona bakafu, loli bo umwene ali naswe pamaso na pamaso, mudedebazu, sona amazyu ghache ghabulo!”

2 Aba Kolinti 10:7

Amwe mukwennya bulo pamwanyamwanya. Nanti umuntu yumo isubiye ukuti wa Kilisitu, mumuleke ikumbuzye mwene ukuti pakuba wa Kilisitu, po naswe bulo twe ba Kilisitu.

Aba Hebeli 4:13

Pantazi pa Chala katalipo nakamo kako kafisiwe. Ivintu vyosi vili pabuzelu bulo, sona vili pa bwazi pantazi papache yuyo tubaghiye tumulingannye vyosi vivyo twabomba.

1 Pitala 2:4

Zagha kwa Mwene, yuyo libwe ilyumi, lilyo likakaniwa na bantu, loli likasaliwa nu Chala pakuba libwe ilyamutengo.

1 Pitala 3:4

Loli akabonekele kinyu akiza kabanje ka muntu uwa mukasi. Aka ko kabonekele akiza akenecho kako katakuchuja, aka muzimu umololo, sona nu wamyee, ghugho wamutengo nkani pamaso pa Chala.

Ubuvumbuli 2:23

Nkwiza pakubaghogha abantu babo bakendagha nawe, po ivipanga vyosi vikwiza pakumanya ukuti ane nene nkughamanya amoyo ghabo, sona ni nyinong'ono zyabo. Nkwiza pakumulipila umuntu wesi ukuyana ni mbombo zyache.

1 Samuweli 2:3

“Muleke pakwitutumula, sona amalomo ghinyu ghatakituvyanje. Pakuti u Mwene we Chala, yuyo azimenye imbombo izya bantu, sona akwiza pakubalonga ukuyana ni mbombo zyabo.

1 Samuweli 9:2

U Kishi akaba nu mwana umulumendo yuyo akaba we Sabuli. U Sabuli akaba mulumendo uwakuboneka akiza nkani, umwakuti pakasi paba Izilayeli patakabapo nayumo yuyo akayana nawe, sona akaba muntu mutalipo ukubachila abanji bosi.