1 Samuweli 16:5 - IBAYIBOLO 2024

⁵ U Samuweli akabamula akati, “Eee, kwa mutende. Niza pakubika ichakwiyipa kwa Mwene. Mwipaghule mwebene, tubukaye poka pakubika ichakwiyipa.” Po u Samuweli akamupaghula u Yese, poka na bana bache abalumendo, sona akabitizya ukuti babuke poka nawe pakubika ichakwiyipa.

1 Samuweli 16:5 Iomraidhean Croise

Ubwandilo 35:2

Po u Yakobo akababuzya abamunyumba yache, sona na bosi babo bakaba nawe akati, “Tagha utwachala utuyeni tuto muli nato pakasi papinyu. Mwiswefye mwebene, sona muvwalaye amenda aghanji amiza.

1 Abamwene 2:13

Pakabalilo kalakala u Adoniya, yuyo unyina akaba we Hagiti akabuka kwa Batisheba, unyina uwa Solomoni. Po u Batisheba akamulalusya akati, “Nkimba kwawachi?” U Adoniya akamula akati, “Nachimochimo.”

1 Imbili 12:18

Po Umuzimu uwa Chala akamwikila u Amasayi, usongo nkani uwa bantu 30 bala, po akati, “Wee Devedi, aswe twe bantu bako! Aswe tuli kulubazu lwako, wee mwana uwa Yese! Tukukulondela ivyiza vyosi, sona ivintu vibendelaye akiza abantu bako babo bakukwavwa. Pakuti u Chala umwenecho akwiza pakukwavwa.” Po u Devedi akabapokela ni nyobe zyosi zibili nukubabika pakuba balongozi aba tubukatila utwa basilikali bache.

Yobu 1:5

Bo amasiku agha lusekelo ghamala, u Yobu akabukagha na bana bache pakubaswefya. Pandabindabi akabikagha ichakwiyipa ichakocha icha mwana wesi pakuti akinong'onagha ukuti, “Lumo abana bane banangite nukumusamula u Chala umwakusita kumanya.” U Yobu akabombagha ulwiho ulu bwila na bwila.

Ukufuma 19:10

U Mwene akamulamula u Mozesi akati, “Bukagha ku bantu ukuti ilelo ni ndabi biswefye nukuchapa amenda ghabo.

Yoweli 2:16

Babungannye abantu sona mubaswefye, mubabungannye abasongo, bope abana babo bakonka mubabungannye. Umwenesendwa epayemo muchipinda chache, sona wepe yuyo akusendwa epayemo muchipinda chache.

Zefaniya 1:7

Ubanje myee pamaso pa Mwene Uwamaka Ghosi, pakuti isiku ilya Mwene lili papipi. U Mwene ayannya ichakwiyipa, sona abapaghula abantu babo abitizizye.

Ukubelengiwa 11:8

Abantu bakasebagha umana yula nukumusya palwala pamo pakupula mwituli pakuba busu. Bakamupiyagha musonta pakuba vibama ivipapate, sona akanonagha ngati cho chibama ichipiye na mafuta agha misyunguti.

1 Aba Kolinti 11:28

Umuntu ipime tasi mwene, bo ataliye ichibama nukung'wela ulubako.

Yoshwa 3:5

U Yoshwa akabalamula abantu akati, “Mwiswefye mwebene pakuti indabi u Mwene akwiza pakupela iviswigho pakasi papinyu.”

Yoshwa 7:13

“Nyamuka ubalamule abantu ukuti biswefye bene pakwiyanizizya zila nizya ndabi, pakuti u Mwene u Chala uwa ba Izilayeli ati, ‘Mwee ba Izilayeli, ivintu ivyamwiko vivyo nkabalamula ukuti muvinangannye, vichili vili pakasi papinyu. Amwe mutangalwa na balwani binyu nanti mutakuvyefyapo ivintu vinivi pakasi papinyu.

1 Samuweli 20:26

Pisiku lilalila u Sabuli atakanenapo nachimochimo pakuti akinong'onagha ukuti, “Ichintu chimo chamuwila u Devedi, lumo atiswefizye mwene ukuti angaba nabo palusekelo ulu.”