1 Samuweli 16:4 - IBAYIBOLO 2024

⁴ U Samuweli akabomba zizyo u Mwene akamulamula. Bo afika mu Betelehemu, abalongozi aba mukaya kala bakatetemagha bo bakumupokela. Po bakamulalusya bakati, “Nkimba ukwiza kwako kwa mutende?”

1 Samuweli 16:4 Iomraidhean Croise

Ubwandilo 35:19

Bo u Lakelo afwa, akasyiliwa mulubazu ulwa zila iyakubukila ku Efulati kokuti Betelehemu.

Ubwandilo 48:7

Nkubomba chinichi pachifukwa icha unyoko u Lakelo yuyo akafwila muzila muchisu icha Kenani, bo tuchili nukufika mukaya aka Efulati, bo nkunyokako ku Mesopotamiya. Po nkamusyila palapala mulubazu ulwa musebo waku Efulati” (ko kokuti Betelehemu.)

2 Samuweli 6:9

U Devedi akamunyilagha u Mwene, po akati, “Nkimba Ibokosi ilya Lufingo ilya Mwene lingiza bulibuli kukwane?”

1 Abamwene 17:18

Umukolo yula akamubuzya u Eliya akati, “Wee muntu uwa Chala, nkimba choni chicho wambombela bunubu? Fwandi wizite kuno pakunkumbusya imbibi zyane nukungoghela umwana wane?”

1 Abamwene 2:13

Pakabalilo kalakala u Adoniya, yuyo unyina akaba we Hagiti akabuka kwa Batisheba, unyina uwa Solomoni. Po u Batisheba akamulalusya akati, “Nkimba kwawachi?” U Adoniya akamula akati, “Nachimochimo.”

2 Abamwene 9:22

Bo u Yolamu amwennya u Yehu, akamulalusya akati, “Wee Yehu, nkimba kwiza bulo?” U Yehu akamwamula akati, “Umutende ghungabapo bulibuli nanti ukwiputa ivifwani nu bulozi vivyo unyoko u Yezibeli akandizya vichili vilipo?”

Hoseya 11:10

Abantu bane bakwiza pakumukonka u Mwene, pakuti akwiza pakubuluma ngati nkalamu, bo akubuluma, abana bache aba kubwinjililo bwizuba, bo bakwiza kukwache, bakwiza pakutetema.

Hoseya 6:5

Polelo nkakudumulannya mutuvigaba, pakubombezya abalaghuzi bane, nkabaghogha na mazyu agha mumulomo wane, sona ubulongi bwane bukamesya ngati ko kamesya.

Luka 2:4

U Yosefu akafuma mukaya aka Nazaleti muchigaba icha Galileya nukubuka kukaya aka Betelehemu muchigaba icha Yudeya, kubuzilo bubo u Mwene u Devedi akapapiliwako, u Yosefu akabuka kulakula pakuti akaba waluko ulwa Devedi.

Luka 5:8

Bo u Simoni Pitala ennya vivyo vikabombiwa, akafughama pamaso pa Yesu nukuti, “Wee Mwene, epako kukwane! Ane ne muntu wambibi!”

Luka 8:37

Po abantu bosi aba muchigaba icha Gelasani bakamulaba u Yesu pakwepako pakuti bakanyila nkani. Po u Yesu akakwela mubwato nukunyokela kuko akafuma.

1 Samuweli 21:1

U Devedi akabuka ku muputi u Ahimeleki ku Nobu. U Ahimeleki akatetemagha bo akwiza pakumupokela, po akamulalusya akati, “Nkimba choni chicho wizite wemwene bulo ukusita umuntu uwakukusindikila?”