1 Samuweli 16:19 - IBAYIBOLO 2024

¹⁹ Po u Sabuli akamutumila intumi u Yese ukuti, “Untumile umwana wako u Devedi, umudimi uwa ng'ozi yula.”

1 Samuweli 16:19 Iomraidhean Croise

1 Abamwene 19:19

U Eliya akepako kulakula, po akamwagha u Elisha umwana uwa Shafati ali pakulima ni nkambaku pakubombezya abajoko 12, sona umwenecho akaba ku nkambaku izyabumalilo. U Eliya akapalamila, akavula inkazo yache nukumuvwika u Elisha.

Masalimo 113:8

Akubikazya poka na bamwene, sona na balaghili aba bantu babo.

Amosi 1:1

Agha gho mazyu ghagho u Amosi yuyo akaba yumo uwa badimi aba mukaya aka Tekowa. U Amosi akennya ichisetuka nizya Izilayeli bo ghachilipo amaka mabili bo akasenyenta katafikite. Pakabalilo kalakala u Uziya akalaghilagha mu Yuda, sona u Yelobowamu umwana uwa Yehowashi akalaghilagha mu Izilayeli.

1 Samuweli 16:11

U Samuweli akamulalusya u Yese akati, “Nkimba aba bo bana bene babo uli nabo?” U Yese akamwamula akati, “Alipo unkwangu, loli ali pakudima ing'ozi.” U Samuweli akamubuzya akati, “Umutume umuntu ukuti abuke pakumusenda, pakuti tutangabika ichakwiyipa mupaka ize.”

1 Samuweli 16:18

Uwambombo wache yumo akati, “Umwana uwa Yese uwamu Betelehemu weyuyo amenye pakulizya ipango, sona muntu mujivu nkani pakulwa ubwite. Achebite nkani pamulomo, sona ali na kabonekele akiza nkani. U Mwene ali nawe.”

1 Samuweli 16:20

U Yese akasenda impunda, yiyo yikanyamula ivibama, ni nyambi inyizule nu vinyo, sona nu mwana uwa mbuzi, nukumutuma umwana wache u Devedi ukuti abuke navyo kwa Sabuli.

1 Samuweli 17:15

Loli u Devedi akabukagha kuvisakasa kula nukunyokako, pakuti akadimagha ing'ozi izya wise mu Betelehemu.