1 Samuweli 16:18 - IBAYIBOLO 2024

¹⁸ Uwambombo wache yumo akati, “Umwana uwa Yese uwamu Betelehemu weyuyo amenye pakulizya ipango, sona muntu mujivu nkani pakulwa ubwite. Achebite nkani pamulomo, sona ali na kabonekele akiza nkani. U Mwene ali nawe.”

1 Samuweli 16:18 Iomraidhean Croise

Ubwandilo 39:2

U Mwene akaba nu Yosefu po akamwavwa ukuti ivintu vyosi vimwendele akiza bulo. Akikalagha munyumba iya Potifala usongo uwamu Ijiputi,

Ubwandilo 39:23

Umulindilili uwa jele yula akazisula imbombo zyosi zizyo u Yosefu akabaghila pakubomba, pachifukwa ichakuti u Mwene akaba nawe, sona ivintu vyache vyosi vikamwendelagha akiza.

2 Samuweli 14:20

“Uwambombo wako u Yowabu abomba bunubu ukuti ivintu vitakabe sona bulabula. Awe we mwene wane uli na mahala ngati wantumi uwa Chala, pakuti uzimenye zyosi zizyo zikubombiwa muchisu ichi.”

2 Samuweli 17:10

Po napapo umuntu yumo angaba mujivu nkani ngati nkalamu, akwiza pakudedebala, pakuti aba Izilayeli bosi bazimenye ukuti ughuso we muntu uwamaka, sona bope abantu bache bajivu nkani.

2 Samuweli 17:8

Awe uzimenye akiza nkani ukuti ughuso, poka na bantu bache bo basilikali abajivu, sona bakoghofya nkani ngati we labwe, yuyo bamwibila abana bache. Ukonjelezyapo ughuso amenye nkani pakulwa ubwite, po atangaghona poka na basilikali bache ubusiku ubu.

Ivyili 12:8

Umuntu akupaliwanga ukuyana na mahala ghache, loli umuntu uwa nyinong'ono inyonganu akusamuliwanga.

Matayi 1:23

“Umulindu yuyo atamumenye nalumo umwanavuli akwiza pakumela ulwanda nukupapa umwana umulumendo nukumwita ukuti we Imaniweli.” (Itabwa ili likung'anamula ukuti u Chala ali naswe).

Matayi 28:20

Mubamanyisyanje ukwivwila vyosi vivyo nabalamula, sona nkwiza pakuba namwe akabalilo kosi mupaka kubumalilo ubwa chisu ichapasi.”

1 Samuweli 10:7

Nanti ivimanyilo vinivi vyakwanilisiwa, bomba bulo chosi chicho ubaghiye pakubomba, pakuti u Chala ali nawe.

1 Samuweli 16:12

U Yese akamutuma umuntu pakumusenda, po akiza nawe. U Devedi akaba muchesamile, sona uwakaboneka akiza nkani. Po u Mwene akamubuzya u Samuweli akati, “Uyu weyuyo, umupakazye amafuta!”

1 Samuweli 16:17

U Sabuli akababuzya abambombo bache bala akati, “Mundondele umuntu yuyo amenye pakulizya ipango, po mwize nawe kuno.”

1 Samuweli 16:19

Po u Sabuli akamutumila intumi u Yese ukuti, “Untumile umwana wako u Devedi, umudimi uwa ng'ozi yula.”

1 Samuweli 17:12

U Devedi akaba mwana uwa Yese umu Efulayimu uwamu Betelehemu muchisu icha Yuda. U Yese akaba na bana abalumendo eyiti, sona pakabalilo aka Sabuli kalakala, u Yese akaba muntu umughosi nkani.

1 Samuweli 3:19

U Samuweli akakulagha, sona u Mwene akaba nawe, umwakuti zyosi zizyo u Samuweli akanenagha zikakwanilisiwanga.