1 Samuweli 16:13 - IBAYIBOLO 2024

¹³ U Samuweli akasenda amafuta nukumupakazya u Devedi pamaso pa bawamwabo bala. Po ukwandila pisiku lilalila umuzimu uwa Mwene akamwinjila u Devedi na maka. Pisinda pache u Samuweli akabwela ku Lama.

1 Samuweli 16:13 Iomraidhean Croise

2 Samuweli 12:7

Po u Natani akamubuzya u Devedi akati, u Mwene u Chala uwa ba Izilayeli, ati, “Umuntu yunuyu wewe! Ane nkakupakazya amafuta pakuba we mwene uwa ba Izilayeli, sona nkakupoka munyobe izya Sabuli.

2 Samuweli 2:4

Abantu aba mu Yuda bakiza ku Hebuloni, po kulakula bakamupakazya amafuta u Devedi ukuti abanje we mwene wabo. Bo u Devedi ivwa ukuti abantu aba mu Yabeshi Giliyadi bakamusyila u Sabuli,

2 Samuweli 23:1

Amazyu aghabumalilo agha Devedi umwana uwa Yese, umwimba inyimbo uwa Izilayeli, umuntu yuyo u Chala Uwapamwanya Nkani, u Chala uwa Yakobo akamukwezya nukumupakazya gho agha:

2 Samuweli 5:3

Bo abalongozi bosi aba Izilayeli biza kwa mwene u Devedi mu Hebuloni, akafingana nabo ulufingo. Po bakamupakazya amafuta pakuba we mwene uwa ba Izilayeli.

2 Abamwene 9:6

U Yehu akanyamuka nukwinjila munyumba. Po umulaghuzi yula akapungulila amafuta pamutu uwa Yehu, nukumubuzya ukuti, “U Mwene u Chala uwa ba Izilayeli ati, ‘Nkukupakazya ukuti ubanje we mwene uwa bantu bane aba Izilayeli.

1 Imbili 11:3

Bo abalongozi bosi aba Izilayeli biza kwa mwene u Devedi mu Hebuloni, akafingana nabo ulufingo. Po bakamupakazya amafuta pakuba we mwene uwa ba Izilayeli, ukuyana namumo u Mwene akamubuzizya u Samuweli.

Masalimo 89:20

Namwagha u Devedi umubombi wane. Po namupakazya amafuta amazelu

Masalimo 89:21

Inyobe yane yibanje nawe, Eee, yimupanje amaka.

Ukubelengiwa 11:17

Ane nkwiza pakwika nukunena nawe palapala, sona nkwiza pakusendako u Muzimu wane yuyo ali mumwako nukubapako. Bakwiza pakukwavwa pakunyamula ukatundu uwa bantu, umwakuti utakamunyamule wemwene.

Ukubelengiwa 27:18

Po u Mwene akamubuzya u Mozesi akati, “Umusende u Yoshwa umwana uwa Nuni, umuntu yuyo ali nu Muzimu uwa Chala, nukubika inyobe papache.

Yohani 3:34

Pakuti yuyo u Chala amutumite akunena amazyu agha Chala, pachifukwa ichakuti u Chala akumupa u Muzimu Umuzelu ukusita ukumamilizya.

Imbombo 13:22

Bo u Chala amwefyapo, akabasalila u Devedi ukuti abanje we mwene wabo. U Chala akanena nizya Devedi akati, ‘Namwagha u Devedi umwana uwa Yese, umuntu uwa pamoyo wane, yuyo akwiza pakubomba chosi chicho ane nalonda ukuti abombe.’

Aba Hebeli 1:9

Mukuchighana ichintu chicho chigholosu, loli mukuchibenga ichintu chicho chibibi. Ichi cho chifukwa u Chala, yuyo we Chala winyu, akabapakazya na mafuta agha buhobosu ukuchila abamanyani binyu.”

Aba Hebeli 11:32

Nkimba nonjelezyepo sona ichoni? Inte na kabalilo akakunenela nizya Gidiyoni, nizya Balaki, nizya Samusoni, nizya Yefuta, nizya Devedi, nizya Samuweli, sona nizya balaghuzi.

Abalongi 11:29

Po Umuzimu uwa Mwene ghukamwikila u Yefuta, umwakuti akaloboka ichisu icha Giliyadi ni icha Manase nukudumusannya mu Mizipa mu Giliyadi. Po akabuka pakulwa ubwite naba Amoni.

Abalongi 13:25

Umuzimu uwa Mwene akanda pakumupa amaka, bo ali mu Mahane Dani, akaya akakulu kako kakaba pakasi pa kaya aka Zola naka Eshitawoli.

Abalongi 14:6

Umuzimu uwa Mwene ghukamwikila u Samusoni nukumupa amaka umwakuti akayizepulannya inkalamu yila pabili ni nyobe zyache ukuyana bulo namumo angamuzepulila u mwana uwa mbuzi. Loli atakamubuzyapo uwise pamo unyina zinizi.

Abalongi 3:10

Umuzimu uwa Mwene ghukamwikila u Otiniyeli, umwakuti akaba mulongi uwa ba Izilayeli. U Otiniyeli yula akabuka pakulwa ubwite, po u Mwene akamupota nukumubika u mwene wamu Mesopotamiya munyobe zyache.

1 Samuweli 1:19

Indabi yache pandabindabi nkani, u Elikana na bamunyumba yache bakalamusya pandabindabi pakumwiputa u Mwene, nukubwela ku Lama. U Elikana akamumanya umuchi wache u Hana, po u Mwene akamukumbuka u Hana.

1 Samuweli 10:1

U Samuweli akasenda ibotolo ilya mafuta nukughapungulila pamutu uwa Sabuli, po akamufyofyonta. Akanena akati, “U Mwene akupakazya ukuti ubanje we mwene uwa bantu bache aba Izilayeli. Ukwiza pakubalaghila abantu bache nukubapoka munyobe izya balwani babo.

1 Samuweli 10:6

Umuzimu uwa Mwene akwiza pakwinjila na maka, po nawe ukwiza pakwanda pakulaghula. Pisinda pache ukwiza pakwanduka pakuba muntu uyunji bulo.

1 Samuweli 11:6

Bo u Sabuli ivwa amazyu ghabo, umuzimu uwa Chala ghukamwikila na maka umwakuti akakalala nkani.

1 Samuweli 16:18

Uwambombo wache yumo akati, “Umwana uwa Yese uwamu Betelehemu weyuyo amenye pakulizya ipango, sona muntu mujivu nkani pakulwa ubwite. Achebite nkani pamulomo, sona ali na kabonekele akiza nkani. U Mwene ali nawe.”

1 Samuweli 18:12

U Sabuli akanda pakumunyila u Devedi pachifukwa ichakuti u Mwene akaba nawe, loli akamukana u Sabuli.

1 Samuweli 2:35

Po pisinda pache nkwiza pakwisalila nemwene umuputi umusubiliwa, yuyo akwiza pakubomba zizyo nkulonda. Nkwiza pakuyikazya nkani inyumba yache, sona akwiza pakumubombela umupakiwa wane akabalilo kosi.