1 Samuweli 16:12 - IBAYIBOLO 2024

¹² U Yese akamutuma umuntu pakumusenda, po akiza nawe. U Devedi akaba muchesamile, sona uwakaboneka akiza nkani. Po u Mwene akamubuzya u Samuweli akati, “Uyu weyuyo, umupakazye amafuta!”

1 Samuweli 16:12 Iomraidhean Croise

Ubwandilo 39:6

Po u Potifala akabika ukatundu wache wesi munyobe izya Yosefu, sona atakapalamaziwapo nachimochimo, loli chene ichakulya chicho akalyanga. U Yosefu akaba mulumendo wakuboneka akiza nkani.

2 Samuweli 23:1

Amazyu aghabumalilo agha Devedi umwana uwa Yese, umwimba inyimbo uwa Izilayeli, umuntu yuyo u Chala Uwapamwanya Nkani, u Chala uwa Yakobo akamukwezya nukumupakazya gho agha:

2 Samuweli 7:8

“Losi ulu umubuzye umubombi wane u Devedi uti, ‘U Mwene Uwamaka Ghosi akuti: Nkakwefyako kuludimo kuko ukadimagha ing'ozi ukuti ubanje we mulaghili uwa bantu bane aba Izilayeli.

1 Abamwene 1:34

Kulakula umuputi u Zadoki nu mulaghuzi u Natani bamupakazye amafuta ukuti abanje we mwene uwa chisu icha Izilayeli. Mulizye amapati nukukolomoka ukuti, ‘Wee mwene u Solomoni tukukulondela ubumi ubutali.’

Masalimo 2:2

Abamwene aba pachisu ichapasi basambukite, sona bope abalaghili babunganite poka pakumusambukila u Mwene poka nu Mupakiwa wache.

Masalimo 2:6

Akutinji, “Namwimika u mwene wane mu Ziyoni, lilyo lighamba lyane izelu.”

Masalimo 78:70

Akamusala umubombi wache u Devedi, akamusenda kuko akadimagha ing'ozi.

Ukufuma 2:2

Umukolo yula akamela ulwanda, nukupapa umwana umulumendo. Bo amwennya ukuti ubonda yula akaba wakuboneka akiza nkani, akamufisa amezi matatu.

Inyimbo izya Solomoni 5:10

Umughaniwa wane akuboneka akiza nkani, ghope umubili wache mwiza, sona mumanyikwe nkani pakasi pabantu 10,000.

Nkuto 4:7

Abamwene bache bakalamagha nkani ukuchila ukabefu, sona nukuluchila ulukama. Ghope amabili ghabo ghakaba machesamu nkani, ukughachila amabwe agha Lubi, sona bakabonekagha ngati we safile.

Zekaliya 4:14

Po akati, “Banaba bo bantu babili babo u Chala abasala nukubapakazya ukuti bamubombelaye u Mwene uwa chisu chosi ichapasi.”

Imbombo 4:27

“Naloli, u Helodi nu Pontiyo Pilati bakakomana poka mukaya akakulu nkani kanaka na bantu babo bate ba Yuda, naba Izilayeli pakumusambukila u Yesu, umubombi wako umuzelu, Umupoki yuyo ukamupakazya pakuba we Mwene.

Imbombo 7:20

Kakaba kabalilo kanaka kako u Mozesi akapapiwa, umwana umwiza nkani pamaso pa Chala. Akaleliwa munyumba iya wise amezi matatu,

Aba Hebeli 11:23

Lukaba lwitiko lulo lukabapela abapapi aba Mozesi pakumufisa amezi matatu, bo apapiwa bulo pachifukwa ichakuti akaba mwana mwiza nkani. Po batakanyilagha pakunangannya indaghilo izya mwene.

1 Samuweli 16:18

Uwambombo wache yumo akati, “Umwana uwa Yese uwamu Betelehemu weyuyo amenye pakulizya ipango, sona muntu mujivu nkani pakulwa ubwite. Achebite nkani pamulomo, sona ali na kabonekele akiza nkani. U Mwene ali nawe.”

1 Samuweli 17:42

Bo umu Filisiti amwennya u Devedi yula, akanda pakumusamula, pachifukwa ichakuti akaba muchesamile, sona uwakuboneka akiza nkani.

1 Samuweli 17:55

Bo u Sabuli akumwennya u Devedi akubuka pakulwa nu mu Filisiti yula, akamulalusya u Abinala, usongo uwa basilikali bache akati, “Nkimba umulumendo uyu mwana wawenu?” U Abinala akamwamula akati, “Wee mwene, nkulapa mwitabwa lyako ukuti ntamumenye.”

1 Samuweli 9:17

Bo Samuweli amwennya bulo u Sabuli, u Mwene akamubuzya akati, “Yunuyu muntu yuyo nkakubuzya ukuti akwiza pakubalaghila abantu bane.”