1 Samuweli 15:3 - IBAYIBOLO 2024

³ Losi ulu, buka pakulwa ubwite naba Amaleki, sona muvinangannye ivintu vyabo vyosi. Patakabepo nayumoyumo umuntu uwakupona. Mubaghoghe abanavuli na bakolo na bana na babonda ni ng'ombe ni ng'ozi ni ngamila sona ni mpunda zyabo.’ ”

1 Samuweli 15:3 Iomraidhean Croise

Ubwandilo 36:12

U Elifazi umwana uwa Esabu akaba nu muchi umuzya yuyo akaba we Timuna, yuyo akamupapila u Amaleki. Aba bakaba bizukulu aba Esabu babo akapapa nu Ada.

2 Samuweli 1:8

“Akandalusya akati, ‘Nkimba wewenu?’ “Po nkamwamula nkati, ‘Ane ne mu Amaleki.’

Ukufuma 17:14

Po u Mwene akamubuzya u Mozesi akati, “Simba nizya bupoti bunubu mwibuku pakuba chintu chimo ichakukumbukilamo. Umubuzye sona u Yoshwa ukuti nkwiza pakubazimizya aba Amaleki.”

Ukufuma 20:5

“Utakavifughamililaye pamo pakuvyiputa, pakuti ane ne Mwene u Chala winyu, ne muzuba. Nkubafunda abana aba nkulilo iyabutatu mupaka ni yafolo pachifukwa icha mbibi izya bawise.

Ukubelengiwa 24:20

U Balamu akabennya aba Amaleki, po akati, “Aba Amaleki bakaba luko lwamaka nkani pa vyisu vyosi, loli ubumalilo bwabo ko kuzimila bulo.”

Ukubelengiwa 31:17

Losi ulu mubaghoghe abalumendo bosi nukubaghogha abakolo bosi babo baghonitepo nu mwanavuli.

Yoshwa 10:39

Bakakafyula akaya kala poka nutwaya tosi utupalamani nukumughogha u mwene wache. Bakakanangannya akaya kosi aka Debili, umwakuti patakabapo nayumoyumo umuntu uwakupona. Bakakanangannya akaya kala poka na bantu bosi babo bakaba mulamula, ukuyana namumo bakabombela nakaya aka Hebuloni, sona naka Libina.

1 Samuweli 14:48

U Sabuli akalwa ubwite nu bujivu nkani, umwakuti akabapota aba Amaleki, sona akabapoka aba Izilayeli munyobe izya bantu babo bakabafyulagha ivintu vyabo.

1 Samuweli 15:18

Po akakutuma akati, ‘Bukagha ubazimizye aba Amaleki, abantu ababibi bala. Buka ulwe nabo ubwite mupaka ubazimizye bosi.’

1 Samuweli 15:9

Loli u Sabuli na basilikali bache bakamuleka mumi u Agagi sona batakazighogha ing'ozi ni ng'ombe ni ngwata inyine nkani sona na bana abang'ozi. Batakachighogha ichintu chosi chicho chikaba chiza. Batakalondagha pakuvinangannya ivintu vinivi loli bakavinangannya ivintu vyosi vivyo vikaba vibibi sona vitakaba ni mbombo.

1 Samuweli 22:19

U Sabuli akalamula sona ukuti abantu bosi aba mukaya akakulu nkani aka Nobu baghoghiwe poka na baputi na banavuli na bakolo na bana na babonda ni ng'ombe ni mpunda sona ni ng'ozi.

1 Samuweli 27:9

Pakabalilo kosi kako u Devedi akabukagha pakulwa ubwite, akabaghoghagha abantu bosi, ukusita ukumulekapo mumi nayumoyumo umwanavuli pamo umukolo. Loli akasenda ing'ozi ni ng'ombe ni mpunda ni ngamila sona na menda nukwiza navyo kwa Akishi.

1 Samuweli 30:17

U Devedi na bantu bache bakalwa nabo ukwanda kubuche mupaka pachamabwila mupaka indabi yache. Patakabapo nayumoyumo umuntu uwakupona, loli bene abantu 400 bala, babo bakakwela pangamila nukuchimbila.