1 Samuweli 15:28 - IBAYIBOLO 2024

²⁸ U Samuweli akamubuzya akati, “U Mwene abuzepula ubumwene ubwa Izilayeli ukubwefyako kukwako ukwanda ilelo, po amupa umuntu yumo umwizapo ukukuchila awe.

1 Samuweli 15:28 Iomraidhean Croise

2 Samuweli 3:10

Nkwiza pakubafyula abamunyumba iya Sabuli ubumwene nukumubika u Devedi pakuba we mwene uwa ba Izilayeli, naba luko ulwa Yuda, ukwandila ko kuchisu icha Dani mupaka ku Belisheba.”

2 Samuweli 3:18

Losi ulu bombapo zimo, pakuti u Mwene akamulayizya u Devedi akati, ‘Nkwiza pakubapoka abantu bane aba Izilayeli munyobe izya ba Filisiti, sona na munyobe izya balwani babo ukwendela mu mubombi wane u Devedi.’ ”

2 Samuweli 3:9

U Chala anfunde nkani nanti ntakumubombela u Devedi zizyo u Mwene akamulayizya.

2 Samuweli 6:21

U Devedi akamubuzya u Mikali akati, “Nkamuchindika u Mwene yuyo akansala ukumuchila ughuso, pamo umuntu yumo uwa munyumba yache, bo akunsala ukuti imbanje ne mulaghili uwa bantu bache. Nkwiza pakusekela pamaso pa Mwene.

1 Abamwene 11:11

Po u Mwene akamubuzya u Solomoni akati, “Pachifukwa ichakuti utakalusunga ulufingo lulo ukafingana nane, sona na malamulo ghagho nkakulamula, nkwiza pakukufyula ubumwene bwako nukumupa weka uwa makambala ghako.

1 Imbili 10:14

Atakalondagha pakubuzikizya kwa Mwene. Po u Mwene akamughogha nukumupa ubumwene u Devedi umwana uwa Yese.

Yobu 34:24

Atakubuzikizya nanti akulonda pakubefya abalongozi nukubimikilapo abanji.

Daniyeli 4:17

Ululaghilo ulu lwasimikiziwa na bantumi abazelu, po abantu bosi bamanye ukuti u Chala uwakumwanya nkani weyuyo akulaghila ubumwene bosi ubwa bantu sona nukuti akumupa umuntu wesi yuyo akumulonda pakumupa, nukumwikazyapo umuntu uwapasi nkani pabumwene bulabula.

Daniyeli 4:32

Ukwiza pakuchimbiziwapo pakasi pabantu sona ukwiza pakwikalagha poka ni vinyamana ivya muzi. Ukwiza pakulyanga isote ngati ng'ombe, pakwiza pakuchilapo amaka seveni mupaka umanye ukuti Uwakumwanya Nkani akulaghila ubumwene bosi ubwa bantu, sona akumupa umuntu wesi yuyo akulonda pakumupa.”

Yohani 19:11

U Yesu akamwamula akati, “Uli nu bulaghili papane pakuti we Chala yuyo akakupa ubulaghili bunubu. Po umuntu yuyo akambika munyobe zyinyu anangite nkani.”

Imbombo 13:22

Bo u Chala amwefyapo, akabasalila u Devedi ukuti abanje we mwene wabo. U Chala akanena nizya Devedi akati, ‘Namwagha u Devedi umwana uwa Yese, umuntu uwa pamoyo wane, yuyo akwiza pakubomba chosi chicho ane nalonda ukuti abombe.’

Aba Loma 13:1

Umuntu wesi abivwilaye abalaghili aba muchisu pakuti umuntu atangaba mulaghili nanti u Chala atamwimikite. Abalaghili bosi babo baliko bakimikiwa nu Chala.

1 Samuweli 13:14

Loli ilelo ubumwene bwako butakwiza pakwikalana. U Mwene ilondela mwene umuntu uwa pamoyo wache, nukumusala ukuti abanje mulaghili uwa bantu bache, pachifukwa ichakuti utaghakonkite amalamulo agha Mwene.”

1 Samuweli 16:12

U Yese akamutuma umuntu pakumusenda, po akiza nawe. U Devedi akaba muchesamile, sona uwakaboneka akiza nkani. Po u Mwene akamubuzya u Samuweli akati, “Uyu weyuyo, umupakazye amafuta!”

1 Samuweli 18:8

Ichi chitakamuhobosya u Sabuli, sona chikamukalalizya nkani. Po akati, “Bakumupala u Devedi ukuti abaghogha abantu ama 10,000, loli nizya ane bakuti naghogha abantu amasabuzani bulo. Nkimba po choni chicho chasyalapo, te pakunfyula ubumwene bwane?”

1 Samuweli 25:30

Nanti u Mwene akubombela ivyiza vyosi vivyo akakulayizya, sona nukuti akupakazya pakuba we mulaghili uwa Izilayeli,