1 Samuweli 15:24 - IBAYIBOLO 2024

²⁴ Po u Sabuli akamubuzya u Samuweli akati, “Nananga, ane ntakaghivwila amalamulo agha Mwene, sona ntakabomba zizyo akambuzya. Nkabanyilagha abantu, po nkabomba zizyo bakalondagha.

1 Samuweli 15:24 Iomraidhean Croise

Ubwandilo 3:12

U Adamu akamula akati, “Umukolo yuyo ukampa ukuti abanje nane, weyuyo akampa ichikomwa, po nkalya.”

Ubwandilo 3:17

Akamubuzya u Adamu akati, “Pakuti ukamwivwila umuchi wako nukulya ivikomwa ivya mwikwi lilyo nkati mutakalyanje, ichisu ichapasi chaghuniwa pachifukwa icha zizyo wabomba. Ukwiza pakuyimba nkani mubumi bwako bosi ukuti uchaghe ichakulya.

2 Samuweli 12:13

Po u Devedi akamubuzya u Natani akati, “Namunangila u Mwene.” U Natani akamwamula akati, “U Mwene akuhobokela, sona utakwiza pakufwa.

Yobu 31:34

pachifukwa ichakuti nkanyila nkani ichilundilo icha bantu, sona umusamu uwakufuma ku inko izya bantu umwakuti nkaba bulo myee sona ntakafuma kuzi.

Masalimo 51:4

Nakunangila wewe, sona nabomba ivibibi pamaso papako, umwakuti ukuba mugholosu nanti ukudumula inongwa, sona nukuti ukulongela mubwanaloli.

Ukufuma 10:16

Panapo na panapo u Falabo akamwitizya u Mozesi nu Aloni nukuti, “Namunangila u Mwene u Chala winyu sona namwe bulo.

Ukufuma 23:2

“Utakachikonkaye ichilundilo pakubomba ichintu ichibibi. Nanti ukubikila ubwakaboni pa nongwa, utakabunyongannye ubwanaloli pakwitinkana na zizyo ichilundilo chikunena.

Ukufuma 9:27

Po u Falabo akamwitizya u Mozesi nu Aloni nukubabuzya ukuti, “Naloli akabalilo aka nananga. U Mwene we mugholosu. Loli ane poka na bantu bane twe twananga.

Ivyili 29:25

Ukubanyila abantu kuli ngati cho chipingo, loli yuyo akumusubila u Mwene akuba pabwiza.

Yelemiya 38:5

U mwene u Zedekiya akabamula akati, “Ali munyobe zyinyu, U mwene atangabombapo nachimochimo ichakubasusya.”

Ukubelengiwa 22:34

U Balamu akamula akati, “Nananga. Ntakazyaghannya ukuti ukunzighila izila. Po nanti utakulonda ukuti imbukaye, nkwiza pakubwela.”

Matayi 27:4

Akati, “Nananga pakumubika munyobe izya balwani umuntu umusita nongwa ukuti aghoghiwe.” Bakamula bakati, “Nkimba tuli nazyo ni mbombo?” Zyako zinizyo.

Aba Galatiya 1:10

Nkimba mukwinong'ona ukuti nkulonda amapalo agha bantu? Awe, loli nkulonda amapalo agha Chala. Fwandi, mukwinong'ona ukuti nkuyezya pakubahobosya abantu? Nanti nkuyezya pakuhobosya abantu, po ngali inte ne wambombo uwa Kilisitu.

Ubuvumbuli 21:8

Loli abantu abogha na bantu abasita ukusubiliwa na babo bakubomba ivintu ivinyazu na baghoghi na bamalaya na bamayele na bakwiputa ivifwani sona na bantu bosi abamyasi, ubuzilo bwabo yo nyanja iya moto uwa sulufule. Ubu bo bufwe bwabo ubwabubili.”

1 Samuweli 15:15

U Sabuli akamula akati, “Abasilikali bavisendite kuba Amaleki, sona basungiteko ing'ozi ni ng'ombe inyiza nkani ukuti zibanje chakwiyipa kwa Mwene u Chala wako, loli ivintu ivyinji vyosi twavinangannya.”

1 Samuweli 15:30

Po u Sabuli akamula akati, “Nananga! Loli nalamba, unchindikayeko pamaso pa balongozi aba bantu bane, sona na pamaso paba Izilayeli. Twende unyokele poka nane umwakuti imwipute u Mwene u Chala wako.”

1 Samuweli 15:9

Loli u Sabuli na basilikali bache bakamuleka mumi u Agagi sona batakazighogha ing'ozi ni ng'ombe ni ngwata inyine nkani sona na bana abang'ozi. Batakachighogha ichintu chosi chicho chikaba chiza. Batakalondagha pakuvinangannya ivintu vinivi loli bakavinangannya ivintu vyosi vivyo vikaba vibibi sona vitakaba ni mbombo.

1 Samuweli 2:29

Po nkimba choni chicho ukuvisamula ivyakwiyipa vyane, vivyo nkalamula ukuti vibanje vya munyumba yane? Nkimba choni chicho ukubachindika abana bako ukunchila ane pakwiyinizya mwebene ni vigaba ivyiza nkani ivya vyakwiyipa vivyo abantu bane bakubika?

1 Samuweli 26:21

Po u Sabuli akati, “Wee Devedi mwana wane, nananga nyokela! Ntakwiza pakukubombela sona nachimochimo ichintu ichibibi pakuti ubumi bwane wabupima pakuba bwapamwanya nkani. Naloli ane nkabomba ivyabupunganu, sona nkapuvya nkani.”