1 Samuweli 15:23 - IBAYIBOLO 2024

²³ Pakuti ukumusambukila u Mwene, kuyanite bulo na mayele. Ukwituvya yo mbibi, yiyo yiyanite bulo nukwiputa ivifwani. Pachifukwa ichakuti waghakana amazyu agha Mwene, wepe akukana ukuti utakabanje sona we mwene.”

1 Samuweli 15:23 Iomraidhean Croise

Ubwandilo 31:19

Bo u Labani abuka pakudumulila ameya agha ng'ozi zyache, bo achili ali kulakula u Lakelo akaghilapo ulusako nukwiba utwachala utwa munyumba iya wise.

Ubwandilo 31:34

U Lakelo akatufisa utwachala tula muchakwikalilapo icha pangamila yache, sona akikalapo umwenecho. U Labani akalondelezya muchisakasa chache, loli atakatwaghamo natumotumo.

2 Samuweli 12:9

Nkimba choni chicho waghasamula amazyu agha Mwene pakubomba ichintu ichibibi pamaso papache? Wamughogha nupanga u Uliya umu Hiti yula, nukumusenda umuchi wache pakuba muchi wako. Ukamughogha pakubombezya upanga uwa ba Amoni.

2 Samuweli 7:15

Loli nkwiza pakumughana nu lughano ulwakufikapo, te ngati mumo nkabombela nu Sabuli, yuyo nkamukana pamaso papako.

1 Imbili 10:13

U Sabuli akafwa pachifukwa ichakuti atakaba musubiliwa kwa Mwene. Atakamwivwilagha u Mwene sona akabuzikizyanga ku mizimu iya bantu abafwe.

1 Imbili 28:9

“Wee mwana wane Solomoni, umwivwilaye nukumubombela u Chala uwa ghuso nu moyo wako ghosi pakuti u Mwene azimenye inyinong'ono izya muntu na kabombele kache. Nanti ukumulondelezya, ukwiza pakumwagha, loli nanti ukumusula, wepe akwiza pakukukana bwila na bwila.

Yobu 34:37

Pa mbibi zyache onjelezizyepo ukusambuka; akakoma inkufi zyache mumusamu pakasi papitu nukudalinkana nu Chala amazyu aminji nkani.

Masalimo 107:11

pachifukwa ichakuti bakaghasambukila amazyu agha Chala, sona bakabukana ubumanyisi ubwa Wakumwanya Nkani.

Ukufuma 22:18

“Umukolo wesi yuyo akubomba amayele, aghoghiwanje.

Yesaya 19:3

Amaka ghakwiza pakubawila aba Ijiputi, nkwiza pakuzivulungannya inyinong'ono zyabo pakuba zyabulo, bakwiza pakubuzikizya kuvifwani na kumizimu iya bafwe, kubamayele sona na kubavipandwa.

Yesaya 8:19

Loli abantu bakwiza pakukubuzya ukuti utulalusikizyeko ku bantu babo bakunena ni mizimu, sona na bamayele bosi. Babo bakuteketa nukulila ngati kayuni, nkimba abantu batabaghiye pakulalusya kwa Chala wabo? Nkimba choni chicho bakubalaluzikizizya abantu abafwe mubuzilo ubwa bantu abumi?

Yelemiya 16:12

Loli amwe mwabomba ububibi nukuchilapo pabubo abanyenya binyu bakabomba. Umuntu wesi akubukonka ububibi ubwa moyo wache umukafu mubuzilo ubwa kunyivwila.

Yelemiya 28:16

Polelo, u Mwene akuti, ‘Indi papipi pakukwefyamo muchisu ichapasi. Ukwiza pakufwa mumwaka ghunughu, pachifukwa ichakuti walumbilila nizya kumusambukila u Mwene.’ ”

Yelemiya 29:32

Naloliloli, nkwiza pakumufunda u Shemaya uwamu Nehelama na banyenya bache. Atakwiza pakuponapo nayumoyumo pakasi pabantu banaba, sona atakwiza pakubwennyapo nu bwiza nabumobumo bubo nkwiza pakubabombela abantu bane, pachifukwa ichakuti alumbilila amazyu aghakusambuka.’ Ane ne Mwene nanena.”

Hoseya 13:11

Po mubukali bwane nkabapa u mwene, sona mubukalale bwane nkamwefyamo.

Hoseya 3:4

Pakuti aba Izilayeli bakwiza pakwikala amasiku aminji nkani bo bate nu mwene pamo umulongozi bo batakubika ivyakwiyipa pamo pakuba na mabwe amazelu pamo u efodi pamo ichifwani.

Aba Levi 20:27

“ ‘Nanti umwanavuli pamo umukolo akunenezannya ni mizimu iya bantu abafwe, aghoghiwanje na mabwe, pachifukwa ichakuti ipalaghulila mwene inongwa.’ ”

Aba Levi 20:6

“ ‘Nanti umuntu akubuzikizya abantu babo bakunenezannya ni mizimu iya bantu abafwe, ane nkwiza pakumusulannya umuntu yula, nukumwepusyapo pakasi pabantu bache.

Ukubelengiwa 14:9

Mutakamusambukilaye u Mwene, sona mutakabanyilaye abantu aba muchisu chilachila, pakuti tukwiza pakubanangannya. Abene bate na maka sona, loli aswe u Mwene ali naswe, po mutakabanyilaye.”

Imbombo 13:22

Bo u Chala amwefyapo, akabasalila u Devedi ukuti abanje we mwene wabo. U Chala akanena nizya Devedi akati, ‘Namwagha u Devedi umwana uwa Yese, umuntu uwa pamoyo wane, yuyo akwiza pakubomba chosi chicho ane nalonda ukuti abombe.’

2 Aba Kolinti 6:16

Nkimba Inyumba iya Chala yingayana bulibuli ni vifwani? Pakuti aswe twe Nyumba iya Chala umumi, ukuyana namumo u Chala umwenecho akanenela akati, “Nkwiza pakwikalana mumwabo, sona nukwikala pakasi papabo. Nkwiza pakuba we Chala wabo, po abene bakwiza pakuba bantu bane.”

Aba Galatiya 5:20

nukwiputa ivifwani nu bulozi nu lubengo, nukulwa, na kabini nu bukali nukwiyighana nukudalinkana nukwipaghula,

Ukukumbusya Amalamulo 9:24

Amwe mwamusambukila u Mwene ukwandila pakabalilo kako nkabamanyilagha.

Ukukumbusya Amalamulo 9:7

Mukumbukaye namumo mukamukalalizizya u Mwene u Chala winyu munkolongo. Ukwandila pisiku lilyo mukepelaghamo mu Ijiputi mupaka pisiku lilyo mukafikila kuno, amwe mwamusambukila u Mwene.

Yoshwa 22:15

Bo bafika mu Giliyadi, bakababuzya aba Lubeni naba Gadi sona nuhafu uwaluko ulwa Manase bakati,

Ubuvumbuli 21:8

Loli abantu abogha na bantu abasita ukusubiliwa na babo bakubomba ivintu ivinyazu na baghoghi na bamalaya na bamayele na bakwiputa ivifwani sona na bantu bosi abamyasi, ubuzilo bwabo yo nyanja iya moto uwa sulufule. Ubu bo bufwe bwabo ubwabubili.”

Ubuvumbuli 22:15

Loli kuzi ukwa kaya akakulu nkani kuli imbwa na bamayele na bamalaya na baghoghi na bakwiputa ivifwani sona na babo babughanite ubumyasi.

1 Samuweli 13:14

Loli ilelo ubumwene bwako butakwiza pakwikalana. U Mwene ilondela mwene umuntu uwa pamoyo wache, nukumusala ukuti abanje mulaghili uwa bantu bache, pachifukwa ichakuti utaghakonkite amalamulo agha Mwene.”

1 Samuweli 16:1

U Mwene akamubuzya u Samuweli akati, “Nkimba ukwiza pakuba ni chitima nu Sabuli mupaka liyi, pakuti ane namukana ukuti atakabanje sona we mwene uwa ba Izilayeli? Losi ulu senda amafuta ubuke kunyumba iya Yese mu Betelehemu. Ane namusala yumo umwana wache umulumendo ukuti abanje we mwene.”

1 Samuweli 2:30

“ ‘Ane ne Mwene u Chala uwa Izilayeli nkabalayizya abamunyumba yako na baluko lwako ukuti bakwiza pakuba baputi bane bwila na bwila. Losi ulu ntakulonda sona! Loli nkwiza pakubachindika abantu babo bakunchindika, loli abantu babo batakunchindika nane bulo ntakwiza pakubachindika.

1 Samuweli 28:3

Pakabalilo kalakala u Samuweli akafwa, po aba Izilayeli bosi bakamulila nukumusyila mukaya kache aka Lama. U Sabuli akabachimbizyamo mu Izilayeli abantu bosi babo bakunenezannyanga ni mizimu, sona na bamayele bosi.