1 Samuweli 15:22 - IBAYIBOLO 2024

²² Loli u Samuweli akati, “Nkimba u Mwene akuhoboka ni vyakwiyipa ivyakocha, sona ni vyabupi pamo ukughivwila amazyu ghache? Ukwivwila chintu chizapo ukuchila ichakwiyipa, ukughakonka amalamulo ghache chizapo, ukuchila ichakwiyipa icha mafuta agha dubi.

1 Samuweli 15:22 Iomraidhean Croise

Ubwandilo 4:4

Po u Abeli wepe akasenda umwana uwa ng'ozi uwakwanda pakupapiwa, akamughogha nukusala ivigaba ivyiza nkani nukuvibika kwa Mwene ukuti chibanje chakwiyipa. U Mwene akahoboka nkani nu Abeli nukupokela ichakwiyipa chache.

Ukufuma 19:5

Nanti ilelo mukunyivwila nukusunga ulufingo lwane, kokuti mukwiza pakuba mwe bantu abane na bane pakasi pa inko zyosi. Pakuti ichisu chosi ichapasi chane.

Ivyili 21:3

Ukubomba ingolosu ni nyiza, kukumuhobosya u Mwene ukuchila ichakwiyipa.

Umulumbilili 5:1

Uchebaye nkani bo ukwinjila mu Nyumba iya Chala. Palamila ukuti uteghelezye ukuchila pakubika ichakwiyipa ichakuyana na chicho abapunganu bakubika, babo batakumanya ukuti bakunanga.

Yelemiya 11:4

ulufingo lulo nkafingana na banyenya binyu bo nkubefyamo mu Ijiputi, muchiliba ichakwaka umoto. Nkati, ‘Munyivwile nukubomba chosi chicho nkubalamula, po mukwiza pakuba bantu bane, sona nkwiza pakuba ne Chala winyu.

Yelemiya 11:7

Pakuti nkabasoka abanyenya binyu kabilikabili nu moyo wane ghosi pakabalilo kako nkabefya muchisu icha Ijiputi mupaka ilelo nu moyo wane ghosi nukunena ukuti, ‘Munyivwilaye.’

Yelemiya 26:13

Ilelo yannya akendele kinyu ni mbombo zyinyu nukumwivwila u Mwene u Chala winyu, po u Mwene akwiza pakubahobokela ichibibi chicho alondagha pakubabombela.

Hoseya 6:6

Pakuti intakulonda ivyakwiyipa, loli nkulonda ichisa. Chicho nkunyonywa ko kumumanya u Chala, ukuchila ivyakwiyipa ivyakocha.

Hoseya 8:13

Bakubika ivyakwiyipa kukwane, nukulya inyama yila, loli u Mwene atakuhoboka navyo. Ilelo nkwiza pakubukumbuka ububibi bwabo sona nkwiza pakubafunda pachifukwa icha mbibi zyabo. Po bakwiza pakunyokela kuchisu icha Ijiputi.

Matayi 12:7

Amasimbo ghakuti, ‘Ichisa cho chicho nkulonda, chite ichakwiyipa icha vinyamana awe!’ Nanti mwachimenye chicho amazyu agha ghakung'anamula ngali mutabanenite abantu babo batanangite ukuti bambibi.

Matayi 23:23

“Chighune nkani kukwinyu, amwe mwe bamanyisi aba Ndaghilo naba Falisayi! Mwe bazimbuli mwee! Mukubika kwa Chala ichigaba choka pa vigaba 10 ivya vilungo vyinyu ngati bo busambya nu kale nu kanyezi, loli mukukana ukwivwila ichimanyisyo ichapamwanya nkani icha Ndaghilo, pakuba bwanaloli, ni chisa nu busubiliwa. Ivi vyo vintu vivyo mubombaye ukusita pakuvilekapo vimo.

Matayi 5:24

chizapo ukuti uchileke ichabupi chako pachighemo pala nukubuka umwalubilolubilo pakumanyana nu mukamu wako, po wizaye pakubika ichabupi chako chila kwa Chala.

Matayi 9:13

Bukagha, kivwisye ukuti Amasimbo ghakung'anamula ichoni, ghagho ghakuti, ‘Intakulonda ivyakwiyipa ivya vinyamana, loli nkulonda ichisa.’ Ntizite pakubitizya abantu abagholosu ukuti bapinduke, loli nizite pakubitizya abantu abambibi.”

Maliko 12:33

Umughanaye u Chala nu moyo wako ghosi ni nyinong'ono zyako zyosi na maka ghako ghosi. Umughanaye umupalamani wako ukuyana namumo wiyighaniye wemwenecho. Chapamwanya nkani ukukonka indaghilo zibili izi nukuchila ukubika ivyakwiyipa ivya vinyamana ivyakocha ni vinji ivyabupi kwa Chala.”

1 Samuweli 13:12

Nkinong'onagha ukuti, ‘Aba Filisiti bakwiza pakulwa nane ubwite mu Giligali, sona nukuti intakamubuzikizya u Mwene.’ Po ninfyengite bulo ukuti imbike ichakwiyipa ichakocha chinichi.”

1 Samuweli 13:13

U Samuweli akamubuzya akati, “Wabomba ivyabupunganu nkani. Awe utakaghasunga amalamulo ghagho u Mwene u Chala wako akakupa. Nanti ukabombagha bunubu, ngali ikazizye ubumwene bwako pakasi paba Izilayeli bwila na bwila.