1 Samuweli 15:2 - IBAYIBOLO 2024

² U Mwene Uwamaka Ghosi ati, ‘Nkwiza pakubafunda aba Amaleki pachifukwa icha kulwa ubwite naba Izilayeli, bo bakwepamo mu Ijiputi.

1 Samuweli 15:2 Iomraidhean Croise

Ubwandilo 36:12

U Elifazi umwana uwa Esabu akaba nu muchi umuzya yuyo akaba we Timuna, yuyo akamupapila u Amaleki. Aba bakaba bizukulu aba Esabu babo akapapa nu Ada.

Masalimo 83:7

naba Gebala naba Amoni naba Amaleki naba Filisiti poka na bantu aba mu Tile.

Yelemiya 31:34

Nayumoyumo umuntu yuyo akwiza pakumumanyisya umupalamani wache, pamo ukumubuzya umukamu wache ukuti, ‘Umumanye u Mwene.’ Pakuti bosi bakwiza pakummanya ane, abana abanandi na bantu abasongo bulo. Nkwiza pakubahobokela imbibi zyabo, sona ntakwiza pakukumbukapo nalumolumo ukunanga kwabo.”

Hoseya 7:2

Loli batakuzyaghannya, ukuti nkuzikumbuka imbombo zyabo zyosi imbibi. Imbibi zyabo zikubamila, akabalilo kosi bali pamaso papane.

Amosi 8:7

Pachifukwa icha kwituvya ukwa bamunyumba iya Izilayeli, u Mwene alapa ukuti, “Ntakwiza pakuluvyapo nalumo ichintu chosi chicho babomba.

Ukubelengiwa 24:20

U Balamu akabennya aba Amaleki, po akati, “Aba Amaleki bakaba luko lwamaka nkani pa vyisu vyosi, loli ubumalilo bwabo ko kuzimila bulo.”