1 Samuweli 15:13 - IBAYIBOLO 2024

¹³ Bo u Samuweli amwagha u Sabuli, u Sabuli akamubuzya akati, “U Mwene akusaye! Nabomba zyosi zizyo u Mwene akandamula.”

1 Samuweli 15:13 Iomraidhean Croise

Ubwandilo 14:19

Akamusaya u Abulamu akati, “U Chala Uwakumwanya Nkani, yuyo akapela kumwanya ni chisu ichapasi, amusaye u Abulamu.

Ubwandilo 3:12

U Adamu akamula akati, “Umukolo yuyo ukampa ukuti abanje nane, weyuyo akampa ichikomwa, po nkalya.”

2 Samuweli 2:5

akabatumila intumi pakubabuzya ukuti, “U Mwene abasaye, pachifukwa ichakuti mukiyipa kwa mwene winyu u Sabuli pakumusyila.

Ivyili 27:2

Utakipalaye wemwene, loli abanji bo babo bakupalaye, umuntu uyunji yuyo utamanyanite nawe, weyuyo akupalaye.

Ivyili 28:13

Umuntu yuyo akufisa imbibi zyache ivintu vitakumwendelagha akiza, loli yuyo akwilata imbimbi zyache nukuzileka akupokela ichisa.

Ivyili 30:13

Balipo bamo babo bakwituvya nkani mukenezye kabo, bo bakubennya abanji batakubinong'onela pakuba bantu napo panandi.

Ivyili 31:31

Apokelaye umuvwalo ukuyana ni mbombo zyache, sona imbombo zyache zimupalaye muminalo.

Luka 17:10

Chiyanite bulo namwe, nanti mwabomba vyosi vivyo mubuziwe munenaye ukuti, ‘Aswe twe bambombo twe tutabaghiye, twabomba bulo zizyo twabaghiye pakubomba.’ ”

Luka 18:11

“Umu Falisayi akimilila pamwene nukwiputa ukuti, ‘Chala, nkukupalizya pakuti inte ne mupafu, sona inte ne mubomba mbibi, pamo mulowe ngati bo bantu bamo. Nkukupalizya pakuti intayanite nu musonkezya sonko yula.

Abalongi 17:2

U Mika akamubuzya unyina akati, “Pakabalilo kako umuntu yumo akakwibila isalabazya izya siliva 11,000, nukumughuna umwiba yulayula, indi nazyo. Nene nkasenda.” Unyina akamula akati, “Wee mwana wane, u Mwene akusaye!”

Luti 3:10

Po u Bowazi akamula akati, “Wee mwana wane, u Mwene akusaye. Ichisa chicho wandanjizya pabumalilo ichi chikulu nkani ukuchila chicho ukamulanjizya unyokovyala. Awe utakabanyonywapo abalumendo, manyi bakabi pamo bapina.

1 Samuweli 13:10

Bo amala bulo pakubika ichakwiyipa chila u Samuweli akafika, po u Sabuli akabuka pakumulamuka.

1 Samuweli 15:11

“Indi ni chitima nkani ukuti nkamwimika u Sabuli pakuba we mwene. U Sabuli ansambukila, sona aleka pakughakonka amalamulo ghane.” U Samuweli akakalala nkani, po akamulambilizya u Mwene ubusiku bosi bulabula.

1 Samuweli 15:20

Po u Sabuli akamwamula akati, “Loli ane nkamwivwila u Mwene, sona nkabomba zyosi zizyo akandamula. Ane nkabazimizya aba Amaleki bosi nukumulema mumi u Agagi u mwene wabo.

1 Samuweli 15:9

Loli u Sabuli na basilikali bache bakamuleka mumi u Agagi sona batakazighogha ing'ozi ni ng'ombe ni ngwata inyine nkani sona na bana abang'ozi. Batakachighogha ichintu chosi chicho chikaba chiza. Batakalondagha pakuvinangannya ivintu vinivi loli bakavinangannya ivintu vyosi vivyo vikaba vibibi sona vitakaba ni mbombo.

1 Samuweli 23:21

U Sabuli akabamula akati, “U Mwene abasaye pachifukwa icha kumpasikizya kwinyu.

1 Samuweli 25:14

Uwambombo yumo akamubuzya u Abigelo umuchi uwa Nabali akati, “U Devedi akatuma intumi bo ali munkolongo pakumulamuka u mwene witu, loli akazisamula nkani.