1 Samuweli 15:11 - IBAYIBOLO 2024

¹¹ “Indi ni chitima nkani ukuti nkamwimika u Sabuli pakuba we mwene. U Sabuli ansambukila, sona aleka pakughakonka amalamulo ghane.” U Samuweli akakalala nkani, po akamulambilizya u Mwene ubusiku bosi bulabula.

1 Samuweli 15:11 Iomraidhean Croise

Ubwandilo 6:6

Akaba ni chitima pachifukwa ichakuti akabapela abantu nukubabika muchisu ichapasi. Po chikamubaba nkani mumoyo wache.

Ubwandilo 6:7

Akati, “Nkwiza pakubazimizya zila abantu bosi babo nkabapela. Nkwiza pakuvizimizya sona ivinyamana ni viyuni sona ni vinyamana ivyakwavula pachifukwa ichakuti indi ni chitima ukuti nkavipela vyosi vinivi.”

2 Samuweli 24:16

Bo uwantumi agholosezya inyobe yache ukuti akanangannye akaya akakulu nkani aka Yelusalemu, u Mwene akaba ni chitima pachifukwa icha chiwaya chila, po akamubuzya uwantumi yuyo akabafundagha abantu akati, “Leka! Nyosya inyobe yako.” Pakabalilo kanako uwantumi uwa Mwene yula akaba pabuzilo ubwakukomelapo inyinulo ubwa Alawuna umu Yebusi.

1 Abamwene 11:9

U Mwene akamukalalila u Solomoni pachifukwa ichakuti umoyo wache ghukepako kwa Mwene, u Chala uwa ba Izilayeli yuyo akamubonekela kabili.

1 Imbili 10:13

U Sabuli akafwa pachifukwa ichakuti atakaba musubiliwa kwa Mwene. Atakamwivwilagha u Mwene sona akabuzikizyanga ku mizimu iya bantu abafwe.

1 Imbili 21:15

U Chala akamutuma uwantumi ukuti akanangannye akaya akakulu nkani aka Yelusalemu. Loli bo uwantumi yula ali papipi pakubomba bunubu, u Mwene akaba ni chitima pachifukwa icha chiwaya chila, po akamubuzya uwantumi yuyo akanangannyanga abantu akati, “Leka! Nyosya inyobe yako.” Uwantumi uwa Mwene yula akimilila pabuzilo ubwakukomelapo inyinulo ubwa Alawuna umu Yebusi.

Yobu 34:27

pachifukwa ichakuti balekite pakumwivwila, sona batakaghakonkagha amalamulo ghache.

Masalimo 109:4

Nanti nkubaghana, abene bakumbenga, loli ane ne muntu uwa nyiputo.

Masalimo 110:4

U Mwene alapa, po atakwiza pakwandula inyinong'ono zyache. “Awe we muputi uwa bwila na bwila mulubatiko ulwa buputi ubwa Melekizedeki.”

Masalimo 119:136

Amaso ghane ghakukupula amasozi, pachifukwa ichakuti ululaghilo lwako lutakusungiwa.

Masalimo 125:5

Loli babo bakweghelela inkalo inyonganu, u Mwene akwiza pakubachimbizya poka na babomba mbibi. Mu Izilayeli mubanje umutende.

Masalimo 36:3

Amazyu agha mumulomo wache mabibi sona mazimbuli, alekite pakuba muntu uwamahala, umwakuti atakubomba nabumobumo ubwiza.

Masalimo 78:41

Bakamuyela u Chala kabilikabili, bakamukalalizya Umuzelu uwa Izilayeli yula.

Masalimo 78:57

Abene bakaba bakusambuka sona batakaba basubiliwa, loli bakanyongananyongana bulo ngati kalasilo akakunyongana.

Ukufuma 32:11

Loli u Mozesi akamulambilizya u Mwene u Chala wache akati, “Wee Mwene, nkimba choni chicho ukubakalalila abantu bako, babo ukabefyamo mu Ijiputi na maka ghako amakulu nkani sona nu bulaghili bwako ubukulu?

Ukufuma 32:14

Po u Mwene akatonta umoyo, sona atakabanangannya abantu bache ukuyana namumo akabatikila.

Yelemiya 11:10

Banyokeye kumbibi izya banyenya babo, babo bakaghakana amazyu ghane. Babakonkite abachala abanji nukubabombela. Bosi poka aba Izilayeli naba Yuda balunanganizye ulufingo lulo nkafingana na banyenya babo.

Yelemiya 13:17

Loli nanti mutakuteghelezya, nkwiza pakubalilila kubusyefu, pachifukwa icha mituvyo ghinyu, amaso ghane ghakwiza pakulila nkani, ghakwiza pakwizula namasozi pachifukwa ichakuti ing'ozi izya Mwene zili mubuzya.

Yelemiya 34:16

Loli ilelo mukunena izinji nukulinyazya itabwa lyane. Mwebosi mukababombezya imbombo abantu babo mukabasatula, nukubapela sona pakuba bazya binyu.”

Yelemiya 9:1

Mwee, nalondagha nkani ukuti u mutu wane ghube ngati mbwibi iya mizi nukuti amaso ghane ghabe ngati chiziba icha masozi! Umwakuti ngali nalila umusanya nubusiku pachifukwa icha bantu bane babo baghoghiwe.

Yelemiya 9:18

Bize umwalubilolubilo pakutulila, ukuti amaso ghitu ghafumaye amasozi, sona muvisighe vyitu mwizulaye amizi.

Ezekiyeli 18:24

“ ‘Loli nanti umuntu umugholosu akuleka pakubomba ubugholosu nukubomba imbibi sona akubomba ivintu ivyamwiko vilavila vivyo umuntu umubibi akubomba, nkimba akwiza pakuba nubumi? Butalipo ubugholosu nabumobumo bubo akabomba bukwiza pakukumbukiliwapo. Pachifukwa icha kusita kusubiliwa sona na pachifukwa icha mbibi zizyo abomba akwiza pakufwa.

Amosi 7:3

Po u Mwene akabwisya ubukali bwache nukuti, “Zinizi zitakwiza pakubombiwa.”

Yona 3:10

Bo u Chala ennya ukuti abantu bala bayileka inkalo yabo imbibi, akabapelela ichisa. Po atakabafunda nu lufundo ukuyana namumo akalondelagha.

Yona 4:2

Po akiputa kwa Mwene akati, “Wee Mwene izi zyo zizyo nkanenagha bo inchili indikukwitu. Ichi cho chifukwa nkachimbilila lubilolubilo kuchisu icha Talishishi. Nkazimanya ukuti we Chala uwa lughano sona uwachisa, nukuti akabalilo kosi we mufisalyoyo nu wachililizi sona wiyanizye pakuhobokela imbibi akabalilo kosi.

Zefaniya 1:6

Nkwiza pakubanangannya abantu babo bakukana pakumukonka u Mwene sona babo batakumulondelezya pamo pakumubuzikizya u Mwene.”

Matayi 24:13

Loli umuntu wesi yuyo ajimba mupaka pabumalilo akwiza pakupokiwa.

Matayi 5:44

Loli ilelo nkubabuzya ukuti mubaghane abalwani binyu nukubiputila babo bakubavwima,

Luka 6:12

Pakabalilo kalakala u Yesu akakwela pighamba pakwiputa nukuchelezya ubusiku bosi kulakula ukwiputa kwa Chala.

Aba Hebeli 10:38

Abantu bane abagholosu bakwiza pakuba nubumi pakusubila. Loli nanti yumo mumwabo akunyokela kwisinda, ntakwiza pakuhoboka nawe.”

Yoshwa 22:16

“Pakunena nichilundilo chosi icha Mwene, ‘Nkimba choni chicho mukabutagha ubusubiliwa bwinyu kwa Chala uwa ba Izilayeli bunubu? Amwe mwamusambukila u Mwene pakwizengela mwebene ichighemo!

1 Samuweli 12:23

Ane ntakulonda ukuti imunangile u Mwene pakukana pakubiputila. Loli nkwiza pakubamanyisya chicho chiza sona chigholosu.

1 Samuweli 13:13

U Samuweli akamubuzya akati, “Wabomba ivyabupunganu nkani. Awe utakaghasunga amalamulo ghagho u Mwene u Chala wako akakupa. Nanti ukabombagha bunubu, ngali ikazizye ubumwene bwako pakasi paba Izilayeli bwila na bwila.

1 Samuweli 15:10

Po u Mwene akamubuzya u Samuweli akati,

1 Samuweli 15:3

Losi ulu, buka pakulwa ubwite naba Amaleki, sona muvinangannye ivintu vyabo vyosi. Patakabepo nayumoyumo umuntu uwakupona. Mubaghoghe abanavuli na bakolo na bana na babonda ni ng'ombe ni ng'ozi ni ngamila sona ni mpunda zyabo.’ ”

1 Samuweli 15:35

U Samuweli atakakomanapo sona nu Sabuli mupaka pisiku lilyo u Samuweli yula akafwila, napapo akamulililagha nkani. Po u Mwene akaba ni chitima nkani, pakuti akamwimika u Sabuli ukuti abanje we mwene uwa ba Izilayeli.

1 Samuweli 15:9

Loli u Sabuli na basilikali bache bakamuleka mumi u Agagi sona batakazighogha ing'ozi ni ng'ombe ni ngwata inyine nkani sona na bana abang'ozi. Batakachighogha ichintu chosi chicho chikaba chiza. Batakalondagha pakuvinangannya ivintu vinivi loli bakavinangannya ivintu vyosi vivyo vikaba vibibi sona vitakaba ni mbombo.

1 Samuweli 16:1

U Mwene akamubuzya u Samuweli akati, “Nkimba ukwiza pakuba ni chitima nu Sabuli mupaka liyi, pakuti ane namukana ukuti atakabanje sona we mwene uwa ba Izilayeli? Losi ulu senda amafuta ubuke kunyumba iya Yese mu Betelehemu. Ane namusala yumo umwana wache umulumendo ukuti abanje we mwene.”

1 Samuweli 8:6

Loli bo banena amazyu aghakuti, “Utusalile u mwene uwakuti atulaghilaye.” Amazyu ghalaghala ghatakamuhobosya u Samuweli. Po u Samuweli akiputa kwa Mwene.