1 Samuweli 14:6 - IBAYIBOLO 2024

⁶ U Yonatani akamubuzya umulumendo yula akati, “Twende tulobokele kwisila kuko kuli ivisakasa ivya bantu babo batasilimuliwe. Lumo u Mwene akwiza pakutulwila ubwite, pakuti chitalipo nachimochimo chicho chingamukanizya ukuti atupoke manyi twe binji pamo twe banandi.”

1 Samuweli 14:6 Iomraidhean Croise

2 Samuweli 1:20

“Mutakazinenaye zinizi mu Gati, sona mutakazifumusyanje mumisebo mu Ashikeloni. Lumo abana abalindu aba ba Filisiti bangahoboka, lumo abana abalindu aba bantu babo batasilimuliwe bangasekela.

2 Samuweli 16:12

Lumo u Mwene akwiza pakwennya intamyo zyane nukunyosezya ivintu ivyiza pachifukwa icha kunguna kunuku ilelo.”

2 Abamwene 19:4

Lumo zingaba ukuti u Mwene u Chala winyu akwiza pakwivwa amazyu agha songo uwa basilikali yuyo mulongozi wache uwamu Asiliya abatuma pakumusamula u Chala umumi, sona akwiza pakumuchemela pachifukwa icha mazyu ghagho u Mwene u Chala winyu ivuye. Polelo mubiputilaye abakusyalako babo bachili bumi.”

2 Imbili 14:10

U Asa akabuka pakulwa nawe ubwite, po bakabamba mwikombe ilya Zefata kupipi nakaya aka Malesha.

2 Imbili 14:11

Po u Asa akamwitizya u Mwene u Chala wache akati, “Wee Mwene atalipo uyunji yuyo ayanite nawe ukuti ubapoke abantu abadedebazu munyobe izya bantu abamaka. Wee Mwene u Chala witu utwavwe, pakuti tukusubiye awe, sona tukwiza pakulwa ubwite na basilikali abinji aba mwitabwa lyako. Wee Mwene we Chala witu. Utakitikizyanje ukuti umuntu alwanje nawe.”

Masalimo 135:6

U Mwene akubomba ichintu chosi chicho chikumuhobosya, kumwanya na pachisu ichapasi, sona munyanja, na mosi mubwibizu.

Yelemiya 9:23

U Mwene akuti, “Uwamahala atakituvyanje chifukwa icha mahala ghache pamo uwamaka atakituvyanje pachifukwa icha maka ghache, pamo umukabi atakituvyanje pachifukwa icha bukabi bwache.

Yelemiya 9:25

“Ghakwiza amasiku ghagho nkwiza pakubafunda babo basilimuliwe ku mubili wene.

Yelemiya 9:26

Aba muchisu icha Ijiputi nu Yuda nu Edomu nu Amoni nu Mowabu sona na babo bakwikala munkolongo babo bakumwa isisi zyabo. Pakuti inko zyosi zinizi zitasilimuliwe sona bope aba Izilayeli batasilimuliwe mumoyo.”

Amosi 5:15

Mububenge ububibi, mubughane ubwiza, sona mubombe ubwanaloli pabulongi. Lumo u Mwene u Chala Uwamaka Ghosi akwiza pakubapelela ichisa abantu abakusyalako abaluko ulwa Yosefu.

Zefaniya 2:3

Mumulondaye u Mwene mwebosi mwe mukwiyisya, mwe muli muchisu, amwe mwe mukubomba zizyo akubalamula. Mubulondaye ubugholosu, sona nukwiyisya. Lumo mungapona pisiku ilya kukalala ukwa Mwene.

Zekaliya 4:6

Uwantumi akambuzya amazyu ghanagha aghakufuma kwa Mwene akati imubuzye u Zelubabeli ukuti, “Utakupota ubwite pachifukwa icha maka, loli pachifukwa icha Muzimu wane.

Ukubelengiwa 10:32

Nanti ukubuka poka naswe tukwiza pakugabana ivintu ivyiza vyosi vivyo u Mwene akutupa.”

Ukubelengiwa 31:4

Mutume abanavuli 1,000 pakasi paba Izilayeli ukuyana nuluko lwabo.”

Matayi 19:26

U Yesu akabenelezya nukubamula ukuti, “Zinizi zitangabombiwa nu muntu, loli nu Chala. Pakuti nu Chala ichintu chosi chipepe bulo.”

Aba Loma 8:31

Muvyosi vinivi, po nkimba tungati choni? Nanti u Chala ali kulubazu lwitu, wewenu angatususya?

Ukukumbusya Amalamulo 32:30

Nkimba choni chicho umuntu weka akabachimbizya abantu 1,000 pamo abantu babili ukubachimbizya abantu 1,000? Ichi cho chifukwa Ilyalabwe lyabo lyabaleka bene, sona u Mwene wabo uwamaka abaghulizya.

Aba Filipi 3:3

Pakuti aswe twe basilimuliwa abanaloli, twe tukumuchindika u Chala umwakulongoziwa nu Muzimu Umuzelu, sona tukuhoboka mubumi bwitu ubwakumamatilana poka nu Kilisitu u Yesu. Aswe tutakusubila inyiho izya mubili,

Yoshwa 14:12

Po losi ulu mpanga ichisu icha mumaghamba chicho u Mwene akandayizya pisiku lilalila. Pakuti awe wemwenecho ukivwa ukuti aba Anaki bakaba kulakula, sona nukuti utwaya twabo utukulu tukaba na malinga. Loli lumo u Mwene akwiza pakuba nane, po nkwiza pakubachimbizyamo ukuyana namumo akanenela.”

Abalongi 15:18

Pakabalilo kalakala u Samusoni akaba ni nyota nkani, po akamulilila u Mwene akati, “Wamupa umubombi wako ubupoti ubukulu nkani. Po nkimba losi ulu imfwe ni nyota nukuwila munyobe izya bantu babo batasilimuliwe?”

1 Samuweli 14:5

Ibwe lyoka likaba kumitu umwakwenannya nu Mikimashi, sona ilinji likaba kuntende umwakwenannya nu Geba.

1 Samuweli 14:7

Umulumendo yula akamula akati, “Bombagha bulo chosi chicho ukulonda. Ane indi poka nawe.”

1 Samuweli 17:26

U Devedi akabalalusya abantu babo bakaba papipi nawe akati, “Nkimba akwiza pakumubombela ichoni umuntu yuyo angamughogha umu Filisiti yunuyu nukubefya isoni aba Izilayeli? Nkimba umu Filisiti umusita kusilimuliwa uyu wewenu, ukuti abasamule abasilikali aba Chala umumi?”

1 Samuweli 17:36

Ane ne wambombo wako naghoghapo inkalamu na balabwe, po umu Filisiti umusita kusilimuliwa uyu nkwiza pakumughogha ngati mumo nkavighoghelagha ivinyamana vila, pachifukwa ichakuti akubasamula abasilikali aba Chala umumi.

1 Samuweli 17:46

Umusanya ughu u Mwene akwiza pakukubika munyobe zyane sona nkwiza pakukukoma nukukudumula umutu. Umusanya ughu nkwiza pakuvisumbila iviyuni ni vinyamana imivimba iya basilikali aba Filisiti, sona ichisu chosi ichapasi chikwiza pakumanya ukuti mu Izilayeli alimo u Chala.

1 Samuweli 17:47

Abantu bosi babo babungana pano bakwiza pakuzimanya ukuti u Mwene atakumupoka umuntu pakubombezya upanga pamo impalala. Pakuti u Mwene weyuyo akulwa ubwite, sona akwiza pakubabika mwebosi munyobe zyitu.”

1 Samuweli 31:4

U Sabuli akamubuzya umulumendo uwakumunyamulila ivilwilo akati, “Weya wee, wesa upanga wako, undase, lumo abantu abasita kusilimuliwa banganseka nukungogha.” Umulumendo yula akanyila nkani, umwakuti akakana pakumulasa. Loli u Sabuli akasenda impalala yache nukwisumbapo.