1 Samuweli 14:47 - IBAYIBOLO 2024

⁴⁷ Bo u Sabuli aba we mwene uwa ba Izilayeli, akalwa ubwite na balwani babo bakamuzyungulila. Akalwa naba Mowabu naba Amoni sona naba Edomu na bamwene aba ku Zoba sona naba Filisiti. Kosi kuko akabukagha akabapotagha bosi.

1 Samuweli 14:47 Iomraidhean Croise

Ubwandilo 19:37

Umwana usongo akapapa umwana umulumendo yuyo akamwita ukuti we Mowabu. U Mowabu we munyenya uwa ba Amowabu.

Ubwandilo 19:38

Wepe nu munandi akapapa umwana umulumendo nukumwita ukuti we Benami. U Benami we munyenya uwa aba Amoni.

Ubwandilo 36:1

Aba bo abaluko aba Esabu, sona yuyo akitiziwanga ukuti Edomu.

Ubwandilo 36:19

Abamwene bosi banaba bakafuma mwa Esabu.

Ubwandilo 36:8

Po u Esabu akikala muchisu icha maghamba icha Edomu.

2 Samuweli 1:22

Ubwele ubwa Yonatani butakanyokako bulo, ukusita ukukupula ibanda ilya bantu abakughoghiwa, pamo ukwefya amafuta agha bantu abamaka. Upanga uwa Sabuli atakanyokako bulo.

2 Samuweli 10:6

Bo aba Amoni bazyaghannya ukuti bipalaghulila ubukali ubwa Devedi, bakabasimba imbombo iya bwite abasilikali 20,000 abakwenda pasi aba mu Siliya naba mu Beti Lehobu naba mu Zoba nu mwene wamu Maaka poka na basilikali 1,000 sona na basilikali 12,000 aba mu Tobu.

2 Samuweli 8:15

U Devedi akalaghilagha mu Izilayeli mosi, sona akabombelagha vyosi mubwanaloli na mubugholosu pakasi pa bantu bosi.

2 Samuweli 8:3

U Devedi akamupota sona u Hadadezeli umwana uwa Lehobu, yuyo akaba we mwene uwamu Zoba, bo u Hadadezeli akubuka mulubazu ulwa lusoko ulwa Yufuleti pakubwikazya ubumwene bwache.

1 Abamwene 11:23

Po u Chala akamupela sona u Lezoni umwana uwa Eliyada, yuyo akamuchimbila u mwene wache, u mwene u Hadadezeli uwamu Zoba pakuba mulwani uwa Solomoni.

2 Abamwene 14:27

Loli u Mwene akabapoka ukwendela mwa Yelobowamu umwana uwa Yowashi, pachifukwa ichakuti atakalondagha ukuti abazimizye aba Izilayeli pachisu ichapasi.

1 Samuweli 12:2

Losi ulu muli nu mwene uwakuti abalongozyanje. Ane naghosipa, sona kumutu kuli ivwi, abana bane bali poka namwe. Name mulongozi winyu ukwandila ko kubulumendo bwane mupaka ilelo.

1 Samuweli 13:1

U Sabuli akimikiwa pakuba we mwene bo ali na maka 30, sona akabalaghila aba Izilayeli amaka 42.

1 Samuweli 14:46

Pisinda pache u Sabuli akaleka pakubakonka aba Filisiti, po aba Filisiti bala bakanyokela kuchisu chabo.

1 Samuweli 14:52

U Sabuli akalwanga ubwite naba Filisiti mubumi bwache bosi, sona nanti u Sabuli amwennya umuntu uwamaka sona umujivu akamubikagha pa mbombo iya busilikali.

1 Samuweli 21:7

Pisiku lilalila uwambombo yumo uwa Sabuli akaba palapala pachifukwa ichakuti akalondagha pakubomba ulwiho ulwa chiputo pamaso pa Mwene. Uwambombo yunuyu akaba we Dowegi umu Edomu, sona akaba we kapitawa uwa badimi aba Sabuli.