1 Samuweli 14:45 - IBAYIBOLO 2024

⁴⁵ Loli abantu bala bakamubuzya u sabuli bakati, “Nkimba u Yonatani afwanje, yuyo abomba imbombo inkulu nkani iya kubapoka aba Izilayeli kubwite? Awe. Tukulapa mwitabwa ilya Mwene umumi ukuti nalimolimo isisi lyoka ilya kumutu wache lilyo likwiza pakuwa pasi, pakuti chicho abombite ilelo, achibomba na maka agha Chala.” Po abantu bala bakamupoka u Yonatani, umwakuti atakaghoghiwa.

1 Samuweli 14:45 Iomraidhean Croise

2 Samuweli 14:11

Umukolo yula akati, “Wee mwene, umulabe u Mwene u Chala wako ukuti abakamu bako, babo bakulonda pakutanizya, batakamughoghe umwana wane uyunji yula.” U Devedi akati, “Nkulapa pamaso pa Mwene ukuti atalipo nayumoyumo yuyo akwiza pakumuvulazya umwana wako.”

1 Abamwene 1:52

U Solomoni akamula akati, “Nanti angaba muntu musubiliwa, ntakwiza pakumubombela nachimochimo ichintu ichibibi, loli nanti aghiwa ukuti muntu mubibi, akwiza pakughoghiwa.”

2 Imbili 19:11

“U Amaliya umuputi usongo weyuyo akwiza pakubalongozya munongwa zyosi izyakunena nizya Mwene sona u Zebadiya umwana uwa Ishimayeli, yuyo we mulongozi uwa luko ulwa Yuda, akwiza pakubalongozya munongwa zyosi izyakunena nizya mwene. Po aba Levi bakwiza pakubomba ngati makambala pakasi papinyu. Mubanje mwe bajivu, po u Mwene abanje na babo bakubomba ingolosu.”

Nehemiya 9:27

Po ukababika munyobe izya balwani, babo bakabayivya nkani. Loli bo bayimba nkani, bakakulilila. Po kumwanya uko ukabivwa sona pachifukwa icha chisa chako ukabatumila abantu pakubapoka munyobe izya balwani babo.

Yesaya 13:3

Ane ne Mwene nabalamula abazelu bane, nabitizya abalwabwite bane ukuti bakwanilisye ubukali bwane babo bakusekela mubupoti bwane.

Matayi 10:30

Loli amwe, zyope ni sisi izya kumitu yinyu zibelengiwe.

Luka 21:18

Loli nakamokamo akasisi kumitu yinyu, kako kakwiza pakusobelapo.

Imbombo 14:27

Bo bafika mu Antiyokiya, bakachibungannya poka ichipanga nukuchibuzya zyosi zizyo u Chala ababombela, sona namumo ighuliye izila pakasi pabantu babo bate ba Yuda ukuti basubile.

Imbombo 15:12

Ichilundilo chosi chikaba myee, bo chikuteghelezya zizyo u Balanabasi nu Pabuli bakubalingannyanga nizya vyika ni viswigho vyosi vivyo u Chala akabomba pakasi pabantu babo bate ba Yuda ukwendela mumwabo.

Imbombo 21:19

U Pabuli akabalamuka nukubabuzya zyosi zizyo u Chala akabomba mubantu babo bate ba Yuda ukwendela mu butumiwa bwache.

Imbombo 27:34

Po nkubalaba ukuti mulye ichakulya, umwakuti mubanje na maka. Nayumo umuntu mumwinyu, yuyo akasisi loka kumutu wache lukwiza pakusobela.”

Aba Loma 15:18

Ntakwiza pakujimba pakunena nizya chintu ichinji, awe, loli zyene zizyo u Kilisitu abomba ukwendela mumwane ukuti imbavwe abantu babo bate ba Yuda pakumwivwila u Chala ukwendela mu mazyu ghane, sona na mumbombo zyane,

1 Aba Kolinti 3:9

Pakuti aswe tukubombela poka imbombo iya Chala, amwe mwe mughunda uwa Chala, sona mwe Nyumba iya Chala.

2 Aba Kolinti 6:1

Pakuti tukubomba imbombo poka nu Chala, tukubalaba ukuti mutakachipokelaye ichisa icha Chala ngati po chintu chicho chite ni mbombo.

Ubuvumbuli 17:14

Bakwiza pakulwa ubwite nu Mwana uwa ng'ozi. Loli u Mwana uwa ng'ozi na bitiziwa poka na basaliwa bache, bakwiza pakubapota pachifukwa ichakuti u Mwana uwa ng'ozi we Mwene uwa bamwene, sona we Mulaghili uwa balaghili.”

Ubuvumbuli 19:14

Abasilikali aba kumwanya bakamukonka yuyo akakwela pa falasi inswepu, bo bavwalite amenda amaswepu, sona amatonte.

1 Samuweli 11:13

Loli u Sabuli akati, “Atalipo nayumoyumo yuyo akwiza pakughoghiwa, pakuti ilelo u Mwene abapoka aba Izilayeli.”

1 Samuweli 14:23

Po pisiku lilalila u Mwene akabapoka aba Izilayeli, sona ubwite bula bukalobokela mupaka mukaya akakulu nkani aka Beti Aveni.

1 Samuweli 14:46

Pisinda pache u Sabuli akaleka pakubakonka aba Filisiti, po aba Filisiti bala bakanyokela kuchisu chabo.

1 Samuweli 19:5

Akabika ubumi bwache pachulu pakughogha umu Filisiti yula. U Mwene akabomba ivintu ivikulu nkani ukuti aba Izilayeli bapote ubwite. Awe ukavyennya vinivi, sona ukahoboka nkani navyo. Po nkimba choni chicho ukulonda pakumubombela ichintu ichibibi umuntu umusita nongwa pakulonda ukumughogha u Devedi?”