1 Samuweli 14:36 - IBAYIBOLO 2024

³⁶ Po u Sabuli akati, “Twende tubuke pabusiku pakulwa ubwite naba Filisiti nukubafyula ivintu vyabo mupaka kubuche, sona patakabepo nayumoyumo umuntu uwakupona.” Bakamwamula bakati, “Bombagha bulo chosi chicho ukulonda.” Loli umuputi yula akati, “Leka tasi tubuzikizye kwa Chala.”

1 Samuweli 14:36 Iomraidhean Croise

Masalimo 73:28

Loli kukwane chiza ukuti mbanje papipi nu Chala, nakusala we Mwene Uwamaka Ghosi ukuti ubanje we buzilo bwane ubwakuvwamamo, sona nkwiza pakubapangila abanji nizya mbombo zyako zyosi.

Yesaya 58:2

Pakuti bakundonda isiku ni siku, bakulonda nkani ukuzimanya izila zyane, ngati luko lulo lukubomba ingolosu, sona lutaghalekite amalamulo agha Chala. Bakundaba ukuti idumule inongwa zyabo mubwanaloli, nukuhoboka pakwikala papipi nu Chala wabo.

Yelemiya 6:5

Po nyamuka, twende tulwe nako pabusiku nukughamongolannya amalinga ghache!”

Malaki 2:7

“Pakuti imbombo iya muputi yakusungilila ubumanyi ubwa Chala, sona abantu babaghiye bamanyilaye kukwache, pakuti yo ntumi iya Mwene Uwamaka Ghosi.

Ukubelengiwa 27:21

Imilile pamaso pa muputi u Eleyazala, yuyo akwiza pakubumanya ubwighane ubwa Mwene pakubombezya u Ulimu nu Tumimu. Umu momumo akwiza pakuchilongozezya ichilundilo chosi, nukumulamula u Yoshwa, poka ni chilundilo chosi icha ba Izilayeli.”

Yakobo 4:8

Palamila kwa Chala, po wepe akwiza pakupalamila kukwinyu. Ozya inyobe zyinyu mwe bantu bambibi mwee! Suka amoyo ghinyu, amwe mwe amoyo ghinyu ghali mumwanyamwanya bulo!

Yoshwa 10:19

Loli mwe banji mwendelele pakubachimbizya abalwani binyu, sona mubaghoghe bo muli kwisinda. Mutakabitikizye ukuti banyokele mutwaya twabo utukulu nkani, pachifukwa ichakuti u Mwene u Chala winyu ababikite munyobe zyinyu.”

Yoshwa 11:14

Aba Izilayeli bakafyula ukatundu wesi poka ni vitekwa ivya mutwaya tulatula. Loli bakabaghogha abantu bosi, ukusita ukumulekapo nayumoyumo umuntu umumi.

1 Samuweli 1:23

Umulume wache akamubuzya akati, “Bomba chosi chicho chingakuhobosya. Lindilila tasi mupaka umulesye umwana wako pakonka. U Mwene abombaye bulo vivyo anena.” Bunubu umukolo yula akanyoka ukuti amulele umwana wache yula mupaka papo akamulesya pakonka.

1 Samuweli 11:11

Indabi yache u Sabuli akabagaba abantu bache mutubukatila tutatu, po kubuche bakinjila muvisakasa ivya ba Amoni nukubaghogha mupaka pamusanya. Abantu babo bakapona bakanyampana, umuntu wesi akachimbilagha pamwene.

1 Samuweli 14:3

Pakasi pabantu balabala pakabapo umuputi u Ahiya, yuyo akavwalagha u efodi. U Ahiya akaba mwana uwa Ahitubi, uwamwabo uwa Ikabodi, umwana uwa Finehasi, sona umwizukulu uwa Eli, yuyo akaba muputi uwa Mwene mu Shilo. Po abantu bala batakazimanya ukuti u Yonatani epitepo.