1 Samuweli 13:9 - IBAYIBOLO 2024

⁹ U Sabuli akati, “Zagha ni chakwiyipa ichakocha, poka ni vyakwiyipa ivyabupoka.” Po u Sabuli akabika ichakwiyipa ichakocha chila.

1 Samuweli 13:9 Iomraidhean Croise

2 Samuweli 24:25

U Devedi akamuzengela u Mwene ichighemo palapala nukubika ivyakwiyipa ivyakocha, nivyakwiyipa ivyabupoka. Po u Mwene akivwa ulwiputo lulo akachiputilagha ichisu, po ichiwaya chila chikamala mu Izilayeli.

1 Abamwene 3:4

Isiku limo u Solomoni akabuka ku Gibeyoni pakubika ivyakwiyipa, pakuti kulakula ko kuko kukaba buzilo ubwakwiputilako ubwapamwanya, po akabika ivyakwiyipa ivyakocha ivyakukwana 1,000 pachighemo.

Masalimo 37:7

Banga bulo myee pamaso pa Mwene, sona umulindililaye yuyo nu bufisalyoyo. Utakapasyanje nanti abanji ivintu vikubendela akiza, sona nanti bakubomba imbombo zyabo imbibi.

Ivyili 15:8

U Mwene achibengite ichakwiyipa icha muntu umubibi, loli ulwiputo ulwa muntu umugholosu lukumuhobosyanga.

Ivyili 20:22

Utakatinji, “Nkwiza pakutanizya imbibi pa mbibi.” Umulindililaye u Mwene akwiza pakukwavwa.

Ivyili 21:27

Ichakwiyipa icha muntu umubibi gho mwiko, nkaninkani nanti achibika ni nyinong'ono imbibi!

Ivyili 21:3

Ukubomba ingolosu ni nyiza, kukumuhobosya u Mwene ukuchila ichakwiyipa.

Yesaya 66:3

Loli abantu babo bakughogha ing'ombe pakuba chakwiyipa, bali ngati muntu yuyo aghogha umuntu, abantu babo bakughogha ing'ozi pakuba chakwiyipa, bali ngati muntu yuyo anyonga imbwa isingo, sona abantu babo bakubika amalezi pakuba chakwiyipa, bali ngati muntu yuyo akubika ibanda ilya ngulube, abantu babo bakubika ichikumbusyo icha ivyakununkila, bope bulo bali ngati muntu yuyo akuchiputa ichifwani. Basala izila zyabo, sona imizimu yabo yikuhoboka nivintu ivibibi,

Ukukumbusya Amalamulo 12:5

U Mwene u Chala winyu akwiza pakusala ubuzilo boka bulo pakasi pabaluko lwinyu, bubo abantu babaghiye pakwiza pakulichindika itabwa lyache. Kulakula ko kuko mubaghiye pakubukako.

Ukukumbusya Amalamulo 12:6

Kulakula mubikaye ivyakwiyipa ivyakocha, sona ni vyabupi vyinyu, ni chigaba choka pavigaba teni, ni vyakwiyipa vyinyu ivipaghuliwa, vivyo mwamulayizya u Mwene, ni vyakwiyipa ivya bwighane, sona na bana abakwanda pakupapiwa aba ng'ombe naba ng'ozi.

1 Samuweli 14:18

U Sabuli akamubuzya umuputi u Ahiya akati, “Zagha nu ni Bokosi ilya Lufingo ilya Chala.” Pakabalilo kalakala u efodi akaba naba Izilayeli.