1 Samuweli 13:5 - IBAYIBOLO 2024

⁵ Aba Filisiti bakabungana poka ukuti balwe ubwite naba Izilayeli. Bakaba ni ngolo izya bwite 30,000, na bendezya ingolo 6,000, sona na basilikali abinji nkani ngati musesenga uwa mulubazu ulwa nyanja. Bakazenga ivisakasa vyabo mu Mikimashi kubufumilo bwizuba ubwa Beti Aveni.

1 Samuweli 13:5 Iomraidhean Croise

Ubwandilo 22:17

Naloliloli nkwiza pakukusaya nkani, sona nkwiza pakubapela abaluko lwako pakuba binji nkani ngati zyo ntondwa, sona ngati musesenga uwa mulubazu ulwa nyanja. Abaluko lwako bakwiza pakubapota abalwani babo bosi.

2 Samuweli 17:11

“Po ifundo yiyo ningakubuzya yo iyi: Aba Izilayeli bosi aba mu Dani naba mu Belisheba, babo binji nkani ngati musesenga uwa mulubazu ulwa nyanja, babungane poka kuno, sona awe ubalongolelaye pakubuka kubwite.

1 Abamwene 20:27

Aba Izilayeli bope bakababungannya poka abasilikali babo, nukubuka pakulwa ubwite. Loli aba Izilayeli bakabonekagha bulo ngati po tudimo tubili utwa mbuzi, bo aba Siliya basatite posi na posi muchisu chila.

2 Imbili 1:9

Wee Mwene u Chala wane, polelo kwanilisya zizyo ukamulayizya utata wane u Devedi, pakuti wanyimika pakuba ne mwene uwa bantu babo binji nkani ngati lufumbi ulwa pachisu ichapasi.

Yesaya 10:28

Bakwinjila mu Ayiti nukudumusannya mu Miguloni, nukubunganika ukatundu wabo pa Mikimashi.

Yesaya 48:19

Abaluko lwinyu bakwiza pakuba binji ngati musesenga, sona abana binyu batakwiza pakubelengiwa, itabwa lyabo litakwiza pakwefiwa, pamo ukunanganika pamaso papane.”

Yelemiya 15:8

Nkwiza pakonjelezya ubwinji ubwa bakolo abafwilwe, ukuchila nu musesenga uwa munyanja. Nkwiza pakubasendela uwakubanangannya, abamayi na bana babo pakasi pamusanya, Umwakuchenusya bulo nkwiza pakubizila nintamyo ni vyakoghofya.

Hoseya 10:5

Abantu babo bakwikala mu Samaliya bakuchinyila ichifwani icha ngwata icha mu Beti Aveni. Abantu bache bakwiza pakuchilila, abaputi bache bakwiza bakuchilila, pachifukwa icha buchindamu bwache. Pakuti chasendiwa, nukubuka kuchisu icha buzya.

Hoseya 4:15

“Mwee ba Izilayeli napapo mukulowa nkani, loli aba Yuda batakabanje ninongwa. “Mutakabukaye ku Giligali, pamo ku Beti Aveni. Mutakalapaye ukuti, ‘Nkulapila mwitabwa ilya Mwene umumi!’

Hoseya 5:8

Ipati livwikaye mu Gibeya, lizya ulupembe mu Lama. Wee Beti Aveni, kolomoka mwee ba Benjamini longolela.

Aba Loma 9:27

U Yesaya akakolomoka nkani nizya ba Izilayeli akati, “Napapo aba Izilayeli bangaba binji nkani ngati musesenga uwa munyanja, loli abakusyalako bakwiza pakupokiwa.

Yoshwa 11:4

Abamwene banaba bakiza poka na basilikali babo, babo bakaba ni falasi, sona ni ngolo inyinji nkani ngati mumo ghubeleye umusesenga uwa mulubazu lwanyanja.

Yoshwa 18:12

Impaka iyakumitu yikandila palusoko ulwa Yolodani, nukukwela kumitu ukwa Yeliko, nukusonta kubwinjililo bwizuba mupaka kuchisu icha mumaghamba nukufika munkolongo iya Beti Aveni.

Yoshwa 7:2

U Yoshwa bo ali mu Yeliko akabatuma abantu bamo ukubuka kukaya akakulu nkani aka Ayi kako kali papipi nakaya aka Beti Aveni, kubufumilo bwizuba ubwa Beteli, po akabalamula akati, “Bukagha mukatendele akaya aka Ayi.” Po abantu bakabuka nukukatendela akaya aka Ayi kala.

Abalongi 7:12

Aba Midiyani, naba Amaleki, poka na bantu abanji bosi abakubufumilo bwizuba bakazenga ivisakasa vyabo mwikombe. Abantu banaba bakasata bulo ngati we kanta, sona ingamila zyabo zikaba sita kubelengiwa ngati musesenga uwa mulubazu ulwanyanja.

1 Samuweli 13:11

U Samuweli akalalusya akati, “Nkimba wabomba choni?” U Sabuli akamula akati, “Bo nennya ukuti abantu bakuntoloka, nukuti utakiza pakabalilo kako kache, sona nukuti aba Filisiti bakabungana mu Mikimashi,

1 Samuweli 13:2

U Sabuli akabasala aba Izilayeli 3,000. Aba Izilayeli 2,000 bakaba poka nawe mu Mikimashi muchisu icha mumaghamba icha Beteli, sona aba Izilayeli 1,000 bakaba poka nu Yonatani mu Gibeya muchisu icha Benjamini. Po u Sabuli akababwezya aba Izilayeli abanji bosi kutwaya twabo.

1 Samuweli 14:23

Po pisiku lilalila u Mwene akabapoka aba Izilayeli, sona ubwite bula bukalobokela mupaka mukaya akakulu nkani aka Beti Aveni.

1 Samuweli 14:52

U Sabuli akalwanga ubwite naba Filisiti mubumi bwache bosi, sona nanti u Sabuli amwennya umuntu uwamaka sona umujivu akamubikagha pa mbombo iya busilikali.

1 Samuweli 17:1

Pakabalilo kalakala aba Filisiti bakababungannya abasilikali babo pa Soko muchisu icha Yuda pakulwa ubwite. Bakazenga ivisakasa vyabo pa Efeso Damimu, pakasi pa kaya aka Soko naka Azeka.

1 Samuweli 7:13

Aba Izilayeli bakabapota aba Filisiti, umwakuti aba Filisiti bala batakapyanila sona muchisu icha Izilayeli. U Mwene akalwanga naba Filisiti pakabalilo kosi aka bumi ubwa Samuweli.