1 Samuweli 13:4 - IBAYIBOLO 2024

⁴ Aba Izilayeli bosi bakabuziwa ukuti, “U Sabuli akamughogha usongo uwa basilikali aba ba Filisiti, sona nukuti aba Filisiti bakababenga nkani aba Izilayeli.” Po abasilikali bakitiziwa pakuba poka nu Sabuli mu Giligali.

1 Samuweli 13:4 Iomraidhean Croise

Ubwandilo 34:30

U Yakobo akamubuzya u Simiyoni nu Levi akati, “Awe mwampalaghulila intamyo. Aba Kenani naba Pelezi bosi bakwiza. Aswe tute twe binji, po nanti babungana pakulwa naswe bakwiza pakungogha ane na bamunyumba yane bosi, twebosi tukwiza pakughoghiwa.”

Ubwandilo 46:34

Mwamulaye ukuti, ‘Ababombi bako bateka ng'ombe mubumi bwabo bosi ngati mumo bakabombelagha abanyenya bitu.’ Nanti mwanena bunubu mukwiza pakwikala muchisu icha Gosheni.” U Yosefu akanena zinizi pachifukwa ichakuti aba Ijiputi batakahobokagha na badimi.

2 Samuweli 10:6

Bo aba Amoni bazyaghannya ukuti bipalaghulila ubukali ubwa Devedi, bakabasimba imbombo iya bwite abasilikali 20,000 abakwenda pasi aba mu Siliya naba mu Beti Lehobu naba mu Zoba nu mwene wamu Maaka poka na basilikali 1,000 sona na basilikali 12,000 aba mu Tobu.

Ukufuma 5:21

Po bakababuzya bakati, “U Mwene ennya zizyo mwatubombela, po abafunde pakuti mwamupela u Falabo na makambala ghache pakuba balwani bitu. Amwe mwabapa upanga ukuti batughoghe.”

Zekaliya 11:8

Pamwezi ghoka, nkabaghogha abadimi batatu. Nkapotwa pakujimba nabo, sona bope batakandondagha.

Yoshwa 5:9

Po u Mwene akamubuzya u Yoshwa akati, “Ilelo nabefya isoni izya buzya bubo mukaba nabo mu Ijiputi.” Ichi cho chifukwa ubuzilo bula bakabwita ukuti Giligali, sona bukwitiziwa ni tabwa linili mupaka nilelo bulo.

1 Samuweli 10:8

“Longolelapo ku Giligali, kuko nkwiza pakukomana nawe pakubika ivyakwiyipa ivyakocha nivyabupoka. Loli ulindilile amasiku seveni kulakula mupaka nize nukukubuzya zizyo ubaghiye pakubomba.”

1 Samuweli 27:12

U Akishi akamusubila nkani u Devedi umwakuti akanena mwene akati, “Aba Izilayeli bamubengite nkani. Po akwiza pakumbombela mubumi bwache bosi.”