1 Samuweli 13:2 - IBAYIBOLO 2024

² U Sabuli akabasala aba Izilayeli 3,000. Aba Izilayeli 2,000 bakaba poka nawe mu Mikimashi muchisu icha mumaghamba icha Beteli, sona aba Izilayeli 1,000 bakaba poka nu Yonatani mu Gibeya muchisu icha Benjamini. Po u Sabuli akababwezya aba Izilayeli abanji bosi kutwaya twabo.

1 Samuweli 13:2 Iomraidhean Croise

2 Samuweli 20:1

Pakabalilo kalakala kukabako umuntu yumo uwa mwalwemwalwe yuyo akaba we Sheba umwana uwa Bikili, umu Benjamini. U Sheba akalizya ipati nukukolomoka ukuti, “Aswe tute ni chigaba nachimochimo mwa Devedi, sona tute ni mpyana mu mwana uwa Yese. Mwee ba Izilayeli umuntu wesi abwelaye ku chisakasa chache.”

2 Samuweli 21:6

Po utupe abantu seveni abaluko lwache ukuti tubaghoghele pamaso pa Mwene mu Gibeya, kako kaya akakulu nkani aka Sabuli, yuyo u Mwene akamusala.” Po u mwene akamula akati, “Chiza bulo, nkwiza pakubabika munyobe zyinyu.”

2 Samuweli 23:29

nu Heledi umwana uwa Baana umu Netofa nu Itayi umwana uwa Libayi uwamu Gibeya muchisu icha Benjamini,

Ezila 2:27

Abantu aba mu Mikimashi bakabapo 122.

Nehemiya 11:31

Abaluko ulwa Benjamini aba mu Geba bakikalagha mukaya akakulu aka Mikimashi naka Aya naka Beteli poka nutwaya twache

Yoshwa 18:28

naka Zela naka Hayelefu naka Yebusi kokuti Yelusalemu naka Gibeya sona naka Kiliyati Yeyalimu. Utwaya tosi poka tukabapo 14 poka nutwaya twache utupalamani. Ichi cho chisu chicho aba Benjamini bakapokela pakuba mpyana ukuyana ni nyumba zyabo.

Yoshwa 22:6

Po u Yoshwa akabasaya nukubabwezya, sona bosi bakabwela.

Abalongi 19:12

U mwene wache akamwamula akati, “Awe tutangapaghukila mukaya aka bayeni, kako abantu bache te ba Izilayeli. Zagha twendelele mupaka ku Gibeya.”

1 Samuweli 10:26

Wepe u Sabuli akabwela ku Gibeya, poka na banavuli abamaka, babo u Chala akaghapalamasya amoyo ghabo.

1 Samuweli 10:5

Pisinda pache ukwiza pakubuka kwighamba ilya Chala ku Gibeya, kuko kuli akabukatila aka basilikali aba ba Filisiti. Bo ukupalamila ku kaya akakulu, ukwiza pakukomana na kabukatila aka balaghuzi, kako kakufuma kubuzilo ubwakwiputilako, bo bakulizya ivinanda ni visekeseke na malongi sona na mapango, bo bakulaghula.

1 Samuweli 13:1

U Sabuli akimikiwa pakuba we mwene bo ali na maka 30, sona akabalaghila aba Izilayeli amaka 42.

1 Samuweli 13:11

U Samuweli akalalusya akati, “Nkimba wabomba choni?” U Sabuli akamula akati, “Bo nennya ukuti abantu bakuntoloka, nukuti utakiza pakabalilo kako kache, sona nukuti aba Filisiti bakabungana mu Mikimashi,

1 Samuweli 13:15

U Samuweli akanyamuka mu Giligali nukubuka ku Gibeya muchisu icha Benjamini, po u Sabuli akababelenga abantu babo bakaba nawe, sona bosi poka bakabapo 600.

1 Samuweli 13:16

Po u Sabuli nu mwana wache u Yonatani, poka na bantu babo bakaba nawe bakikala mu Gibeya muchisu icha Benjamini. Loli Aba Filisiti bakazenga ivisakasa mu Mikimashi.

1 Samuweli 13:23

Po akabukatila aka basilikali aka ba Filisiti kakadumusannya piloboko ilya Mikimashi.

1 Samuweli 13:5

Aba Filisiti bakabungana poka ukuti balwe ubwite naba Izilayeli. Bakaba ni ngolo izya bwite 30,000, na bendezya ingolo 6,000, sona na basilikali abinji nkani ngati musesenga uwa mulubazu ulwa nyanja. Bakazenga ivisakasa vyabo mu Mikimashi kubufumilo bwizuba ubwa Beti Aveni.

1 Samuweli 14:31

Pisiku lilalila bo aba Izilayeli babaghogha aba Filisiti ukwandila ku Mikimashi mupaka ku Ayaloni, bakalita nkani.

1 Samuweli 14:5

Ibwe lyoka likaba kumitu umwakwenannya nu Mikimashi, sona ilinji likaba kuntende umwakwenannya nu Geba.

1 Samuweli 14:52

U Sabuli akalwanga ubwite naba Filisiti mubumi bwache bosi, sona nanti u Sabuli amwennya umuntu uwamaka sona umujivu akamubikagha pa mbombo iya busilikali.

1 Samuweli 15:34

Pisinda pache u Samuweli akabuka ku Lama, wepe u Sabuli akabwela kukaya kache aka Gibeya.

1 Samuweli 24:3

Akafika pa vibagha ivya ng'ozi pazila mulubazu ulwa musebo, papo pakaba impako. U Sabuli akinjila mulamula ukuti iyavwe mwene. U Devedi na bantu bache bakaba mukasi nkani mumpako yilayila.

1 Samuweli 26:2

Po u Sabuli akabuka kunkolongo iya Zifi, poka na basilikali bache abamaka 3,000, aba mu Izilayeli babo akabasala pakumulondelezya u Devedi.

1 Samuweli 8:11

U Samuweli akati, “Izi zyo zizyo u mwene yuyo mukumulonda akwiza pakubombagha. Akwiza pakubafyenga abana binyu abalumendo pakulwa ubwite, abanji bakwiza pakuba bakwendezya ingolo izya bwite, bamo abakukwela impunda zyache, sona abanji abakuchimbila pantazi pangolo zyache zila.