1 Samuweli 13:13 - IBAYIBOLO 2024

¹³ U Samuweli akamubuzya akati, “Wabomba ivyabupunganu nkani. Awe utakaghasunga amalamulo ghagho u Mwene u Chala wako akakupa. Nanti ukabombagha bunubu, ngali ikazizye ubumwene bwako pakasi paba Izilayeli bwila na bwila.

1 Samuweli 13:13 Iomraidhean Croise

Ubwandilo 31:28

Utakanyitikizye napo panandi ukuti indaghane na bizukulu bane, sona na bana bane abakolo. Wabomba ichintu icha bupunganu nkani.

2 Samuweli 24:10

Bo u Devedi amala pakubabelenga abantu, akanda pakutamiwa nkani mumoyo wache, po akati, “Nananga nkani pazizyo nabomba. Losi ulu nkukulaba we Mwene wane ukuti unhobokele imbibi yane ne mubombi wako, pachifukwa ichakuti nabomba ichintu ichabupunganu nkani.”

1 Abamwene 18:18

U Eliya akamula akati, “Ane ntakupela intamyo mu Izilayeli. Loli awe na bamunyumba yako mukupela intamyo mu Izilayeli. Pakuti mwaghasula amalamulo agha Mwene nukumukonka u Baala.

1 Abamwene 21:20

Bo Ahabu amwennya u Eliya akamubuzya akati, “Wee mulwani wane, fwandi wanyagha?” U Eliya akamula akati, “Eee, nakwagha pachifukwa ichakuti wabomba ichintu ichibibi nkani pamaso pa Mwene.”

1 Imbili 10:13

U Sabuli akafwa pachifukwa ichakuti atakaba musubiliwa kwa Mwene. Atakamwivwilagha u Mwene sona akabuzikizyanga ku mizimu iya bantu abafwe.

2 Imbili 16:9

Pakuti amaso agha Mwene ghakwennya posi na posi pachisu ichapasi umwakuti abakazyanje abantu babo bakumwivwila na moyo ghabo ghosi. Awe wabomba ichintu ichabupunganu nkani, po ukwanda ilelo ukwiza pakulwa ubwite.”

2 Imbili 19:2

umulaghuzi u Yehu, umwana uwa Hanani akabuka pakukomana nawe nukumubuzya u mwene ukuti, “Nkimba choni chicho ukubavwa abantu ababibi nukubaghana abantu babo bamubengite u Mwene? Pachifukwa icha zizyo wabomba, u Mwene akukalaliye.

Yobu 34:18

Nkimba te weyuyo akubabuzya abamwene ukuti, “Amwe mute nite mbombo nayimoyimo?” Akubabuzya abalaghili ukuti, “Amwe mwe babibi.”

Ivyili 12:8

Umuntu akupaliwanga ukuyana na mahala ghache, loli umuntu uwa nyinong'ono inyonganu akusamuliwanga.

Ivyili 19:3

Ubupunganu ubwa muntu bukubunangannya ubumi bwache, pope bulo umoyo wache ghukumukalali u Mwene.

Yesaya 39:5

Po u Yesaya akamubuzya u Hezekiya akati, “Ivwa izyu ilya Mwene Uwamaka Ghosi.

Yelemiya 18:10

sona nanti uluko lula lukwendelela pakubomba ububibi pamaso ghane sona lutakunyivwila, po ntakwiza pakulubombela inyiza zizyo nalondagha pakulubombela.

1 Samuweli 1:22

u Hana atakabukako. Akamubuzya umulume wache akati, “Bo umwana uyu aleka pakonka nkwiza pakumupaghulila kwa Mwene, po akwiza pakwikalagha kulakula ubumi bwache bosi.”

1 Samuweli 13:12

Nkinong'onagha ukuti, ‘Aba Filisiti bakwiza pakulwa nane ubwite mu Giligali, sona nukuti intakamubuzikizya u Mwene.’ Po ninfyengite bulo ukuti imbike ichakwiyipa ichakocha chinichi.”

1 Samuweli 15:11

“Indi ni chitima nkani ukuti nkamwimika u Sabuli pakuba we mwene. U Sabuli ansambukila, sona aleka pakughakonka amalamulo ghane.” U Samuweli akakalala nkani, po akamulambilizya u Mwene ubusiku bosi bulabula.

1 Samuweli 15:22

Loli u Samuweli akati, “Nkimba u Mwene akuhoboka ni vyakwiyipa ivyakocha, sona ni vyabupi pamo ukughivwila amazyu ghache? Ukwivwila chintu chizapo ukuchila ichakwiyipa, ukughakonka amalamulo ghache chizapo, ukuchila ichakwiyipa icha mafuta agha dubi.

1 Samuweli 15:28

U Samuweli akamubuzya akati, “U Mwene abuzepula ubumwene ubwa Izilayeli ukubwefyako kukwako ukwanda ilelo, po amupa umuntu yumo umwizapo ukukuchila awe.

1 Samuweli 16:1

U Mwene akamubuzya u Samuweli akati, “Nkimba ukwiza pakuba ni chitima nu Sabuli mupaka liyi, pakuti ane namukana ukuti atakabanje sona we mwene uwa ba Izilayeli? Losi ulu senda amafuta ubuke kunyumba iya Yese mu Betelehemu. Ane namusala yumo umwana wache umulumendo ukuti abanje we mwene.”

1 Samuweli 26:21

Po u Sabuli akati, “Wee Devedi mwana wane, nananga nyokela! Ntakwiza pakukubombela sona nachimochimo ichintu ichibibi pakuti ubumi bwane wabupima pakuba bwapamwanya nkani. Naloli ane nkabomba ivyabupunganu, sona nkapuvya nkani.”