1 Samuweli 12:9 - IBAYIBOLO 2024

⁹ “Loli abanyenya binyu bakamuluvya u Mwene u Chala wabo. Po u Mwene akababika munyobe izya Sisela, usongo uwa basilikali aba mu Hazoli, na munyobe izya ba Filisiti, sona na munyobe izya mwene uwa ba Mowabu, babo bakalwa nabo ubwite.

1 Samuweli 12:9 Iomraidhean Croise

2 Samuweli 7:11

pakabalilo kako nkabimikila abalongi abantu bane aba Izilayeli. Nkwiza pakukuzighilila kubalwani bako bosi. U Mwene akukubuzya ukuti, akwiza pakukuzengela inyumba.

Masalimo 106:21

Bakamuluvya u Chala yuyo akabapoka, yuyo akabomba ivintu ivikulu nkani mu Ijiputi,

Yesaya 63:10

Loli pope bulo bakasambuka, nukumukalalizya Umuzimu wache Umuzelu. Po akanduka nukuba mulwani wabo, nukulwa nabo ubwite.

Yelemiya 2:32

Nkimba u mulindu angaluvya ivyakwibonesekezya akiza, pamo u mulindu yuyo akusendwa nkimba angaluvya ivyakuvwala vyache ivya pasendwa? Loli pope bulo abantu bane banduvizye, amasiku ghagho ghatangabelengiwa.

Ukukumbusya Amalamulo 32:18

Bakalitoloka Ilyalabwe, yuyo akaba we wise wabo, Bakamuluvya u Chala, yuyo akabapela.

Ukukumbusya Amalamulo 32:30

Nkimba choni chicho umuntu weka akabachimbizya abantu 1,000 pamo abantu babili ukubachimbizya abantu 1,000? Ichi cho chifukwa Ilyalabwe lyabo lyabaleka bene, sona u Mwene wabo uwamaka abaghulizya.

Abalongi 10:7

Po u Mwene akabakalalila nkani nukubabika munyobe izya ba Filisiti, sona nizya ba Amoni.

Abalongi 13:1

Aba Izilayeli bakamunangila sona u Mwene, po u Mwene akababika munyobe izya ba Filisiti amaka 40.

Abalongi 2:14

Po u Mwene akabakalalila aba Izilayeli nukubabika munyobe izya mavyondongo, ghagho ghakafyula ivintu vyabo. Akababika munyobe izya balwani bosi babo bakabazyungulila, umwakuti batakipoka bene.

Abalongi 3:12

Aba Izilayeli bakabomba sona ivintu ivibibi vivyo vitakamuhobosya u Mwene. Po u Mwene akamupela u Egiloni, u mwene uwamu Mowabu pakuba na maka nkani ukubachila aba Izilayeli.

Abalongi 3:31

Bo u Ehudi afwa, u Shamugali umwana uwa Anati akapyana pabumwene, yuyo akabaghogha aba Filisiti 600 ni ndisa iyakusyempela ing'ombe. Po wepe akabapoka aba Izilayeli.

Abalongi 4:2

Po u Mwene akababika munyobe izya Yabini u mwene uwa ba Kenani yuyo akalaghilagha mukaya akakulu nkani aka Hazoli. Usongo uwa basilikali bache akaba we Sisela, yuyo akikalagha mu Halosheti Hagoyimu.

1 Samuweli 12:15

Loli nanti mutakumwivwila u Mwene, nukughakana amalamulo ghache, po akwiza pakubafunda ngati mumo akabafundila abanyenya binyu.