1 Samuweli 12:8 - IBAYIBOLO 2024

⁸ “Bo u Yakobo na bamunyumba yache babuka ku Ijiputi, aba Ijiputi bakabayivya. Bakamulilila u Mwene ukuti babavwe, po u Mwene akabatumila u Mozesi nu Aloni, babo bakabefyamo abanyenya binyu mu Ijiputi nukubikazya pabuzilo ubu.

1 Samuweli 12:8 Iomraidhean Croise

Masalimo 105:44

Akabapa ichisu icha bantu aba inko izinji, po bakachisenda pakuba mpyana yabo, ichisu chicho abantu abanji bakayimbilapo.

Ukufuma 12:51

Pisiku lilalila u Mwene akabefyamo aba Izilayeli mu Ijiputi ukuyana nu tubukatila twabo.

Ukufuma 6:26

Akaba we Aloni nu Mozesi babo u Mwene akababuzya ukuti, “Mubefyemo aba Izilayeli muchisu icha Ijiputi umwakuyana nu tubukatila twabo.”

Ukubelengiwa 20:15

Abanyenya bitu bakabuka mu Ijiputi, sona tukikala mulamula amaka aminji nkani. Aba Ijiputi bakatuyivya nkani, aswe poka na banyenya bitu.

Imbombo 7:15

Po u Yakobo akabuka mu Ijiputi mumo yuyo na bana bache bakafwila.

Yoshwa 1:6

“Ubanje nu lweke, sona ujimbaye, pakuti wewe ukwiza pakubalongolela abantu banaba pakuchifyula ichisu chicho nkabalayizya abanyenya babo.

Yoshwa 21:43

U Mwene akabapa aba Izilayeli ichisu chosi, chicho akabalayizizya abanyenya babo. Po bakachifyula nukwikalana mulamula.

1 Samuweli 10:18

po akababuzya akati, “U Mwene u Chala uwa Izilayeli ati, ‘Nkabefya aba Izilayeli mu Ijiputi, nukubapoka munyobe izya ba Ijiputi, sona nizya bamwene bosi babo bakabakanyilila.’

1 Samuweli 12:6

U Samuweli akababuzya abantu bala akati, “U Mwene weyuyo akamusala u Mozesi nu Aloni, ukuti abefyamo abanyenya binyu mu Ijiputi.