1 Samuweli 12:5 - IBAYIBOLO 2024

⁵ U Samuweli akababuzya abantu akati, “U Mwene we kaboni pakasi papane namwe, sona wepe umupakiwa wache we kaboni ilelo umwakuti mutanyaghitepo ninongwa nayimoyimo.” Abantu bakamula bakati, “Naloli u Mwene we kaboni.”

1 Samuweli 12:5 Iomraidhean Croise

Ubwandilo 31:50

U Labani akanena sona akati, “Nanti ukubayivya abana bane, pamo nanti ukusenda sona abakolo abanji, napapo ane intangazimanya, ukumbuke ukuti u Chala we kaboni pakasi papako na nane.”

Yobu 16:19

Losi ulu ukaboni wane ali kumwanya; sona umwavwilizi wane wepe ali kumwanya nkani.

Yobu 42:7

Bo u Mwene anena ivintu vinivi kwa Yobu, akanena kwa Elifazi uwamu Tema akati, “Nkalaye nawe poka nabamanyani bako babili, chifukwa mutanenite ingolosu kukwane, ukuyana namumo akabombela u Yobu umubombi wane.

Masalimo 17:3

Napapo ungaghuyela umoyo wane, pamo ukumpima pabusiku, loli utanganyagha ninongwa nayimoyimo. Nadumula ukuti umulomo wane ghutakwiza pakunanga.

Ukufuma 22:4

“Nanti ing'ombe yiyo umuntu yula akiba yaghiwa nyumi munyobe zyache manyi mpunda manyi ng'ozi umwiba yula abaghiye atanizyepo ing'ombe zibili pa ng'ombe yoka pamo ing'ozi zibili pa ng'ozi yoka.

Yohani 18:38

U Pilati akamulalusya akati, “Nkimba ubwanaloli cho choni?” Bo anena zinizi, u Pilati akafuma sona kuzi nukuti, “Ane intakumwagha ninongwa nayimoyimo.

Imbombo 23:9

Kukaba ichongo ichikulu nkani, po abamanyisi bamo aba Ndaghilo babo bakaba aba mukabukatila aka ba Falisayi bakimilila nukukana nkani ukuti, “Tutakuchagha nachimochimo chicho umuntu uyu anangite. Buli nanti umuzimu pamo uwantumi anenite nawe?”

Imbombo 24:16

Po akabalilo kosi nkuyezya pakubomba inyiza ukuti imbanje nu mabyebye umwiza pamaso pa Chala na bantu.

Imbombo 24:20

Pamo leka abantu babo bali pano banene bene inongwa yiyo banyagha nayo, bo nimiliye pamaso pa balongi,

1 Aba Kolinti 4:4

Pakuti umabyebye wane atakunsusyapo, loli ichi chitakusimikizya ukuti ane inte ninongwa nayimoyimo, awe. Uwakundonga ane, we Mwene mpela.

2 Aba Kolinti 1:12

Chicho tukwituvikizyapo chakuti umabyebye witu akutusimikizizya ukuti inkalo yitu muchisu ichapasi nkaninkani ubukamu bwitu namwe, yikaba zelu, sona yiyo yitakaba nu buzimbuli. Zikabanga bunubu chite chifukwa ichakukonka amahala agha buntu, awe, loli pachifukwa icha chisa icha Chala.

1 Samuweli 12:4

Abantu bala bakamula bakati, “Awe, utatuzimbuyepo pamo ukutuyivya napo panandi. Utamufyulitepo umuntu nayumoyumo ichintu chache.”

1 Samuweli 26:9

Loli u Devedi akamubuzya u Abishayi akati, “Awe, utakamubombele ichintu ichibibi. Nkimba wewenu yuyo angamubombela ichintu ichibibi umupakiwa uwa Mwene, nukuba musita nongwa?”