1 Samuweli 12:3 - IBAYIBOLO 2024

³ Ane indi pano, nanti imbombitepo ichintu chimo ichibibi munsusye pamaso pa Mwene, na pamaso pa mupakiwa wache. Nkimba wewenu yuyo imufyulitepo ing'ombe yache? Nkimba alipo umuntu yumo yuyo imufyulitepo impunda yache? Nkimba wewenu yuyo imuzimbuyepo? Nkimba wewenu yuyo imuyivizyepo? Nkimba alipo umuntu yumo yuyo ampiyepo amabeko? Nanti imbombitepo ichintu chimo pavintu vyosi vinivi, nkwiza pakubanyosekezya vyosi.”

1 Samuweli 12:3 Iomraidhean Croise

2 Samuweli 22:22

Pakuti nazikonkagha indaghilo izya Mwene, sona ntabombitepo nayimo imbibi nukumukana u Chala wane.

Nehemiya 5:11

Losi ulu mubanyosekezye amaghunda ghabo, na maghunda ghabo agha mampesya na maghunda agha misyunguti ni nyumba zyabo sona ni ndalama izyakukabilapo ni ngano nu vinyo sona na mafuta agha misyunguti vivyo bakopa.”

Masalimo 15:5

Bo bantu babo bakukopezya indalama ukusita ukupokelapo izyapamwanya, sona batakupokela amabeko ukuti babayivyanje babo bate ninongwa. Babo bakubomba bunubu batakwiza pakuyingana nalumo.

Ukufuma 20:17

“Utakayinyonywanje inyumba iya mupalamani wako. Utakamunyonywanje umuchi uwa mupalamani wako pamo uwambombo wache umwanavuli pamo umukolo pamo ing'ombe zyache pamo impunda zyache pamo ichintu chosi chicho ali nacho.”

Ukufuma 22:4

“Nanti ing'ombe yiyo umuntu yula akiba yaghiwa nyumi munyobe zyache manyi mpunda manyi ng'ozi umwiba yula abaghiye atanizyepo ing'ombe zibili pa ng'ombe yoka pamo ing'ozi zibili pa ng'ozi yoka.

Ukufuma 23:8

“Mutakapokelaye amabeko, pakuti amabeko ghakubighalila amaso umwakuti ghakunyongannya ubwanaloli.

Ivyili 15:27

Umupafu akubitizizya abamunyumba yache intamyo, loli yuyo aghabengite amabeko akuba nubumi.

Aba Levi 6:4

nanti umuntu ananga bunubu, kokuti naloli apalaghula inongwa. Po anyosye ivintu vivyo akasenda umwabuzimbuli.”

Aba Levi 6:5

Pisiku lilyo aghiwa ukuti naloli umuntu yula apalaghula inongwa, amunyosezye umwenecho ivintu vyache vyosi, sona onjelezyepo ichigaba choka pavigaba vyosi fayivi.

Ukubelengiwa 16:15

Po u Mozesi akakalala nkani nukumubuzya u Mwene ukuti, “Utakapokelaye ivyakwiyipa ivya bantu banaba. Ntabafyulitepo nayimo impunda pamo ukumunangila umuntu weka bulo.”

Matayi 22:21

Bakamwamula bakati, “Vya Kesale.” Po u Yesu akati, “Ivya Kesale mumupe u Kesale; ivya Chala mumupe u Chala.”

Luka 19:8

U Zakeyu akimilila nukumubuzya u Mwene ukuti, “Ivwa kuno, Mwene! Nkwiza pakubapa pakasi na pakasi ivyuma vyane abantu abapina, sona nanti imuzimbuyepo umuntu yumo nkwiza pakumunyosezya ka folo ukuchilapo.”

Imbombo 20:33

Intakanyonywapo indalama izya muntu pamo amenda agha muntu awe.

2 Aba Kolinti 12:14

Ennya, aka kabutatu ukuti niyanizye pakubendela. Po ntakwiza pakubatamya pakuti chicho nkulonda, vite vintu vivyo muli navyo, awe, loli nkulonda amwe. Pakuti yite mbombo iya bana iyakubasungila abapapi babo ivyuma, awe, loli yo mbombo iya bapapi pakubasungila abana babo ivyuma.

Ukukumbusya Amalamulo 16:19

Mutakabunyongannye ubugholosu pamo ukulonga inongwa pakwennya icheni icha muntu. Mutakapokelaye amabeko pakuti amabeko ghakubighalila amaso abantu abamahala, sona ghakunyongannya ubwanaloli.

1 Aba Tesalonika 2:10

Amwe mwe bakaboni bitu, sona nu Chala wepe, we kaboni witu ukuti inkalo yitu kukwinyu mwe bitiki yikaba nzelu, yikaba ngolosu, sona yitakaba ni chilema nachimochimo.

1 Aba Tesalonika 2:5

Muzimenye akiza nkani ukuti tutakiza kukwinyu ni sunga, pamo nu moyo uwakukabilapo, awe. U Chala we kaboni witu!

1 Pitala 5:2

ukuti: Mudimaye umudimo uwa ng'ozi zizyo u Chala akubapa. Mughusungilile umwakusita kufyengiwa, ukuyana namumo u Chala akulondela ukuti mubombelaye. Mutakabombaye imbombo yinyu nu moyo uwakunyonywa indalama, loli mubombaye nu moyo uwakunyonywa pakubomba.

1 Samuweli 10:1

U Samuweli akasenda ibotolo ilya mafuta nukughapungulila pamutu uwa Sabuli, po akamufyofyonta. Akanena akati, “U Mwene akupakazya ukuti ubanje we mwene uwa bantu bache aba Izilayeli. Ukwiza pakubalaghila abantu bache nukubapoka munyobe izya balwani babo.

1 Samuweli 12:4

Abantu bala bakamula bakati, “Awe, utatuzimbuyepo pamo ukutuyivya napo panandi. Utamufyulitepo umuntu nayumoyumo ichintu chache.”

1 Samuweli 12:5

U Samuweli akababuzya abantu akati, “U Mwene we kaboni pakasi papane namwe, sona wepe umupakiwa wache we kaboni ilelo umwakuti mutanyaghitepo ninongwa nayimoyimo.” Abantu bakamula bakati, “Naloli u Mwene we kaboni.”

1 Samuweli 2:35

Po pisinda pache nkwiza pakwisalila nemwene umuputi umusubiliwa, yuyo akwiza pakubomba zizyo nkulonda. Nkwiza pakuyikazya nkani inyumba yache, sona akwiza pakumubombela umupakiwa wane akabalilo kosi.

1 Samuweli 24:11

Tata wane, ennya akamwenda aka nkazo yako munyobe yane. Ngali nakughoghite loli nkadumula bulo akamwenda aka. Po uzimanye ukuti ane inte ni nyinong'ono nazimo izya kukusambukila pamo ukughogha. Ane intakunangiyepo nachimochimo, loli ukumbingambinga ukuti ungoghe.

1 Samuweli 24:6

Po akababuzya abantu bache akati, “U Mwene ankanizye ukuti intakamubombele ichintu ichibibi u mwene wane uyu, yuyo mupakiwa uwa Mwene pamo ukumuvulazya napo panandi pakuti mupakiwa uwa Mwene.”

1 Samuweli 24:7

Na mazyu ghanagha u Devedi akabachemela abantu bache, umwakuti atakabitikizya ukuti balwe ubwite nu Sabuli. Po u Sabuli akepamo mumpako mula nukubuka.

1 Samuweli 26:11

Loli u Mwene ankanizye ukuti intakamubombele ichintu ichibibi umupakiwa wache. Losi ulu senda impalala yache nu lubako lwache ulwa mizi, lulo luli papipi nu mutu wache, po tubukaye.”

1 Samuweli 26:9

Loli u Devedi akamubuzya u Abishayi akati, “Awe, utakamubombele ichintu ichibibi. Nkimba wewenu yuyo angamubombela ichintu ichibibi umupakiwa uwa Mwene, nukuba musita nongwa?”