1 Samuweli 12:22 - IBAYIBOLO 2024

²² U Mwene atakwiza pakubakana abantu bache, ukuti lumo itabwa lyache ikulu lingasamuliwa, pakuti chikamuhobosya u Mwene pakubapela amwe ukuti mubanje mwe bache na bache.

1 Samuweli 12:22 Iomraidhean Croise

1 Abamwene 6:13

Nkwiza pakwikala pakasi pabantu aba Izilayeli, sona ntakwiza pakubakana nalumolumo.”

1 Abamwene 8:57

U Mwene u Chala witu abe naswe ukuyana namumo akabela na banyenya bitu. Atakatuleke pamo ukutukana nalumolumo.

2 Abamwene 14:27

Loli u Mwene akabapoka ukwendela mwa Yelobowamu umwana uwa Yowashi, pachifukwa ichakuti atakalondagha ukuti abazimizye aba Izilayeli pachisu ichapasi.

2 Abamwene 21:14

Nkwiza pakubakana abantu babo basyala bumi nukubabika munyobe izya balwani babo. Abalwani babo bakwiza pakubapota nukuvifyula ivintu vyosi vivyo vili muchisu chabo,

1 Imbili 28:9

“Wee mwana wane Solomoni, umwivwilaye nukumubombela u Chala uwa ghuso nu moyo wako ghosi pakuti u Mwene azimenye inyinong'ono izya muntu na kabombele kache. Nanti ukumulondelezya, ukwiza pakumwagha, loli nanti ukumusula, wepe akwiza pakukukana bwila na bwila.

2 Imbili 15:2

Po akabuka pakukomana nu Asa nukumubuzya ukuti, “Wee Asa na mwebosi mwe bantu aba mu Yuda naba mu Benjamini ivwa kuno! U Mwene akuba namwe nanti mukuba nawe. Nanti mukumulondelezya, mukwiza pakumwagha, loli nanti mukumukana, wepe akwiza pakubakana.

Nehemiya 9:17

Batakivwila sona bakaluvya ivyika vivyo ukabomba pakasi papabo. Bakaba na moyo amakafu nkani sona bakasambuka pakusala abalongozi ukuti banyokele kubukayidi mu Ijiputi. Loli awe we Chala, we waluhobokelo, we wachisa, sona we wachililizi, utakukalala lubilolubilo, sona we walughano nkani. Po utakabakana,

Masalimo 106:8

Loli akabapoka pachifukwa icha itabwa lyache, ukuti amaka ghache amakulu nkani ghamanyikwe.

Masalimo 94:14

Pakuti u Mwene atakubakana nalumolumo abantu bache. Eee atakuchisula nalumolumo ichilingo chache.

Ukufuma 32:12

Nkimba ukulonda ukuti aba Ijiputi banenaye ukuti, ‘Akabefyamo abantu bache mu Ijiputi nu lubatiko ulwakuti abaghoghele mumaghamba nukubazimizya?’ Utakabakalalilaye abantu bako, utakabanangannye.

Yesaya 37:35

“Nkwiza pakukazighilila akaya akakulu nkani aka nukukapoka, pachifukwa chanene, sona na pachifukwa icha mubombi wane u Devedi!”

Yesaya 41:17

“Abapina na bakusobelwa bakulonda amizi, loli amizi naghamo, kusingo kwabo kumiye. Loli ane ne Mwene nkwiza pakubamula, ane ne Chala uwa Izilayeli, ntakwiza pakubaleka.

Yesaya 42:16

Nkwiza pakubalongozya abafwamaso muzila zizyo batazimenye, nkwiza pakubalongozya muzila zizyo mutenditemo nalumolumo. Nkwiza pakuchipela ichisi pakuba lukozyo pantazi papabo, ubuzilo ubwa vibanka butenganiziwe. Ivi vyo vivyo nkwiza pakubomba, ntakwiza pakubaleka nalumo.

Yesaya 43:25

“Ane nene nkuhobokela imbibi zyinyu, sona pachifukwa icha nene, ntakwiza pakuzikumbuka sona imbibi zyinyu.

Yesaya 43:7

Wesi yuyo akwitiziwa itabwa lyane, yuyo nkamupela pachifukwa icha buchindamu bwane, yuyo nkamumata nukumupa ubumi.”

Yesaya 48:11

Pachifukwa icha nemwene, pachifukwa icha ane, nkwiza pakubomba zinizi. Nkimba ningitikizya bulibuli ukuti itabwa lyane linyaziwanje? Ntakwiza pakubapa ubuchindamu bwane abanji.

Yesaya 49:15

Nkimba u umukolo angamuluvya umwana wache yuyo akumonkezya, nukuleka pakuba ni chililizi nu mwana yuyo amupapite? Napapo angamuluvya, ane intangabaluvya, awe!

Yesaya 63:8

Akati, “Naloli aba bantu bane, abana babo batanganzimbula,” po akaba Mupoki wabo.

Yelemiya 14:21

Pachifukwa icha itabwa lyako utakatuleke twebene, utakachisamulaye ichitengo chako icha bumwene icha buchindamu. Ukumbukaye ulufingo lwako lulo ukafingana naswe, sona utakalunangannyanje.

Yelemiya 14:7

Abantu bakuti, “Napapo imbibi zyitu zikutubikila ubwakaboni, wee Mwene, bombapo zimo pachifukwa icha itabwa lyako. Pakuti twakukana, sona twakunangila akabalilo kosi.

Yelemiya 14:9

Nkimba choni chicho uli ngati muntu yuyo achenuziwa bulo, ngati musilikali yuyo ate namaka pakubapoka abantu? Loli pope bulo awe we Mwene uli pakasi papitu, sona tukwitiziwa nitabwa lyako, utakatuleke twebene!”

Nkuto 5:20

Nkimba choni chicho akabalilo kosi ukutuluvyanga, sona choni chicho watuleka twebene ukwa kabalilo akatali nkani?

Ezekiyeli 20:14

Loli intakabomba ichi pachifukwa ichakubuvighilila ubuchindamu ubwa itabwa lyane ukuti litakanyaziwanje pamaso pa inko bo nkuzyefyamo mu Ijiputi.

Ezekiyeli 20:9

Nkabomba bunubu pachifukwa ichakulivighilila itabwa lyane ukuti litakanyaziwanje pamaso pa inko zizyo aba Izilayeli bakikalagha pakasi papabo, zizyo zikanyennya bo nkubefya aba Izilayeli muchisu icha Ijiputi.

Malaki 1:2

U Mwene akubabuzya abantu bache akuti, “Nabaghana nkani.” Loli mukundalusya mukuti, “Nkimba utughanite bulibuli?” U Mwene akwamula akuti, “Nkimba u Esabu nu Yakobo batakaba banamuntu? Imughanite u Yakobo,

Matayi 11:26

Eee, Tata, umu momumo ukalondela ukuti chibombiwanje.

Yohani 15:16

Mute mwemwe mukansala awe, loli nene nkabasala amwe. Po nkabasala nukubimika ukuti mubuke nukupa ivikomwa ivyinji, ivikomwa vivyo vikwiza pakubangako bwila. Sona Utata akwiza pakubapa chosi chicho mukulabila mwitabwa lyane.

Aba Loma 11:1

Po imbalalusye, nkimba u Chala akabakana abantu bache? Awe, napo panandi. Ane nemwene ne mu Izilayeli, uwaluko ulwa Abulahamu, uwa mbumba iya Benjamini.

Aba Loma 11:29

Pakuti u Chala atakwandula inyinong'ono zyache pa muntu yuyo amusala nukumusaya.

1 Aba Kolinti 4:7

Nkimba wewenu akakupela pakuba wapamwanya ukuchila na bamwinyu? Nkimba u Chala atakakupa vyosi vivyo uli navyo? Polelo ungituvya bulibuli, ngati po ivintu vivyo uli navyo vitakaba chabupi?

Aba Efeso 1:12

Ifundo yache yikaba yakuti aswe twe tukaba bakwanda pakuba nu lusubilo mwa Kilisitu, tubupale ubuchindamu bwache.

Aba Efeso 1:6

Zagha tumupale u Chala pachifukwa icha chisa chache icha buchindamu pakutupa umwana wache umughaniwa ukuti abanje chabupi bulo.

Ukukumbusya Amalamulo 14:2

pakuti amwe mwe bantu abazelu aba Mwene u Chala winyu. U Mwene abasalite amwe pakasi pabantu aba inko izinji zyosi izya muchisu ichapasi ukuti mubanje bache na bache.

Ukukumbusya Amalamulo 31:17

Po bunubu ane nkwiza pakubakalalila nukubaleka, sona nkwiza pakubanangannya. Nkwiza pakubawisizya intamyo na mayimba aminji nkani umwakuti pisiku lilalila bakwiza pakulalusya ukuti, ‘Nkimba intamyo zitakutuwila pachifukwa ichakuti u Chala witu, ate poka naswe?’

Ukukumbusya Amalamulo 31:6

Mubanje nu lweke, sona mujimbaye nkani. Mutakabanyilaye pamo ukutetema, pakuti u Mwene u Chala winyu akubuka namwe. Atakwiza pakubitikizya ukuti mupotwe, sona atakwiza pakubaleka mwebene.

Ukukumbusya Amalamulo 31:8

U Mwene umwenecho akwiza pakukulongolela, sona akwiza pakuba nawe. Atakwiza pakwitikizya ukuti upotwe, sona atakwiza pakukuleka wemwene. Po utakanyilaye pamo ukuwa amaka.”

Ukukumbusya Amalamulo 7:6

Pakuti amwe mwe bantu abache na bache aba Mwene u Chala winyu. U Mwene akabasala amwe pakasi pabantu bosi aba muchisu ichapasi ukuti mubanje bantu bache.

Ukukumbusya Amalamulo 9:5

U Mwene u Chala winyu abitikizya pakubachimbizyamo nukwikalamo muchisu chabo, te pachifukwa ichakuti mwe bagholosu, pamo mwe biza awe, loli pachifukwa ichakuti abantu balabala babibi nkani, sona pachifukwa ichakuti akulonda pakukwanilisya ilayizyo lilyo akamulayizya umunyenya winyu u Abulahamu nu Yisaki, sona nu Yakobo.

Aba Filipi 1:6

Intakwilamwa napo panandi ukuti u Chala, yuyo akanda imbombo inyiza iyi mumwinyu, akwiza pakuyimalizya mupaka pisiku ilyakufika kwa Kilisitu Yesu.

Aba Hebeli 13:5

Amoyo ghinyu ghatakabanje ghakughana indalama, mwikutaye na vivyo muli navyo. U Chala akati, “Ntakwiza pakubaleka. Ntakwiza pakubataghapo nalumo.”

Yoshwa 7:9

Pakuti aba Kenani, na bantu bosi aba muchisu chinichi bakwiza pakwivwa zinizi, po bakwiza pakutuzyungulila nukughazimya amatabwa ghitu muchisu ichapasi. Nkimba panapa ukwiza pakubombapo choni ukuti itabwa lyako lyendelele pakuchindikiwa?”

1 Pitala 2:9

Loli amwe mwe luko ulupaghuliwa, abaputi aba bumwene, abantu abache na bache aba Chala. Akabasala ukuti mulumbilile imbombo izyakuswighisya izya Chala, yuyo akabefyamo muchisi nukubinjizya mu lukozyo lwache ulwakuswighisya nkani.