1 Samuweli 12:20 - IBAYIBOLO 2024

²⁰ U Samuweli akabamula akati, “Mutakanyilaye. Amwe naloli mwananga, sona mutakamukane u Mwene. Loli mumubombelaye u Mwene nu moyo winyu ghosi.

1 Samuweli 12:20 Iomraidhean Croise

1 Imbili 28:9

“Wee mwana wane Solomoni, umwivwilaye nukumubombela u Chala uwa ghuso nu moyo wako ghosi pakuti u Mwene azimenye inyinong'ono izya muntu na kabombele kache. Nanti ukumulondelezya, ukwiza pakumwagha, loli nanti ukumusula, wepe akwiza pakukukana bwila na bwila.

Masalimo 101:3

Ntakwiza pakughitikizya amaso ghane, pakwennya ivintu ivyamwalwemwalwe. Izibengite nkani imbombo izya bantu babo te basubiliwa. Zinizi zitakwiza pakumamatila.

Masalimo 125:5

Loli babo bakweghelela inkalo inyonganu, u Mwene akwiza pakubachimbizya poka na babomba mbibi. Mu Izilayeli mubanje umutende.

Masalimo 40:4

Musayiwa umuntu yuyo amusubiye u Mwene wache, yuyo atakubadepukila abantu abakwituvya, kubabo bakupulumpila ku bachala abamyasi.

Ukufuma 23:25

Mumwiputaye u Mwene U Chala winyu, po nkwiza pakubasaya ni vyakulya na mizi aminji. Nkwiza pakubapozya ububine bosi.

Ukufuma 32:30

Indabi yache u Mozesi akababuzya abantu bala akati, “Amwe mwananga nkani. Loli losi ulu nkukwela sona pighamba ilya Mwene pakubiputila, lumo angabahobokela imbibi zyinyu.”

Yelemiya 3:1

“Nanti u mwanavuli akumusosya umuchi wache, sona u mukolo yula akwepako kukwache, nukusendana nu mwanavuli uyunji, nkimba u mwanavuli yula anganyokela nukumusenda sona u mukolo yula pakuba muchi wache? Nkimba ichisu chila chitanganyaziwa? Loli wabomba ubwamalaya na baghaniwa abinji nkani, nkimba unganyokela kukwane? Ane ne Mwene nanena.

Hagayi 2:5

Bo mwepamo muchisu icha Ijiputi, nkabalayizya ukuti nkwiza pakuba namwe akabalilo kosi. Nchili indinamwe, po mutakanyilaye.’

Ukukumbusya Amalamulo 10:12

Ilelo mwe ba Izilayeli, zizyo u Mwene u Chala winyu akulonda zyakuti mumunyilaye u Mwene u Chala winyu, mumughanaye, sona mumubombelaye u Mwene u Chala winyu nu moyo winyu ghosi nu muzimu winyu ghosi

Ukukumbusya Amalamulo 11:16

Muchebaye nkani ukuti mutakamulekaye u Mwene pakubiputa abachala abanji nukubabombela.

Ukukumbusya Amalamulo 31:29

Pakuti inzimenye ukuti bo nafwa, mwebosi mukwiza pakuba mwe bantu ababibi nkani, sona mukwiza pakuyileka izila yiyo nabamanyisya. Loli muntazi intamyo zikwiza pakubawila pachifukwa icha kubomba imbibi pamaso pa Mwene nukumukalalizya pachifukwa ichakubomba ivintu ivyamwiko.”

Yoshwa 23:6

“Polelo muchebaye nkani, sona mwenelezye ukuti mukughakonka amalamulo ghosi ghagho ghasimbiwe mwibuku ilya Ndaghilo izya Mozesi. Mutakalusulaye ululaghilo nalumolumo.

1 Pitala 3:16

Umabyebye winyu abanje mololo, umwakuti abantu babo bakubatuka pachifukwa icha nkalo yinyu inyiza mwa Kilisitu bakoziwe isoni pa vivyo bakunena.

1 Samuweli 12:19

Abantu bosi bakamubuzya u Samuweli bakati, “Twalamba, twiputileko kwa Mwene u Chala wako, aswe twe babombi bako ukuti tutakafwe, pakuti ilelo twazyaghannya ukuti pamwanya pambibi zyitu zyosi, tonjelezizyepo imbibi iyinji iyakuti tubanje nu mwene.”