1 Samuweli 12:19 - IBAYIBOLO 2024

¹⁹ Abantu bosi bakamubuzya u Samuweli bakati, “Twalamba, twiputileko kwa Mwene u Chala wako, aswe twe babombi bako ukuti tutakafwe, pakuti ilelo twazyaghannya ukuti pamwanya pambibi zyitu zyosi, tonjelezizyepo imbibi iyinji iyakuti tubanje nu mwene.”

1 Samuweli 12:19 Iomraidhean Croise

Ubwandilo 20:7

Loli ilelo kamunyosekezye umwanavuli yula umuchi wache. Umulume wache we mulaghuzi, po akwiza pakukwiputila, umwakuti utakafwe. Loli nanti utakumunyosekezya umwanavuli yula umuchi, nkukusoka ukuti awe poka na bantu bako bosi mukwiza pakufwa.”

Yobu 37:13

Akutimizya ivula ukuti abafunde abantu, pamo ukusembelela ichisu ichapasi pakulanjizya ulughano lwache.

Yobu 42:8

Polelo senda inkambaku seveni na bana abang'ozi, mubuke ku mubombi wane u Yobu nukubika ichakwiyipa ichakocha pachifukwa ichamwemwe. U Yobu umubombi wane akwiza pakubiputila, po ane nkwiza pakwivwa ulwiputo lwache sona ntakwiza pakubomba ukuyana nubupunganu bwinyu. Pachifukwa ichakuti mutanenite ubwanaloli pamaso papane ngati mumo akabombela umubombi wane u Yobu.”

Ukufuma 10:17

Losi ulu nalamba muhobokele pakabalilo kanaka ukunanga kwane nukunyiputila kwa Mwene u Chala winyu ukuti anyefezyeko ichiwaya ichakoghofya ichi.”

Ukufuma 32:30

Indabi yache u Mozesi akababuzya abantu bala akati, “Amwe mwananga nkani. Loli losi ulu nkukwela sona pighamba ilya Mwene pakubiputila, lumo angabahobokela imbibi zyinyu.”

Ukufuma 9:28

Iputa kwa Mwene ukuti ukupaya ni vula iya mabwe vileke, po nkwiza pakubitikizya ukuti mubukaye. Amwe mutabaghiye pakwikala sona kuno.”

Yesaya 26:16

Wee Mwene muntamyo zyabo bakakulonda, bakalaba kukwako, bo wabafunda.

Yelemiya 15:1

Po u Mwene akambuzya akati, “Napapo u Mozesi nu Samuweli bangimilila pamaso papane nukubiputila abantu banaba, pope bulo ngali intakabapelela ichisa abantu banaba. Befyepo pamaso papane! Babuzye babukaye!

Yelemiya 27:18

“Nanti abalaghuzi banaloli sona izyu ilya Mwene lili mumwabo, leka bipute kwa Mwene Uwamaka Ghosi ukuti ivibombelo vivyo vikalekiwa mu Nyumba iya Mwene sona na munyumba iya bumwene ubwa mu Yuda nubwa mu Yelusalemu vitakabukaye ku Babiloni.

Yelemiya 37:3

U mwene u Zedekiya, akamutuma u Yehukala u mwana uwa Shelemiya poka nu muputi u Zefaniya umwana uwa Maseya kwa Yelemiya umulaghuzi na mazyu aghakuti, “Twapela, mutwiputile kwa Mwene u Chala witu.”

Yelemiya 42:2

bakamubuzya umulaghuzi bakati, “Twalamba, utulabileko kwa Mwene u Chala witu aswe twe bakusyalako. Ngati mumo ukutwenezya, napapo tukaba binji nkani, loli ilelo twasyala banandi bulo.

Malaki 1:9

“Ilelo mwe baputi mumulambilizye u Chala ukuti abapelele ichisa, nanti mukubika ivyakwiyipa vinivi, nkimba angachipokela?

Ukubelengiwa 21:7

Abantu bala bakiza kwa Mozesi nukumubuzya ukuti, “Tukananga pakususannya nu Mwene poka nawe bulo. Iputa kwa Mwene ukuti efye injoka zinizi.” Po u Mozesi akabiputila abantu bala.

Imbombo 8:24

U Simoni akanena kwa Pitala nu Yohani akati, “Napela, munyiputilaye kwa Mwene ukuti nachimochimo icha vintu vivyo mwanena chitakambonekele.”

Yakobo 5:15

Nanti bakwiputa nu lwitiko, ulwiputo lulalula lukwiza pakumupozya umuntu umubine. U Mwene akwiza pakumunyamusya. Po nanti akananga, imbibi zyache zikwiza pakuhobokeliwa.

1 Yohani 5:16

Nanti yumo akumwennya umukamu wache akubomba imbibi, yiyo yitangamupelela ubufwe, iputaye kwa Chala yuyo akwiza pakumupa ubumi. Nkunena nizya kubomba imbibi kuko kutangamupelela umuntu ubufwe. Loli kuliko ukubomba imbibi kumo kuko kungamupelela umuntu ubufwe, sona intakunena ukuti iputaye kwa Chala nizya kubomba imbibi kula, awe.

1 Samuweli 12:13

Ilelo u mwene yuyo mukamusala we uyu. U mwene yuyo mukamulondagha, weyuyo u Mwene abapiye.

1 Samuweli 12:17

Nkimba aka te kabalilo akakwinulila ingano? Pope bulo nkwiza pakwiputa, sona u Mwene akwiza pakubajilimizizya nukubawisizya ivula. Po mukwiza pakuzyaghannya ukuti mukabomba imbibi inkulu nkani pamaso pa Mwene pakumulaba ukuti abape u mwene.”

1 Samuweli 12:20

U Samuweli akabamula akati, “Mutakanyilaye. Amwe naloli mwananga, sona mutakamukane u Mwene. Loli mumubombelaye u Mwene nu moyo winyu ghosi.

1 Samuweli 12:23

Ane ntakulonda ukuti imunangile u Mwene pakukana pakubiputila. Loli nkwiza pakubamanyisya chicho chiza sona chigholosu.

1 Samuweli 7:5

Po u Samuweli akati, “Babungannye poka aba Izilayeli bosi mu Mizipa, ane nkwiza pakubiputila kwa Mwene.”

1 Samuweli 7:8

Bakamubuzya u Samuweli bakati, “Utakalitaye pakutulilila kwa Mwene u Chala witu, umwakuti atupoke munyobe izya ba Filisiti bala.”

1 Samuweli 8:6

Loli bo banena amazyu aghakuti, “Utusalile u mwene uwakuti atulaghilaye.” Amazyu ghalaghala ghatakamuhobosya u Samuweli. Po u Samuweli akiputa kwa Mwene.