1 Samuweli 12:18 - IBAYIBOLO 2024

¹⁸ U Samuweli akiputa kwa Mwene, po pisiku lilalila Mwene akabajilimizizya nukubawisizya ivula, umwakuti abantu bosi bakamunyila nkani u Mwene, poka nu Samuweli.

1 Samuweli 12:18 Iomraidhean Croise

1 Abamwene 18:42

U Ahabu akabuka pakulya nukung'wela, loli u Eliya akakwela pamwanya pighamba ilya Kalimeli, akafughama nukubika umutu wache pakasi pavimpevu vyache.

Ezila 10:9

Abantu bosi aba muchisu icha Yuda nicha Benjamini bakabungana mu Yelusalemu pamasiku matatu ghala. Po pisiku ilya 20 mumwezi uwa 9, abantu bosi bakikala palubinjilo ulwa Nyumba iya Chala, bo bakutetema pachifukwa icha mabyebye wabo, sona pachifukwa icha vula iyamaka.

Yobu 37:13

Akutimizya ivula ukuti abafunde abantu, pamo ukusembelela ichisu ichapasi pakulanjizya ulughano lwache.

Masalimo 99:6

U Mozesi nu Aloni bope bakaba pakasi pabaputi bache, u Samuweli wepe akaba weka uwa bamo babo bakamwiputagha. Bakamulilila u Mwene, po akabamula.

Ukufuma 14:31

Bo aba Izilayeli baghennya amaka amakulu agha Mwene ghagho akabapotela aba Ijiputi, bakamunyila nu nukumusubila u Mwene, sona nu Mozesi umubombi wache.

Yoshwa 10:12

Pisiku lilyo u Mwene akababika aba Amoli munyobe izya ba Izilayeli, u Yoshwa akanena nu Mwene pamaso paba Izilayeli akati, “Wee lizuba, wime bulo pa Gibeyoni. Wee mwezi, wime bulo po pikombe ilya Ayaloni.”

Yoshwa 4:14

Pisiku lilalila u Mwene akamukwezya u Yoshwa pamaso paba Izilayeli bosi. Po aba Izilayeli bakamuchindikagha u Yoshwa mubumi bwache bosi, ukuyana namumo bakamuchindikilagha u Mozesi.