1 Samuweli 12:17 - IBAYIBOLO 2024

¹⁷ Nkimba aka te kabalilo akakwinulila ingano? Pope bulo nkwiza pakwiputa, sona u Mwene akwiza pakubajilimizizya nukubawisizya ivula. Po mukwiza pakuzyaghannya ukuti mukabomba imbibi inkulu nkani pamaso pa Mwene pakumulaba ukuti abape u mwene.”

1 Samuweli 12:17 Iomraidhean Croise

Masalimo 99:6

U Mozesi nu Aloni bope bakaba pakasi pabaputi bache, u Samuweli wepe akaba weka uwa bamo babo bakamwiputagha. Bakamulilila u Mwene, po akabamula.

Ukufuma 32:30

Indabi yache u Mozesi akababuzya abantu bala akati, “Amwe mwananga nkani. Loli losi ulu nkukwela sona pighamba ilya Mwene pakubiputila, lumo angabahobokela imbibi zyinyu.”

Ivyili 26:1

Umuchizi ghutakumuyana umupunganu momumo zibeleye nu kabefu muchisanya pamo ivula pakabalilo akakwinula.

Yelemiya 15:1

Po u Mwene akambuzya akati, “Napapo u Mozesi nu Samuweli bangimilila pamaso papane nukubiputila abantu banaba, pope bulo ngali intakabapelela ichisa abantu banaba. Befyepo pamaso papane! Babuzye babukaye!

Yoshwa 10:12

Pisiku lilyo u Mwene akababika aba Amoli munyobe izya ba Izilayeli, u Yoshwa akanena nu Mwene pamaso paba Izilayeli akati, “Wee lizuba, wime bulo pa Gibeyoni. Wee mwezi, wime bulo po pikombe ilya Ayaloni.”

1 Samuweli 12:13

Ilelo u mwene yuyo mukamusala we uyu. U mwene yuyo mukamulondagha, weyuyo u Mwene abapiye.

1 Samuweli 12:19

Abantu bosi bakamubuzya u Samuweli bakati, “Twalamba, twiputileko kwa Mwene u Chala wako, aswe twe babombi bako ukuti tutakafwe, pakuti ilelo twazyaghannya ukuti pamwanya pambibi zyitu zyosi, tonjelezizyepo imbibi iyinji iyakuti tubanje nu mwene.”

1 Samuweli 2:10

Abantu babo bakususannya nu Mwene, bakwiza pakuzimila, sona akwiza pakubapayila ukufuma kumwanya. U Mwene akwiza pakubalonga mupaka kubumalilo ubwa chisu ichapasi. “Akwiza pakumupa amaka u mwene wache, nukughakwezya amaka agha lupembe ulwa mupakiwa wache.”

1 Samuweli 7:5

Po u Samuweli akati, “Babungannye poka aba Izilayeli bosi mu Mizipa, ane nkwiza pakubiputila kwa Mwene.”

1 Samuweli 8:6

Loli bo banena amazyu aghakuti, “Utusalile u mwene uwakuti atulaghilaye.” Amazyu ghalaghala ghatakamuhobosya u Samuweli. Po u Samuweli akiputa kwa Mwene.

1 Samuweli 8:7

U Mwene akamwamula akati, “Bomba bulo zyosi zizyo abantu banaba bakulonda. Abantu banaba batakukukana awe, loli bakunkana ane ukuti imbanje ne mwene wabo.