1 Samuweli 12:14 - IBAYIBOLO 2024

¹⁴ Nanti mukumunyila u Mwene, nukumubombela nukumwivwila, ukusita ukukana amalamulo ghache, sona nanti amwe, poka nu mwene winyu yuyo akubalaghila mukumwivwila u Mwene u Chala winyu, chiza bulo.

1 Samuweli 12:14 Iomraidhean Croise

2 Imbili 15:2

Po akabuka pakukomana nu Asa nukumubuzya ukuti, “Wee Asa na mwebosi mwe bantu aba mu Yuda naba mu Benjamini ivwa kuno! U Mwene akuba namwe nanti mukuba nawe. Nanti mukumulondelezya, mukwiza pakumwagha, loli nanti mukumukana, wepe akwiza pakubakana.

Masalimo 105:28

Akawisya ichisi, po muchisu chila mukaba ichisi, pope bulo bakaghasulannya amazyu agha Mwene.

Yesaya 3:10

Babuzye abagholosu ukuti vikwiza pakubendela akiza, pakuti bakwiza pakwilagha ivikomwa ivya mbombo zyabo.

Nkuto 1:18

U Mwene mugholosu, loli intakaghakonka amalamulo ghache. Mwee bantu mwebosi, ivwa kuno, ennya namumo nkuyimbila. Abalumendo na balindu bane balemiwa pakuba bazya.

Aba Loma 2:7

Abantu babo bakwendelela pakubomba ubwiza nu buchindamu, umuchizi nubumi, u Chala akwiza pakubapa ubumi ubwa bwila na bwila.

Ukukumbusya Amalamulo 13:5

Loli umulaghuzi pamo uwavilota yula aghoghiwanje pachifukwa ichakubabuzya ukuti mumusambukile u Mwene u Chala winyu, yuyo akabefyamo mu Ijiputi nukubapoka muchisu chicho mukaba mwe bazya. Umuntu yunuyu mubibi pakuti akulonda pakubasovya ukuti mutakazikonkaye zizyo u Mwene akabalamula. Mubwefyepo ububibi bunubu pakasi papinyu pakumughogha umuntu yunuyu.

Yoshwa 24:14

“Polelo mumunyile u Mwene nukumubombela mubwanaloli bwinyu bosi. Mwefyemo abachala abanji babo abanyenya binyu bakabiputagha mulubazu lwalusoko ulwa Yufuleti na mu Ijiputi, po mumubombelaye u Mwene.

Yoshwa 24:20

Nanti mwamukana u Mwene nukubabombela abachala abanji, po wepe akwiza pakubakana nukubatumila intamyo, sona akwiza pakubazimizya, napapo kale akababombela ivyiza.”