1 Samuweli 12:12 - IBAYIBOLO 2024

¹² “Loli bo mwennya ukuti u Nahashi u mwene uwa ba Amoni akwiza pakulwa namwe ubwite, amwe mukambuzya mukati, ‘Awe, tukulonda u mwene ukuti atulaghilaye, napapo u Mwene u Chala winyu akaba we mwene winyu.’

1 Samuweli 12:12 Iomraidhean Croise

Ubwandilo 17:7

Ulufingo lwane ulwa bwila na bwila lukwiza pakwikala pakasi papako nane, sona napa baluko lwako ni nkulilo zyosi izya muntazi. Nkwiza pakuba ne Chala wako, sona nu Chala uwa baluko lwako.

Masalimo 74:12

Loli awe Chala we mwene wane ukwanda kale, wewe ukwiza nu bupoki pachisu.

Yesaya 33:22

Pakuti u Mwene we mulongi witu, u Mwene we akutupa indaghilo, u Mwene we mwene witu, weyuyo akwiza pakutupoka.

Yelemiya 40:11

Umwakuyana bulo, bo aba Yuda aba ku Mowabu naba ku Amoni naba ku Edomu sona naba mutwaya tosi utunji bivwa ukuti u mwene uwa ku Babiloni akabaleka abantu bamo abakusyalako mu Yuda nukuti akamusala u Gedaliya umwana uwa Ahikamu umwana uwa Shafani pakuba mulaghili wabo,

Hoseya 13:10

Nkimba ali ko kwiyi u mwene wako yuyo angakupoka? Nkimba bali ko kwiyi abalaghili bako mutwaya twako tosi utukulu nkani, babo ukatinji, Mpanga u mwene sona na makambala?

Ukubelengiwa 23:21

Nachimochimo ichighune akuchennyamo mwa Yakobo, atakuyennyamo nayimoyimo intamyo mwa Izilayeli. U Mwene u Chala wabo ali nabo, sona aba we mwene pakasi papabo.

Abalongi 8:23

U Gidiyoni akabamula akati, “Ane ntakwiza pakubalaghila, wepe umwana wane atakwiza pakubalaghila, awe. Loli u Mwene weyuyo akwiza pakubalaghila.”

Abalongi 9:18

Loli ilelo mwabasambukila abamunyumba iya tata wane nukubaghogha abana bache 70 pibwe lyoka, po mukamwimika u Abimeleki umwana uwa umuchi wache umuzya pakuba we mwene wamu Shekemu pachifukwa ichakuti we wamwinyu.

1 Samuweli 10:19

Loli ilelo mwamukana u Chala winyu, yuyo akabapoka muntamyo zyinyu na mumayimba ghinyu ghosi. Amwe mwambuzya mwati, ‘Awe! Utwimikile u mwene.’ Polelo mubungane pamaso pa Mwene ukuyana ninko zyinyu, sona ni nyumba zyinyu.”

1 Samuweli 8:3

Loli abana banaba batakasendelako inkalo inyiza iya wise, umwakuti bakabombelagha bulo zyo ndalama. Bakanda pakupokela amabeko nukulonga inongwa umwakunyongannya ubwanaloli.