1 Samuweli 10:5 - IBAYIBOLO 2024

⁵ Pisinda pache ukwiza pakubuka kwighamba ilya Chala ku Gibeya, kuko kuli akabukatila aka basilikali aba ba Filisiti. Bo ukupalamila ku kaya akakulu, ukwiza pakukomana na kabukatila aka balaghuzi, kako kakufuma kubuzilo ubwakwiputilako, bo bakulizya ivinanda ni visekeseke na malongi sona na mapango, bo bakulaghula.

1 Samuweli 10:5 Iomraidhean Croise

1 Abamwene 18:29

Bo umusanya wachila bakakolomoka mupaka pakabalilo akakubikila ivyakwiyipa ivya kuchamabwila, pope bulo kukaba bulo myee, atakabapo nayumoyumo uwakubamula pamo uwakubateghelezya.

2 Abamwene 2:15

Akabukatila aka balaghuzi aba mu Yeliko babo bakennyanga bakati, “Amaka aghabulaghuzi agha Eliya ghinjiye mwa Elisha.” Po bakabuka pakukomana nawe, nukufughama pantazi papache bo ivyeni vyabo vikotamiye pasi.

2 Abamwene 2:3

Akabukatila aka balaghuzi aba mu Beteli kakabuka kwa Elisha nukumulalusya ukuti, “Nkimba uzimenye ukuti u Mwene akwiza pakumwefyako u mwene wako pamaso papako ilelo?” U Elisha akamula akati, “Eee inzimenye, loli mutakazinenaye.”

2 Abamwene 2:5

Po akabukatila aka balaghuzi aba mu Yeliko kakabuka kwa Elisha nukumulalusya ukuti, “Nkimba uzimenye ukuti u Mwene akwiza pakumwefyako u mwene wako pamaso papako ilelo?” U Elisha akamula akati, “Eee inzimenye, loli mutakazinenaye.”

2 Abamwene 2:7

Abalaghuzi 50 bala bakabakonka kulusoko ulwa Yolodani. U Eliya nu Elisha bakimilila mulubazu mulusoko ulwa Yolodani, sona abalaghuzi 50 bala bakimilila pabutalipo.

2 Abamwene 3:15

Loli munyitizizye umuntu yuyo amenye nkani pakulizya ipango.” Bo umuntu yula ali pakulizya ipango, amaka agha Mwene ghakinjila mwa Elisha,

2 Abamwene 4:38

Pisinda pache u Elisha akanyokela sona ku Giligali. Pakabalilo kalakala muchigaba chilachila mukaba izala inkulu nkani. Bo akabukatila aka balaghuzi kali pakukomana nu Elisha, akamubuzya uwambombo wache akati, “Ikazya isonta inkulu nkani pamoto, ubapiyile ichakulya abayeni aba.”

2 Abamwene 6:1

Isiku limo abalaghuzi bamo aba mubukatila aka balaghuzi bakamubuzya u Elisha bakati, “Ennya, ubuzilo bubo tukwikala nawe bunandi nkani.

1 Imbili 11:16

Pakabalilo kalakala u Devedi akaba mwilinga, bo akabukatila aka basilikali aba ba Filisiti kali mu Betelehemu.

1 Imbili 13:8

U Devedi poka naba Izilayeli bosi bakasekelagha na maka ghabo ghosi pamaso pa Chala bo bakwimba inyimbo nukulizya ivinanda na mapango ni vivisekeseke nu malimba sona na mapati.

1 Imbili 16:42

U Hemani nu Yedutuni bakalizyanga amapati nu malimba sona bakalizyanga ivyakwimbila ivinji ivyakwimbila inyimbo izelu. Abana aba Yedutuni bakalindililagha pamulyango.

1 Imbili 16:5

U Asafu yuyo akaba we songo wabo nu Zekaliya yuyo akaba wabubili nu Yeyeli nu Shemilamoti nu Yehiyeli nu Matitiya nu Eliyabu nu Benaya nu Obedi Edomu sona nu Yeyeli. Abantu banaba bakasaliwa ukuti balizyanje ivinanda na mapango sona u Asafu akalizyanga umalimba.

Masalimo 49:4

Nkwiza pakutegha ikutu lyane ukuti nivwe ichili, sona nkwiza pakuchisanusya ichili chila pakwimba ichinanda.

Masalimo 92:3

pakwimba inyimbo na mapango sona ni vinanda.

1 Aba Kolinti 14:1

Yezya nkani pakuba nu lughano. Bika umoyo winyu pa vyabupi ivya Muzimu Umuzelu, nkaninkani ichabupi icha bulaghuzi.

1 Samuweli 10:10

Bo bafika mu Gibeya, akakomana na kabukatila aka balaghuzi. Umuzimu uwa Chala akamwinjila na maka u Sabuli, po wepe akanda pakulaghula.

1 Samuweli 10:4

Abantu balabala bakwiza pakukulamuka, sona bakwiza pakukupa ivibama vibili, po awe ukwiza pakuvipokela.

1 Samuweli 13:2

U Sabuli akabasala aba Izilayeli 3,000. Aba Izilayeli 2,000 bakaba poka nawe mu Mikimashi muchisu icha mumaghamba icha Beteli, sona aba Izilayeli 1,000 bakaba poka nu Yonatani mu Gibeya muchisu icha Benjamini. Po u Sabuli akababwezya aba Izilayeli abanji bosi kutwaya twabo.

1 Samuweli 13:3

U Yonatani akamughogha usongo uwa basilikali uwa ba Filisiti yuyo akaba mu Geba, po aba Filisiti bakivwa zinizi. U Sabuli akabatuma abantu ukuti balizye ipati muchisu chosi chilachila nukuti, “Aba Hebeli bivwe zinizi.”

1 Samuweli 19:20

Po akabatuma abantu ukuti bamuleme. Loli bo bennya akabukatila aka balaghuzi kali pakulaghula, sona nukuti u Samuweli akaba mulongozi wabo, Umuzimu uwa Chala akabinjila abantu bala, po bope bakanda pakulaghula.

1 Samuweli 9:12

Bakamula bakati, “Eee, alipo. Lubilo, ali kuntazi kukwinyu, afika bulo lunulu mukaya kitu, pachifukwa ichakuti ilelo abantu bakubika ichakwiyipa pabuzilo ubwapamwanya ubwakwiputilapo ivifwani.