1 Samuweli 10:27 - IBAYIBOLO 2024

²⁷ Loli abantu bamo abamwalwemwalwe bakati, “Nkimba umuntu yunuyu angatupoka bulibuli?” Bakamusamula u Sabuli, sona batakamupa ivyabupi navimovimo. Loli u Sabuli akaba bulo myee.

1 Samuweli 10:27 Iomraidhean Croise

2 Samuweli 20:1

Pakabalilo kalakala kukabako umuntu yumo uwa mwalwemwalwe yuyo akaba we Sheba umwana uwa Bikili, umu Benjamini. U Sheba akalizya ipati nukukolomoka ukuti, “Aswe tute ni chigaba nachimochimo mwa Devedi, sona tute ni mpyana mu mwana uwa Yese. Mwee ba Izilayeli umuntu wesi abwelaye ku chisakasa chache.”

2 Samuweli 8:2

U Devedi akabapota sona aba Mowabu. Akabalambalika pasi mumizele nukubapima nulukusa. Po akabaghogha abantu babo bakaba mumizele mibili iyakwanda yosi nukughuleka umuzele uwabutatu ghosi. Aba Mowabu bakaba bazya aba Devedi nukwanda pakusonka umusonko kukwache.

1 Abamwene 10:25

Umwaka nu mwaka umuntu wesi akamwizilagha ni vyabupi ivyakulekanalekana: U siliva nu golide ni nkazo ni vilwilo ivya bwite ni vyakunonezya ivyakulya ni falasi sona na bana aba mpunda.

1 Abamwene 4:21

U mwene u Solomoni akalaghilagha mubumwene bosi bunubu ukwandila kulusoko ulwa Yufuleti mupaka kuchisu icha ba Filisiti nukufika kumpaka iya chisu icha Ijiputi. Abantu aba muvyisu vinivi bakamupa umusonko u Solomoni, sona bosi bakaba pasi pabulaghili bwache mubumi bwache bosi.

1 Abamwene 5:1

Bo u mwene u Hilamu uwamu Tile ivwa ukuti u Solomoni apakaziwa amafuta pakuba we mwene pakumupyana uwise u Devedi, akatuma intumi kwa Solomoni, pachifukwa ichakuti akamanyana nkani nu Devedi.

2 Imbili 13:7

Abantu bamo abamwalwemwalwe bakamubunganila nukumusamula u Lehobowamu umwana uwa Solomoni pakabalilo kako akaba mwana munandi umwakuti atakaba na maka aghakwipokela mwene.

2 Imbili 17:5

U Mwene akabwikazya ubumwene ubwa Yehoshafati sona abantu bosi aba mu Yuda bakiza ni vyabupi kwa Yehoshafati, umwakuti akaba nu bukabi nkani sona akaba muchindikiwa.

Masalimo 38:13

Indi ngati wamapuli, yuyo atakwivwa, sona indi ngati we chinunu, yuyo atakunena.

Masalimo 72:10

Abamwene aba mu Talishishi naba pa tusungo, bakwiza pakusonkela umusonko kukwache, sona abamwene aba mu Sheba naba mu Seba bakwiza pakwiza ni vyabupi.

Umulumbilili 7:21

Utakateghelezyanje zyosi zizyo abantu bakunena, lumo ungivwa ukuti uwambombo wako akusamula.

Yesaya 36:21

Loli abantu bakaba bulo myee, sona batakamulapo nachimochimo, pachifukwa ichakuti u mwene u Hezekiya akabalamula akati, “Mutakamwamule.”

Matayi 2:11

Bakinjila munyumba nukwennya umwana poka nu nyina u Maliya, bakafughama nukumwiputa. Bakafumya ivyabupi vyabo ivya golide, ni vyakununkila ivya lubani, sona na mafuta agha mila nukumupa umwana.

Imbombo 7:35

“U Mozesi weyuyo aba Izilayeli bakamukana. Bakamulalusya bakati, ‘Nkimba wewenu akakubika pakuba we mulaghili nu mulongi pakasi papitu?’ Sona weyuyo u Chala akamutuma ukuti abanje we songo nu mupoki ukwendela mu wantumi uwakumwanya yuyo akamubonekela muchivwati ichakwaka numoto.

Ukukumbusya Amalamulo 13:13

ukuti abantu ababibi biza pakasi papinyu, sona babasovya abantu mutwaya twabo ukuti, “Mwebaya zagha tubiputaye abachala abanji,”

1 Samuweli 11:12

Po abantu bakamulalusya u Samuweli bakati, “Nkimba bali ko kwiyi abantu babo bakatinji, ‘U Sabuli atangaba we mwene witu?’ Zagha nabo kuno, tubaghoghe!”

1 Samuweli 11:13

Loli u Sabuli akati, “Atalipo nayumoyumo yuyo akwiza pakughoghiwa, pakuti ilelo u Mwene abapoka aba Izilayeli.”

1 Samuweli 16:20

U Yese akasenda impunda, yiyo yikanyamula ivibama, ni nyambi inyizule nu vinyo, sona nu mwana uwa mbuzi, nukumutuma umwana wache u Devedi ukuti abuke navyo kwa Sabuli.

1 Samuweli 2:12

Abana aba Eli bakaba babibi nkani, babo batakamuchindikagha u Mwene.

1 Samuweli 25:17

Nalondagha ukuti nkumanyisye bulo zinizi, sona bombapo zimo, pakuti chinichi chingamupelela intamyo u mwene witu poka na bamunyumba yache. U mwene witu uyu ali nu moyo umukafu nkani umwakuti akwighalila amakutu ghache nanti umuntu akumubuzya.”