1 Samuweli 10:26 - IBAYIBOLO 2024

²⁶ Wepe u Sabuli akabwela ku Gibeya, poka na banavuli abamaka, babo u Chala akaghapalamasya amoyo ghabo.

1 Samuweli 10:26 Iomraidhean Croise

2 Samuweli 21:6

Po utupe abantu seveni abaluko lwache ukuti tubaghoghele pamaso pa Mwene mu Gibeya, kako kaya akakulu nkani aka Sabuli, yuyo u Mwene akamusala.” Po u mwene akamula akati, “Chiza bulo, nkwiza pakubabika munyobe zyinyu.”

Ezila 1:5

Po abalongozi abamunyumba izya luko ulwa Yuda nulwa Benjamini na baputi sona naba Levi, kokuti umuntu wesi yuyo u Chala akamupalamasya umoyo, akiyannya pakubuka ku Yelusalemu pakuzenga Inyumba iya Mwene.

Masalimo 110:3

Abasilikali bako bakwiza pakwiyipa mubwighane bwabo, pisiku lilyo ukwiza pakulwa na balwani bako. Abalumendo bako bakwiza pakwiza kukwako mubwinji bwabo, ngati mumo inganda yikuwila pandabindabi.

Yesaya 10:29

Bakudumusannya pabwinjililo ubwa kaya kala, nukughona isiku lyoka pa Geba. Abantu aba muchisu icha Lama bakutetema, aba mukaya akakulu aka Gibeya aka Sabuli bakuchimbila.

Imbombo 13:48

Bo abantu babo bate ba Yuda bivwa zinizi, bakahoboka nukughapala amazyu agha Mwene. Po abantu bosi babo u Chala akabasala ukuti bapokele ubumi ubwa bwila na bwila, bakasubila.

Imbombo 7:10

nukumupoka muntamyo zyache zyosi. Bo u Yosefu aboneka pamaso pa Falabo, u mwene uwamu Ijiputi, u Chala akamupa inkalo inyiza na mahala. Po u mwene akamubika u Yosefu pakuba mulaghili uwamu Ijiputi, sona usongo uwa kunyumba iya bumwene.

Yoshwa 18:28

naka Zela naka Hayelefu naka Yebusi kokuti Yelusalemu naka Gibeya sona naka Kiliyati Yeyalimu. Utwaya tosi poka tukabapo 14 poka nutwaya twache utupalamani. Ichi cho chisu chicho aba Benjamini bakapokela pakuba mpyana ukuyana ni nyumba zyabo.

Abalongi 20:14

Po aba Benjamini bosi bakepamo mutwaya twabo utukulu nukubungana poka mu Gibeya pakulwa ubwite naba Izilayeli.

1 Samuweli 11:4

Bo intumi zila zyafika ku Gibeya, kuko u Sabuli akikalagha nukubabuzya abantu amazyu ghanagha, abantu bosi bakalila nkani.

1 Samuweli 13:2

U Sabuli akabasala aba Izilayeli 3,000. Aba Izilayeli 2,000 bakaba poka nawe mu Mikimashi muchisu icha mumaghamba icha Beteli, sona aba Izilayeli 1,000 bakaba poka nu Yonatani mu Gibeya muchisu icha Benjamini. Po u Sabuli akababwezya aba Izilayeli abanji bosi kutwaya twabo.

1 Samuweli 15:34

Pisinda pache u Samuweli akabuka ku Lama, wepe u Sabuli akabwela kukaya kache aka Gibeya.