1 Samuweli 10:22 - IBAYIBOLO 2024

²² Po bakamubuzikizya u Mwene bakati, “Nkimba umuntu yunuyu iziteko kuno?” U Mwene akamula akati, “Eee, avwamite pakasi pakatundu.”

1 Samuweli 10:22 Iomraidhean Croise

Ubwandilo 25:22

Bo abana babili bala banda pakusunkilizannya mulwanda ulwa nyina, u Labeka akati, “Nanti umu momumo zibeleye, nkimba choni chicho imbanje nubumi?” Po akamulaba u Mwene ukuti amwamule.

2 Samuweli 2:1

Bo pachilapo akabalilo, u Devedi akamubuzikizya u Mwene akati, “Nkimba ningabuka pakwikala mukaya akakulu nkani kamo aka mu Yuda?” U Mwene akamubuzya akati, “Bukagha.” Po u Devedi akamulalusya u Mwene akati, “Imbuke kwiyi?” U Mwene akamwamula akati, “Bukagha ku Hebuloni.”

2 Samuweli 21:1

Pakabalilo aka mwene u Devedi, kukabako izala amaka matutu. U Devedi akamubuzikizya u Mwene. Po u Mwene akamubuzya akati, “U Sabuli na bamunyumba yache bali ninongwa iyakughogha, pakuti akabaghogha aba Gibeyoni.”

Ukubelengiwa 27:21

Imilile pamaso pa muputi u Eleyazala, yuyo akwiza pakubumanya ubwighane ubwa Mwene pakubombezya u Ulimu nu Tumimu. Umu momumo akwiza pakuchilongozezya ichilundilo chosi, nukumulamula u Yoshwa, poka ni chilundilo chosi icha ba Izilayeli.”

Luka 14:11

Pakuti umuntu wesi yuyo akwikwezya mwene akwiza pakwisiwa, sona umuntu wesi yuyo akwiyisya mwene akwiza pakukweziwa.”

Abalongi 1:1

Bo u Yoshwa afwa aba Izilayeli bakamulalusya u Mwene bakati, “Nkimba luko loni lulo lukwiza pakuba lwakwanda pakulwa ubwite naba Kenani?”

Abalongi 20:18

Aba Izilayeli bakabuka mupaka ku Beteli pakumubuzikizya u Chala. Bakati, “Nkimba bo bawenu pakasi papitu babo babanje bakwanda pakulwa ubwite naba Benjamini?” U Mwene akamula akati, “Abaluko ulwa Yuda bo babo babanje bakwanda.”

Abalongi 20:23

Aba Izilayeli bakabuka pakumulilila u Mwene mupaka pachamabwila nukumubuzikizya ukuti, “Nkimba tubukaye sona pakulwa ubwite na bakamu bitu aba Benjamini?” U Mwene akabamula akati, “Bukagha.”

Abalongi 20:28

sona u Finehasi umwana uwa Eleyazala, u mwana uwa Aloni akaba weyuyo akenelezyanga. Bakalalusya bakati, “Nkimba tubukaye sona pakulwa ubwite na bakamu bitu aba Benjamini, pamo awe?” U Mwene akamula akati, “Bukagha, pakuti indabi nkwiza pakubabika munyobe zyinyu.”

1 Samuweli 10:21

Po akiza nabo pantazi paba Benjamini, ukuyana nuluko lwabo, sona uluko ulwa Matili lo lulo lukasaliwa. Pabumalilo pache, u Sabuli umwana uwa Kishi weyuyo akasaliwa. Loli bo bakumulondelezya, batakamwagha nakumokumo.

1 Samuweli 14:37

Po u Sabuli akamulalusya u Chala akati, “Nkimba tungalwa ubwite naba Filisiti? Nkimba ukwiza pakubabika munyobe zyitu?” Loli u Chala atakamwamula pisiku lilalila.

1 Samuweli 15:17

U Samuweli akati, “Napapo kale ukipimagha wemwene pakuba we mwana umunandi nkani, nkimba te we mulongozi uwa inko izya Izilayeli? U Mwene akakupakazya amafuta ukuti ubanje we mwene uwa ba Izilayeli.

1 Samuweli 22:10

Po u Ahimeleki yula akabuzikizya kwa Mwene mubuzilo ubwa Devedi. U Ahimeleki akamupa u Devedi ivyakulya nupanga uwa Goliyati umu Filisiti yula.”

1 Samuweli 23:9

Bo u Devedi azimanya ukuti u Sabuli akubatika pakumubombela ichintu ichibibi, akamubuzya umuputi u Abiyatala akati, “Mpanga u efodi.”

1 Samuweli 30:7

U Devedi akamubuzya umuputi u Abiyatala, umwana uwa Ahimeleki akati, “Mpanga u efodi.” Po u Abiyatala akamupa.

1 Samuweli 30:8

U Devedi akamubuzikizya u Mwene akati, “Nkimba ningakakonka akabukatila aka mavyondongo? Nkimba nkwiza pakubagha nukubapoka abantu babo babalemite?” U Mwene akamwamula akati, “Bakonke, ukwiza pakubagha, sona ukwiza pakubapoka abantu babo babalemite.”

1 Samuweli 9:21

U Sabuli akamula akati, “Loli ane ne mu Benjamini, lulo luko lunandi nkani pakasi pa inko zyosi izya Izilayeli. Po nkimba ukukumbusya bulibuli amazyu ghanagha?”