1 Samuweli 10:20 - IBAYIBOLO 2024

²⁰ Bo u Samuweli azibungannya poka inko zyosi izya ba Izilayeli, po uluko ulwa Benjamini lo lulo lukasaliwa.

1 Samuweli 10:20 Iomraidhean Croise

2 Samuweli 3:19

U Abinala akanenezannya sona nabaluko ulwa Benjamini, po akabuka ku Hebuloni pakumubuzya u Devedi zyosi zizyo aba Izilayeli naba Benjamini bakalondagha pakubomba.

Yona 1:7

Po abendezi bakanenezannya benebene bakati, “Zagha tubombe amayele umwakuti tumwaghe umuntu yuyo atupelela umukosi ghunughu.” Bakapanga amayele ghala, po bakamwagha u Yona.

Ukukumbusya Amalamulo 33:12

Nizya luko ulwa Benjamini akati, “U Mwene amusungilile u Benjamini, pakuti weyuyo u Mwene amughanite nkani. Akumuzighilila isiku ni siku nukumupakata munyobe zyache.”

1 Samuweli 10:19

Loli ilelo mwamukana u Chala winyu, yuyo akabapoka muntamyo zyinyu na mumayimba ghinyu ghosi. Amwe mwambuzya mwati, ‘Awe! Utwimikile u mwene.’ Polelo mubungane pamaso pa Mwene ukuyana ninko zyinyu, sona ni nyumba zyinyu.”

1 Samuweli 10:21

Po akiza nabo pantazi paba Benjamini, ukuyana nuluko lwabo, sona uluko ulwa Matili lo lulo lukasaliwa. Pabumalilo pache, u Sabuli umwana uwa Kishi weyuyo akasaliwa. Loli bo bakumulondelezya, batakamwagha nakumokumo.

1 Samuweli 14:38

Polelo u Sabuli akati, “Mwee balongozi aba basilikali, zagha kuno, umwakuti twennye imbibi yiyo yabombiwa ilelo.

1 Samuweli 14:41

Po u Sabuli akiputa kwa Mwene, u Chala uwa Izilayeli akati, “Nkimba choni chicho utakunyamula ne mubombi wako ilelo? Nanti nene imbombite imbibi pamo u mwana wane u Yonatani, wamulile mu bulaghuzi ubwa Ulimu, loli nanti imbibi iyi iya bantu bako aba Izilayeli po wamulile mu bulaghuzi bwako ubwa Tumimu. Po ubulaghuzi bukamulema u Yonatani nu Sabuli, po abantu bosi batakaba ninongwa nayimoyimo.”