1 Samuweli 10:16 - IBAYIBOLO 2024

¹⁶ U Sabuli akamwamula akati, “U Samuweli akatulingannya akiza bulo ukuti impunda zyinyu zyaghiwa.” Loli atakamubuzya uwise umunandi zizyo u Samuweli akamubuzya ukuti akwiza pakuba we mwene.

1 Samuweli 10:16 Iomraidhean Croise

Ukufuma 4:18

Po u Mozesi akanyokela kwa wisevyala u Yetulo nukumubuzya ukuti, “Leka inyokele ku bakamu bane ku Ijiputi pakubennya nanti bachili bumi.” U Yetulo akamwitikizya akati, “Bukagha, wende akiza.”

Ivyili 12:23

Umuntu uwamahala akufisagha amahala ghache, loli umupunganu akwilanjizya pabuzelu ubupunganu bwache.

Ivyili 29:11

Umupunganu akulanjizya pabuzelu ubukali bwache, loli umuntu uwamahala akughulema umoyo wache.

Umulumbilili 3:7

Pali akabalilo akakusonela, na kabalilo akakuzepulila. Pali akabalilo akakupuma bulo, na kabalilo akakunenela.

Abalongi 14:6

Umuzimu uwa Mwene ghukamwikila u Samusoni nukumupa amaka umwakuti akayizepulannya inkalamu yila pabili ni nyobe zyache ukuyana bulo namumo angamuzepulila u mwana uwa mbuzi. Loli atakamubuzyapo uwise pamo unyina zinizi.

Abalongi 14:9

Akaswaghila ubuchi bula munyobe zyache nukulya bo akwenda. Bo afika ku bapapi bache akabapako ubuchi bumo, po bope bakalya. Loli atakababuzya ukuti aswagha ubuchi bula mu nkalamu imfwe.

1 Samuweli 10:15

Uwise umunandi uwa Sabuli akamulalusya akati, “Nkimba akakubuzya ichoni?”

1 Samuweli 9:20

Mutakapasyanje nizya mpunda zyinyu zizyo zikasobela ulutazi, pachifukwa ichakuti zyaghiwa. Nkimba wewenu yuyo aba Izilayeli bakumulonda nkani? Nkimba te wewe poka na bosi abamunyumba iya ghuso?”

1 Samuweli 9:27

Bo bafika kubumalilo ubwa kaya kala, u Samuweli akamubuzya u Sabuli akati, “Umulamule uwambombo wako ukuti alongolele, loli awe usyalikile tasi, umwakuti nkubuzye amazyu aghakufuma kwa Chala.” Po uwambombo yula akalongolela.