1 Samuweli 10:1 - IBAYIBOLO 2024

¹ U Samuweli akasenda ibotolo ilya mafuta nukughapungulila pamutu uwa Sabuli, po akamufyofyonta. Akanena akati, “U Mwene akupakazya ukuti ubanje we mwene uwa bantu bache aba Izilayeli. Ukwiza pakubalaghila abantu bache nukubapoka munyobe izya balwani babo.

1 Samuweli 10:1 Iomraidhean Croise

2 Samuweli 1:14

U Devedi akamulalusya sona akati, “Nkimba choni chicho utakanyilagha pakumughogha umupakiwa uwa Mwene?”

2 Samuweli 19:39

Abantu bosi bakaloboka ulusoko ulwa Yolodani, sona wepe u mwene akaloboka. U mwene akalaghana nu Balizilayi nukumusaya. Po u Balizilayi akanyokela.

2 Samuweli 20:19

Aswe tukulonda umutende, sona twe bantu abasubiliwa muchisu icha Izilayeli. Awe ukuyezya pakukanangannya akaya akakulu nkani aka, kako we nyina mu Izilayeli. Nkimba choni chicho ukulonda pakuchizimizya ichilingo icha Mwene?”

2 Samuweli 5:2

Kale bo u Sabuli we mwene witu, awe ukabalongolela aba Izilayeli kubwite, sona u Mwene akakubuzya akati, ‘Ukwiza pakuba we mulaghili uwa bantu bane aba Izilayeli, sona ukwiza pakuba we mwene wabo.’ ”

1 Abamwene 1:34

Kulakula umuputi u Zadoki nu mulaghuzi u Natani bamupakazye amafuta ukuti abanje we mwene uwa chisu icha Izilayeli. Mulizye amapati nukukolomoka ukuti, ‘Wee mwene u Solomoni tukukulondela ubumi ubutali.’

1 Abamwene 19:18

Loli nkwiza pakubaleka bumi abantu 7,000 mu Izilayeli. Banaba bo bantu babo batamufughamiliyepo u Baala, pamo ukumufyofyonta.”

2 Abamwene 20:5

“Nyokela umubuzye u Hezekiya, umulongozi uwa bantu bane uti: U Mwene, u Chala uwa munyenya wako u Devedi akuti, ‘Ane nivwa ulwiputo lwako, sona naghennya amasozi ghako, nkwiza pakukupozya umwakuti pisiku ilyabutatu ukwanda ilelo, ukwiza pakubuka ku Nyumba iya Mwene.

2 Abamwene 9:1

Pakabalilo kalakala umulaghuzi u Elisha akamwitizya umuntu yumo uwa mukabukatila aka balaghuzi, nukumubuzya ukuti, “Vunga inkazo yako nukuyipinya nu lamba. Senda ibotolo ilya mafuta agha misyunguti ubuke ku Lamoti Giliyadi.

2 Abamwene 9:12

Bakamwamula bakati, “Ukutamanta, utubuzye bulo ubwanaloli.” Po u Yehu akababuzya akati, “Amazyu ghagho ambuzya gho agha: U Mwene ati, ‘Ane nkukupakazya amafuta ukuti ubanje we mwene uwa ba Izilayeli.’ ”

Masalimo 135:4

Amusala u Yakobo pakuba wache nu wache, po amusala u Izilayeli pakuba bukabi bwache.

Masalimo 2:12

Mumuchindikaye lumo angabakalalila nukubanangannya, pakuti ubukali bwache bukwaka lubilolubilo. Basayiwa bosi babo bakuchimbilila kukwache.

Masalimo 78:71

Akamusenda kuko akadimagha ing'ozi ukuti abanje mudimi uwa luko ulwa Yakobo, u Izilayeli, ichilingo chache.

Ukufuma 30:23

“Usende utwakununkila utwiza nkani utwakung'wama amakilogalamu sikisi agha mule uwa mizi, na makilogalamu matatu agha kinamoni, sona na makilogalamu matatu agha muba aghakununkila nkani,

Yelemiya 10:16

U Chala uwa Yakobo atayanite nabo, pakuti we mupeli uwa vintu vyosi, Aba Izilayeli bantu bache babo akabasala, itabwa lyache we Mwene Uwamaka Ghosi.

Ezekiyeli 16:13

Po ukayaniziwa nu golide nu siliva, amenda ghako ghakaba matonte sona aghakulabiwa aghamutengo uwapamwanya. Ichakulya chako chikaba cha busu ubutinye nu buchi na mafuta agha misyunguti. Ukaba we wakuboneka akiza nkani sona ukakweziwa pakuba we mwene umukolo.

Hoseya 13:2

Bachili bakunanga bulo, bakwipangila bene ivifwani ivya siliva, ivifwani vivyo vikupangiwa akiza nkani, vyosi vinivi bo bafundi babo pakuvipanga. Abantu bakubanena ukuti, “Bakubika ivyakwiyipa ku vifwani ivya ngwata vinivi nukuvifyofyonta.”

Imbombo 13:21

Bo abene bakulonda u mwene, u Chala akabapa u Sabuli, umwana uwa Kishi, uwaluko ulwa Benjamini ukuti abanje we mwene wabo amaka 40.

Ukukumbusya Amalamulo 32:9

Pakuti ubuzilo ubwa Mwene bo bantu bache akabasala abanyumba iya Yakobo pakuba mpyana yache.

1 Aba Tesalonika 5:26

Mubalamuke abitiki bosi pakulanjizya ulughano lwinyu ulwenecho.

Aba Hebeli 2:10

Pakuti chikamubaghila u Chala yuyo mupeli, sona musungilili uwa vintu vyosi, ukuti amupele u Yesu pakuba wakufikapo ukwendela mu mayimba ghache, umwakuti abasendele abana bache abinji pakwinjila mu buchindamu bwache. Pakuti u Yesu weyuyo akubalongozezya ku bupoki.

Ubuvumbuli 5:8

Bo apokela ibuku lila, ivipeliwa ivyabumi folo vila na basongo 24 bala bakawa pasi pamaso pa Mwana uwa ng'ozi. Wesi akalema ipango, ni mbako izya golide zyizuye nu twakufukizya utwakununkila, zizyo nyiputo izya bantu abazelu aba Chala.

1 Samuweli 12:3

Ane indi pano, nanti imbombitepo ichintu chimo ichibibi munsusye pamaso pa Mwene, na pamaso pa mupakiwa wache. Nkimba wewenu yuyo imufyulitepo ing'ombe yache? Nkimba alipo umuntu yumo yuyo imufyulitepo impunda yache? Nkimba wewenu yuyo imuzimbuyepo? Nkimba wewenu yuyo imuyivizyepo? Nkimba alipo umuntu yumo yuyo ampiyepo amabeko? Nanti imbombitepo ichintu chimo pavintu vyosi vinivi, nkwiza pakubanyosekezya vyosi.”

1 Samuweli 13:14

Loli ilelo ubumwene bwako butakwiza pakwikalana. U Mwene ilondela mwene umuntu uwa pamoyo wache, nukumusala ukuti abanje mulaghili uwa bantu bache, pachifukwa ichakuti utaghakonkite amalamulo agha Mwene.”

1 Samuweli 15:1

U Samuweli akamubuzya u Sabuli akati, “Ane ne muntu yuyo u Mwene akantuma ukuti nkupakazye amafuta ukuti ubanje we mwene uwa bantu bache aba Izilayeli. Po losi ulu ivwa amazyu agha Mwene.

1 Samuweli 15:17

U Samuweli akati, “Napapo kale ukipimagha wemwene pakuba we mwana umunandi nkani, nkimba te we mulongozi uwa inko izya Izilayeli? U Mwene akakupakazya amafuta ukuti ubanje we mwene uwa ba Izilayeli.

1 Samuweli 16:1

U Mwene akamubuzya u Samuweli akati, “Nkimba ukwiza pakuba ni chitima nu Sabuli mupaka liyi, pakuti ane namukana ukuti atakabanje sona we mwene uwa ba Izilayeli? Losi ulu senda amafuta ubuke kunyumba iya Yese mu Betelehemu. Ane namusala yumo umwana wache umulumendo ukuti abanje we mwene.”

1 Samuweli 16:13

U Samuweli akasenda amafuta nukumupakazya u Devedi pamaso pa bawamwabo bala. Po ukwandila pisiku lilalila umuzimu uwa Mwene akamwinjila u Devedi na maka. Pisinda pache u Samuweli akabwela ku Lama.

1 Samuweli 2:10

Abantu babo bakususannya nu Mwene, bakwiza pakuzimila, sona akwiza pakubapayila ukufuma kumwanya. U Mwene akwiza pakubalonga mupaka kubumalilo ubwa chisu ichapasi. “Akwiza pakumupa amaka u mwene wache, nukughakwezya amaka agha lupembe ulwa mupakiwa wache.”

1 Samuweli 24:6

Po akababuzya abantu bache akati, “U Mwene ankanizye ukuti intakamubombele ichintu ichibibi u mwene wane uyu, yuyo mupakiwa uwa Mwene pamo ukumuvulazya napo panandi pakuti mupakiwa uwa Mwene.”

1 Samuweli 26:11

Loli u Mwene ankanizye ukuti intakamubombele ichintu ichibibi umupakiwa wache. Losi ulu senda impalala yache nu lubako lwache ulwa mizi, lulo luli papipi nu mutu wache, po tubukaye.”

1 Samuweli 26:9

Loli u Devedi akamubuzya u Abishayi akati, “Awe, utakamubombele ichintu ichibibi. Nkimba wewenu yuyo angamubombela ichintu ichibibi umupakiwa uwa Mwene, nukuba musita nongwa?”

1 Samuweli 8:19

Loli abantu batakamwivwila u Samuweli. Po bakati, “Awe, tukulonda u mwene uwakuti atulaghilaye.

1 Samuweli 8:9

Losi ulu bomba bulo zyosi zizyo abantu banaba bakulonda. Loli ubasoke nkani, sona ubabuzye inkalo yosi iya mwene yuyo bakumulonda yikwiza pakubela.”

1 Samuweli 9:16

“Indabi pakabalilo ngati kanaka nkwiza pakumutuma umuntu uwa muchisu icha Benjamini. Umupakazye amafuta ukuti abanje we mwene uwa bantu bane aba Izilayeli. Akwiza pakubapoka abantu bane munyobe izya ba Filisiti. Naghennya amayimba agha bantu bane, sona nivwa ukulila kwabo.”

1 Samuweli 9:27

Bo bafika kubumalilo ubwa kaya kala, u Samuweli akamubuzya u Sabuli akati, “Umulamule uwambombo wako ukuti alongolele, loli awe usyalikile tasi, umwakuti nkubuzye amazyu aghakufuma kwa Chala.” Po uwambombo yula akalongolela.