1 Samuweli 1:8 - IBAYIBOLO 2024

⁸ Lumo umulume wache u Elikana akamulalusyanga akatinji, “Wee Hana, nkimba choni chicho ukulila? Choni chicho utakulya? Nkimba choni chicho we musulumannye? Fwandi mubumi bwako ane intakubachila abana abalumendo teni?”

1 Samuweli 1:8 Iomraidhean Croise

2 Abamwene 8:12

U Hazayeli akamulalusya akati, “Wee mwene wane, nkimba choni chicho ukulila?” U Elisha akamula akati, “Pachifukwa ichakuti inchimenye ichintu ichibibi chicho ukwiza pakubabombela aba Izilayeli. Ukwiza pakughocha amalinga ghabo, nukubaghogha abana babo abalumendo. Ukwiza pakubakomezya pasi abana babo, sona nukubatumbulannya abakolo babo bali pabung'wamu.”

Yobu 6:14

“Pakabalilo aka mayimba ngati kanaka, chikulonda abamanyani abasubiliwa babanje papipi lumo umuntu angamukana Uwamaka Ghosi.”

Masalimo 43:4

Po nkwiza pakubuka pachighemo icha Chala, yuyo akumpanga ubuhobosu nukusekela. Po nkwiza pakulizya ichinanda pakukupala we Chala wane.

Yesaya 54:1

U Mwene akuti, “We mukolo umughumba imbagha, we utapapitepo nalumo umwana, kolomokagha pakwimba sona usekelaye, we utivuyepo nalumo ububavu pakusayiwa, pachifukwa ichakuti abana abinji abamukolo yuyo akwikala mwene na mwene, ukuchila umukolo yuyo ali nu mulume wache.

Yesaya 54:6

U Mwene akwiza pakukwitizya sona po ngati ukaba muchi wache, yuyo achimbiziwe nukuyimba mumuzimu, ngati muchi umulindu yuyo akamukana.” Momumo akunenela u Chala wako.

Yohani 20:13

Bakamulalusya bakati, “Wee mukolo, nkimba ukulila ichoni?” Akabamula akati, “Bamwefizyemo u Mwene wane, sona intamenyeko na kuko bamubikite!”

Yohani 20:15

U Yesu akamulalusya akati, “Wee mukolo, choni chicho ukulila? Nkimba ukumulonda wewenu?” U Maliya akinong'onagha ukuti akaba mulindilili uwa mughunda, po akamubuzya akati, “Wee Mwene, nanti wewe umunyamuye, mbuzya kuko umubikite ukuti imbuke nukumusendako.”

1 Aba Tesalonika 5:14

Bakamu bitu, tukubalaba ukuti mubasokaye abantu abakata. Abantu babo bali nubogha mubakazyanje. Mubakazyanje nukubavwa babo badedebazu, sona mubanje mwe bafisalyoyo nu muntu wesi.

Luti 4:15

Umulasagha wako akughanite nkani, sona akubombela ichintu ichikulu nkani ukubachila abana abalumendo seveni. Losi ulu akupiye umwizukulu, yuyo akwiza pakukupa ubumi ubupya, sona akwiza pakukusangalusya mubughosi bwako.”

1 Samuweli 1:7

Zinizi zikaba bunubu umwaka nu mwaka. Pakabalilo kosi bo u Hana abuka ku Nyumba iya Mwene u Penina akamukalalizya, umwakuti u Hana akalindilagha bulo pakulila, sona atakalondagha na pakulya.