1 Samuweli 1:28 - IBAYIBOLO 2024

²⁸ Ichi cho chifukwa niza nawe pamaso pa Mwene. Pakuti umwana uyu akwiza pakuba wa Mwene mubumi bwache bosi.” Po u Eli akamwiputa u Mwene kulakula.

1 Samuweli 1:28 Iomraidhean Croise

Ubwandilo 24:26

Umuntu yula akafughama nukumwiputa u Mwene.

Ubwandilo 24:48

Po nkafughama nukumwiputa u Mwene. Nkamupalizya u Mwene, u Chala uwa mwene wane u Abulahamu, yuyo akandongozya akiza nkani ku bakamu abamwene wane, kuko nkamusendela umulasagha u mwene wane.

Ubwandilo 24:52

Bo uwambombo uwa Abulahamu ivwa zinizi akafughama nukumwiputa u Mwene.

Ivyili 31:2

Wee mwana wane, uwa mulwanda lwane, awe we mwana wane uwa chilapo chane.

Ukubelengiwa 6:8

Akabalilo kosi akakwipaghulila kwache kwa Mwene, umuntu yula akuba muzelu.

2 Timoti 3:15

Uzimenye sona ukuti ukwandila ko kubwana bwako, waghamanya Amasimbo Amazelu ghagho ghangakupa amahala ukuti impokiwe ukwendela mu lwitiko mwa Kilisitu Yesu.

Abalongi 7:15

Bo u Gidiyoni ivwa ichilota chila sona ni ching'anamulo chache, akamwiputa u Chala. Akanyokela kuvisakasa ivya ba Izilayeli nukubabuzya ukuti, “Nyamuka! U Mwene ababika aba Midiyani munyobe zyinyu.”

1 Samuweli 1:11

Po akalapa ichilapo akati, “Wee Mwene Uwamaka Ghosi, nanti wennya bulo intamyo zyane nukunkumbuka, sona nanti utakunduvya ane ne wambombo wako pakumpa umwana umulumendo, umwana yula nkwiza pakumupa u Mwene amasiku ghosi agha bumi bwache, sona atakwiza pakumwapo nalumo isisi zyache.”

1 Samuweli 1:22

u Hana atakabukako. Akamubuzya umulume wache akati, “Bo umwana uyu aleka pakonka nkwiza pakumupaghulila kwa Mwene, po akwiza pakwikalagha kulakula ubumi bwache bosi.”

1 Samuweli 2:11

Po u Elikana akabwela ku Lama. Loli umulumendo u Samuweli akasyala ku Shilo kulakula pakumubombela u Mwene pasi pa umuputi u Eli.

1 Samuweli 2:20

U Eli akamusayagha u Elikana nu muchi wache nukuti, “U Mwene akupe abana abanji mu mukolo yunuyu, ukuti asende ubuzilo ubwa yuyo ukamupa u Mwene.” Pisinda pache bakabwelagha kunyumba.

1 Samuweli 28:2

U Devedi akamula akati, “Po ukwiza pakwennya zizyo ane ne mubombi wako nkwiza pakubomba.” U Akishi akamula akati, “Wabomba akiza, nkwiza pakukubika ukuti ubanje wakubuzighilila ubumi bwane bosi.”