1 Samuweli 1:22 - IBAYIBOLO 2024

²² u Hana atakabukako. Akamubuzya umulume wache akati, “Bo umwana uyu aleka pakonka nkwiza pakumupaghulila kwa Mwene, po akwiza pakwikalagha kulakula ubumi bwache bosi.”

1 Samuweli 1:22 Iomraidhean Croise

Masalimo 110:4

U Mwene alapa, po atakwiza pakwandula inyinong'ono zyache. “Awe we muputi uwa bwila na bwila mulubatiko ulwa buputi ubwa Melekizedeki.”

Masalimo 23:6

Naloli ubwiza nu lughano lwako lulo lutakupotwapo nalumo vikwiza pakuba nane, mumasiku ghosi agha bumi bwane, sona nkwiza pakwikala mu Nyumba iya Mwene bwila na bwila.

Masalimo 27:4

Ichintu choka chicho nkumulaba u Mwene, chicho nkachilonda nkani chakuti, nikalaye mu Nyumba iya Mwene mumasiku ghosi agha bumi bwane. Umwakuti nennyanje akabonekele akiza aka Mwene, sona nukuti imulondaye mu Nyumba yache.

Ukufuma 21:6

Po u mwene wache amusendele pantazi pa balongi. Kulakula ize nawe palwiyi pamo mulubazu ulwa mulyango nukumudobola ikutu ni chidobolelo. Po akwiza pakuba muzya wache mubumi bwache bosi.

Yesaya 9:7

Ukonjeleziwa ukwa bulaghili bwache nu mutende butakwiza pakumala. Akwiza pakulaghila pachitengo icha Devedi napabumwene bwache, pakubwikazya nukubukuzya mubwanaloli nu bugholosu ukwanda pakabalilo kalakala sona bwila na bwila. Ulweke ulwa Mwene Uwamaka Ghosi lukwiza pakuzimalizya zinizi.

Aba Levi 25:23

“Mutakaghulizizye zila ichisu, pakuti ichisu chane. Amwe mwe bayeni bulo, sona mwe bendazila.

Luka 2:22

Akabalilo kakakwana akakuti u Yosefu nu Maliya babombe ulwiho ulwa kwiswefezya ukuyana ni Ndaghilo izya Mozesi. Po bakasenda umwana nukubuka nawe mu Yelusalemu pakupaghuliliwa kwa Mwene.

Ukukumbusya Amalamulo 16:16

Abanavuli bosi abaluko lwinyu bizaghe katatu pamwaka pamaso pa Mwene u Chala winyu pabuzilo bubo akwiza pakubusala, bo mukuba nu Lusekelo ulwa Chibama chicho chite ni chilungo nu Lusekelo ulwa Nyinulo, sona nu Lusekelo ulwa Visakasa. Patakabepo nayumoyumo umwanavuli uwakwiza nyobe zyene pamaso pa Mwene.

Yoshwa 4:7

mubamulaye ukuti amizi agha mulusoko ulwa Yolodani ghakaleka pakwenda, bo Ibokosi ilya Lufingo ulwa Mwene likuloboka. Amabwe ghanagha cho chikumbusyo icha ba Izilayeli bwila na bwila.”

1 Samuweli 1:11

Po akalapa ichilapo akati, “Wee Mwene Uwamaka Ghosi, nanti wennya bulo intamyo zyane nukunkumbuka, sona nanti utakunduvya ane ne wambombo wako pakumpa umwana umulumendo, umwana yula nkwiza pakumupa u Mwene amasiku ghosi agha bumi bwache, sona atakwiza pakumwapo nalumo isisi zyache.”

1 Samuweli 1:28

Ichi cho chifukwa niza nawe pamaso pa Mwene. Pakuti umwana uyu akwiza pakuba wa Mwene mubumi bwache bosi.” Po u Eli akamwiputa u Mwene kulakula.

1 Samuweli 13:13

U Samuweli akamubuzya akati, “Wabomba ivyabupunganu nkani. Awe utakaghasunga amalamulo ghagho u Mwene u Chala wako akakupa. Nanti ukabombagha bunubu, ngali ikazizye ubumwene bwako pakasi paba Izilayeli bwila na bwila.

1 Samuweli 2:11

Po u Elikana akabwela ku Lama. Loli umulumendo u Samuweli akasyala ku Shilo kulakula pakumubombela u Mwene pasi pa umuputi u Eli.

1 Samuweli 2:18

Loli u Samuweli akamubombelagha u Mwene, bo avwalite u efodi umutonte.

1 Samuweli 28:2

U Devedi akamula akati, “Po ukwiza pakwennya zizyo ane ne mubombi wako nkwiza pakubomba.” U Akishi akamula akati, “Wabomba akiza, nkwiza pakukubika ukuti ubanje wakubuzighilila ubumi bwane bosi.”

1 Samuweli 3:1

Umulumendo u Samuweli akamubombelagha u Mwene umwakulongoziwa nu Eli. Po mumasiku ghalaghala amazyu agha Mwene ghatakivwikagha pipipipi, sona ivisetuka vitakaboneka kabilikabili.